Gliftal (alkid) linoleum matoli asosda uzunligi kamida 20m, eni 1,8-2,0
m va qalinligi 2,5-5 mm o‘lchamlarda ishlab chiqariladi. Gliftal linoleumlar
rangli yoki bosma rasmli bo‘ladi. Ular asosan yordamchi binolarda pollar
barpo etish uchun ishlatiladi.
Kolloksilin (nitrotsellyuloza) linoleumi asossiz holda, uzunligi 20 m, eni
1-1,6 m va qalinligi 2-4 mm o‘lchamlarda chiqariladi. Ular qizil va jigar
rangida bo‘ladi.
Kolloksilin linoleumi nurga, namga, sovuqqa chidamli, elastikligi va
egiluvchanligi Yuqori, edirilishga bardoshli bo‘ladi, ekpluatatsiya jarayonida
zararli birikmalarni ajratib chiqarmaydi. Ular yonuvchan bo‘lgani uchun
bog‘cha, maktab, teatr kabi binolarda ishlatilmaydi.
Rezinali linoleum (relin) ikki qatlamli o‘rama material bo‘lib, pastki
qatlami avval ishlatilgan rezina kukuni va neft bitumi, asbest va ip-gazlama
dispers armaturalardan ozgina miqdorda qo‘shilgan, vulkanizatsiyalangan
aralashmasi qotishmasidan iborat. Relinning yupqa (11,5 mm) va mustahkam
ustki qismi sintetik kauchuk asosida kukun to‘ldirgich qo‘shib tayyorlangan
rangli rezinadan tashkil topgan.
Relin uzunligi kamida 12 m, eni 1-1,6 m va qalinligi 3 va 5 mm o‘rama
holda chiqariladi. Relin issiqlik va tovush izolyasiyasi xususiyatga ega bo‘lishi
uchun qalinligi 4-6 mm li yacheykali g‘ovak asosda tayyorlanadi. Relin rangli,
marmarsimon suratli holda bo‘ladi. U suv, kislotali va ishqorli qorishmalar
ta’siriga chidamli, elektr toki zaryadlarini to‘plamaydi va uchqunlanmaydi.
Relin asosida jamoat va sanoat binolari, yordamchi xonalar va boshqa
agressiv muhit ta’sirida bo‘ladigan xonalarning pollarini qoplashda ishlatiladi.
Tukli sintetik gilam ikki qatlamli o‘rama material bo‘lib, ustki qatlami
esa ko‘pirtirilgan issiqlik izolyasiyasi tabiiy va sintetik polimerlar (poliuretan)
va latekslardan iborat bo‘ladi. Gilam qoplamaning umumiy qalinligi 8 mm
bo‘lsa, kapron tukning balandligi 3 mm, ko‘pirtirilgan asos balandligi 5-6mm.
Gilam uzunligi 12m gacha, eni 1-4 m gacha va qalinligi 8 mm bo‘lgan
holda tayyorlanadi. Gilam rangi turlicha bo‘lishi mumkin.
Tukli sintetik gilam issiqlik izolyasiyasi va tovush yutuvchi, eyilishga
bardoshli, mustahkam, namlab tozalash mumkin bo‘lgan materialdir. Asosiy
xususiyatlardan biri olov ta’sirida yonmasdan, faqat eriydi.
Sintetik gilam xonaga quruqlayin to‘shaladi va har tomonidan maxsus
profilli plintuslar bilan mahkamlanadi. Ular asosida mehmonxonalar,
auditoriyalar, kino-konsert zallari, teatr binolari pollari qoplanadi.