Birinci kitab
Yüklə 3,22 Mb. Pdf görüntüsü
|
|
1
Qürur və Qərəz
downloaded from KitabYurdu.org 2
BIRINCI KITAB
I FƏSİL Hamı bilir ki, maddi imkanı olan gənc özünə arvad axtarmalıdır. Beləsinin niyyəti və baxışları nə qədər az məlum olsa da, yeni bir məkanda yerləşməsindən sonra bu həqiqət ətrafda yaşayan ailələrin beynini o dərəcədə möhkəm məşğul edir ki, dərhal ona bu və ya başqa qonşu qızının halal şikan kimi baxmağa başlayırlar. — Əziz mister Bennet, — bir dəfə missis Bennet ərinə dedi, — eşitmisinizmi, Nezerfild parkı, nəhayət, daha boş qalmayacaq? Mister Bennet cavab verdi ki, o bunu eşitməyib. — Bununla belə, bu elədir, — o davam etdi. — İndicə missis Lonq gəlmişdi, bu xəbəri mənə o verdi! Mister Bennet susdu. — Bəs bilmək istərdinizmi ki, bizim yeni qonşumuz kim olacaq? — arvadı səbirsizliklə soruşdu. downloaded from KitabYurdu.org
3
— Bu barədə danışmaq istəyirsinizsə, sizi dinləməyə hazıram. Ondan bundan artıq şey tələb olunmurdu. — Hə, qulaq asm, mənim əzizim, — missis Bennet davam etdi, — missis Lonqun dediyinə görə, Nezerfildi Şimali İngiltərədən gəlmiş çox varlı bir gənc kirayələyib. Bazar ertəsi günü o, dörd at qoşulmuş kareta ilə bura gəlib. Əraziyə baxıb və elə riqqətə gəlib ki, dərhal mister Morrislə hər şey barədə danışıb və razılaşıb. O, Mixaylov gününədək köçəcək və artıq gələn həftənin axırında onun xidmətçilərindən bəziləri bura gələcək. — Bəs onun adı nədir? — Binqli.
— O ailəlidi, yoxsa subaydı? — Subaydır, əzizim, iş ondadır ki, subaydır! İldə dörd və ya beş min gəliri olan gənc subay! Bizim qızlarımız üçün uğurlu təsadüfdür, düzdürmü? — Necə yəni? Məgər bunun ona bir dəxli var? — Əziz mister Bennet, — arvadı cavab verdi, — bu gün siz, sadəcə olaraq, dözülməzsiniz. Əlbəttə, siz başa düşürsünüz ki, mən onun qızlardan biri ilə evliliyini nəzərdə tuturam. — Hm, onun planları belədir? — Planlar! İlahi, eyni şeyləri söyləyir! Ancaq tamamən ola bilər axı, o onlardan birinə aşiq olsun. Ona görə də o bura gələn kimi sizin ona baş çəkməyiniz gərəkdir. — Etiraf edirəm ki, bunun üçün kifayət qədər əsaslar downloaded from KitabYurdu.org 4
görmürəm. Siz özünüz qızlarla birlikdə gedərsiniz. Ya da birini göndərərsiniz — bu bəlkə daha yaxşı olar. Yalnız o, birdən sizə vurulmağı düşünməsin — axı siz bizim qızların hər birindən heç də az cəlbedici deyilsiniz. — Siz mənə qılıqlamrsmız, əzizim. Bir vaxtlar doğrudan da cazibədarlıqdan məhrum deyildim. Ancaq indi, təəssüf ki, artıq gözəl sanılmağa iddia etmirəm. Beş ərgən qızı olan qadın öz gözəlliyi barədə düşünməli deyil. — Bu durumlarda qadınlarda nadir hallarda bu qədər gözəllik qalır ki, onun haqqında xüsusilə çox düşünmək lazım gəlsin. — Ancaq mənim dostum mister Binqli peyda olan kimi onu mütləq ziyarət etməlisiniz. — Çətin ki, mən bunu edim. — Amma qızlarımız barədə düşünün. Siz yalnız təsəvvür edin, onlardan birinin həyatı necə yaxşı qurulacaq. Bax, görərsiniz, ser Vilyam və ledi Lukas dərhal Nezerfildə tələsəcəklər. Sizcə, nəyin xətrinə? Əlbəttə ki, öz Şarlottalanna görə — siz ki bilirsiniz, onlar kənar adamlara baş çəkməyi o qədər də sevmirlər. Siz mütləq getməlisiniz — axı biz sizsiz heç cür onu ziyarət edə bilmərik. — Siz hədsiz vasvasısınız. Güman edirəm ki, mister Binqli sizi görməyə şad olacaq. İstəyirsiniz, mən sizə qızlarımdan istənilənini, ən çox xoşuna gələn birini ona ərə vermək vədi yazılmış kağız verim. Ehtimal ki, Lizzi balamın lehinə yalnız bir kəlmə söz kəsmək lazım gələcək. downloaded from KitabYurdu.org 5
