|
8. PROFILAKTIKA
Antenatal va postnatal (nospetsifik va spetsifik)profilaktika ajratiladi.
Antenatal profilaktika
Raxitning nospetsifik profilaktikasi homiladorlik davrida amalga oshiriladi va ratsional ovqatlanish, kun tartibiga rioya qilish, toza havoda yetarli darajada bo’lish (kamida 2 – 4 soat)ni o’z ichiga oladi. Homilador ayolning ovqatlanishi turli xil bo’lishi va kal’siyga boy oziq-ovqatlarni o’z ichiga olishi kerak. Kundalik ratsionda homilador ayol kamida 170 g go’sht, 70 g baliq, 50 g tvorog, 15 g pishloq, 0,5 l sut yoki sut mahsulotlari bo’lishi kerak. Mahsulotlar yetarli miqdorda vitamin va mikroelementlarni o’z ichiga olishi kerak.
Spetsifik profilaktika barcha homilador ayollarga, ayniqsa, homiladorlikning uchinchi trimestrida 400 – 500 ME vitamin D ni o’z ichiga olgan polivitaminli preparatlarni qo’llash orqali amalga oshiriladi. Xavf guruhiga kiruvchi homiladorlarda (nefropatiya, qandli diabet, gipertoniya kasalligi, buyrak kasalliklari bo’lgan) yil faslllaridan qat’i nazar,xomiladorlikning 32-haftasidan boshlab 8 hafta davomida qo’shimcha vitamin D3(xolekal’siferol) 1000 ME dozada buyurish lozim hisoblanadi (ІІ S).
Dostları ilə paylaş: |
