Respublikasi oliy ta`lim,fan va innovatsiyalar vazirligi

Tadkikot mavzusi buyicha adabiyotlar sharxi(taxlili). Hozirgi kungacha bolalarni jismoniy tarbiyalash yuzasidan qator mutaxassislar tomonidan ilmiy tadqiqotlar olib borilgan bo‘lib, ularda yoshga xos xususiyatlar (V.S.Farfel, V.P.Filin, 1987; M.Lines, 1990; Ye.Malkov, 1991; A.I.Kravchuk, 1998; L.V.Volkov, 2002; V.P.Guba, R.S.Salamov, 2003; T.S.Usmonxodjaev, 2006; I.G.Niyazov, 2007), yuklamalarni me’yorlash (I.G.Malseva, 1989; V.V.Ivochkin, 1990; S.S.Niyazov, 2006), jismoniy sifatlarni rivojlantirish (A.Polunin, 1990-1991; Yu.Verxoshanskiy, 2002; B.J.Yadgarov, 2007), organizmning funksional qobiliyatlari (N.I. Volkov, 1994), chidamlilikni rivojlantirish (V.B.Popov, F.P.Suslov, I.Ye.Ivado, 1984; V.N.Kulakov, 1990; V.I.Lyax, 1998) masalalari tadqiq qilingan.
Vatanimiz olimlari (Sh.X.Xankeldiev, 1996; K.T.Shakirjanova, 2007) tomonidan ham yoshlarda chidamlilikni rivojlantirish muammosi ko‘rib chiqilgan. Biroq bu ilmiy ishlarda BO‘SM boshlang‘ich tayyorgarlik guruhida yosh sportchilarning umumiy chidamliligini rivojlantirish masalalari yoritilmagan.
Tadqiqot maqsadi: 10-12 yoshdagi yosh sportchilarda chidamlilikni tarbiyalash vositalari, usullari va uslublarining samarali rejalashtirilishini ishlab chiqish va tajribada asoslab berishdan, ularning funksional tayyorgarligini oshirishdan, yengil atletika mashg‘ulotlariga qiziqish uyg‘otish hamda chidamlilik zarur bo‘lgan sport turlari uchun zahira tayyorlashdan iborat.
Tadqiqot ob’ekti va predmeti: BO‘SM sharoitida boshlang‘ich tayyorgarlik guruhlaridagi o‘quv-mashg‘ulot jarayoni.
Tadqiqot farazi:

• 
  tanlab yo‘naltirilgan optimal mashg‘ulot yuklamalarini ularning kattaliklari bo‘yicha tizimlashtirish va tasniflash, shuningdek, yuklamalar kattaliklarini ularning 10-12 yoshdagi sportchilar organizmiga ta’sir qilish darajasiga ko‘ra me’yorlash;
  
• 
  yosh yengil atletikachilarning mashg‘ulot va musobaqa jarayonini o‘tkazish uslubiyatini takomillashtirish;
  
• 
  aerob, cheklangan anaerob va aralash ish rejimini joriy qilish asosida yillik o‘quv jadvalining ishlab chiqilishi yosh sportchilar funksional tayyorgarligining oshishini va o‘rta masofaga yuguruvchi yosh yengil atletikachilar zahirasini tayyorlash jarayoni samaradorligini ta’minlaydi.