— Ümid edirəm ki, siz bunu etməyəcəksiniz. Lizzi o biri qızlarınızdan az da olsa yaxşı deyil. Mən əminəm ki, o, Ceynin yansı qədər də gözəl deyil və Lidiyadan qat-qat az xoşməcazdır. Ancaq siz nəyə görəsə həmişə onu üstün tutursunuz. — Mənim qızlarımdan heç biri xüsusi olaraq diqqətəlayiq deyil, — o cavab verdi. — Onlar bu yaşda olan başqa qızlar qədər küt və cahildirlər. Sadəcə, bacıları ilə müqayisədə Lizzinin qanacağı bir az çoxdur. — Mister Bennet, doğma övladlarınızı təhqir etməyə necə cəsarət edirsiniz? Məni bezdirmək sizə zövq verir. Əlbəttə, mənim korlanmış əsəblərim sizin vecinizə də deyil. — Yanılırsınız, mənim əzizim. Mən onları düşünməyə çoxdan vərdiş etmişəm. Axı onlar mənim köhnə dostlarımdır. Ən azı iyirmi ildir ki, onların barəsində mənə danışmağınız hədər yerə deyil. — Ah, siz hətta təsəvvür etmirsiniz ki, mən necə iztirab çəkirəm. — Ümidvaram ki, siz hamınız ətraf ərazilərdə ildə ən azı dörd min gəliri olan xeyli gəncin peyda olduğu günlərə qədər yaşayacaqsınız. — Hətta onlar iyirmi olsalar belə, siz onsuz da hey ora getməkdən imtina edirsinizsə, onlara faydası nədir. — Yaxşı, onlar iyirmi olsalar, mənim əzizim, o zaman mən, əlbəttə, tezliklə yığışıb onların hamısını dalbadal ziyarət edərəm. downloaded from KitabYurdu.org 6
Mister Bennetin xasiyyətində ağlın diriliyi və istehzaya meyillilik, qapalılıq və sərsəmlik elə incə şəkildə çulğaşmışdı ki, 23 illik birgə həyatlarında arvadı hələ də ona alışa bilməmişdi. Qadının xislətindən baş açmaq isə xeyli asan idi. O, kifayət qədər zəkası olmayan və qeyri-sabit ovqatlı cahil qadın idi. Nədənsə narazı olanda hesab edirdi ki, əsəbləri qaydasında deyil. Onun həyatının məramı qızlarını ərə vermək idi. Qadının yeganə əyləncəsi ziyarətlər və yeniliklərdi. II FƏSİL
Hər halda mister Bennet mister Binqli ziyarət edən birincilərdən oldu. Doğrusuna qalsa, əvvəlcədən ona baş çəkmək niyyətində idi, hərçənd arvadı elə hey Benneti inandırırdı, sanki o, heç cür onu ziyarət etməyəcək. Qadın onun niyyətindən ziyarətin baş tutduğu günə qədər xəbərsiz qaldı. Əsl həqiqətin üstü belə açıldı ikinci qızının şlyapasını lentlə bəzədiyini müşahidə edən mister Bennet gözlənilmədən dilləndi: — Lizzi, ümidvaram ki, bu, mister Binqlinin xoşuna gələcək. — Biz heç vaxt bilməyəcəyik ki, nə mister Binqlinin xoşuna gəlir, nə gəlmir, — onun anası dalğınlıqla dedi, — bir halda ki, bizə Nezerfilddə olmaq lazım gəlməyəcək. — Ancaq siz unudursunuz ki, ana, — Elizabet dedi, — biz onu balda görəcəyik, missis Lonq da bizi tanış etmək vədi verib. Bu ikiüzlü və xudbin qadından zəhləm gedir. — Oh, yox, missis Lonq bunu etməz. Onun özünün iki bacısı qızı var. downloaded from KitabYurdu.org
7
— Mən də həmçinin, — mister Bennet dedi. — Necə də xoşdur ki, bu vacib işdə siz ondan asılı deyilsiniz. Missis Bennet cavab verməyə qalxmadı, ancaq öz hikkəsini cilovlamağı bacarmayaraq qızlarından birinin üstünə düşdü: — Allah xətrinə, Kitti, bu cür öskürməyi kəs! Bir damcı da mənim əsəblərim haqqında düşün. Onlar buna dözmür. — Kitti bizdə heç nə ilə razılaşmır, — ata dedi. — O həmişə yersiz-yersiz öskürür. — Mən kefimdən öskürmədim, — Kitti incidi. — Sizdə növbəti bal nə vaxtdır, Lizzi? — İki həftədən sonra. — Ah, bir işə bax, — ana səsləndi. — Demək, missis Lonq bal ərəfəsində qayıdacaq! O, Binqlini bizə necə təqdim edəcək, özü o vaxta qədər onunla görüşməyə macal tapmayacaqsa? — O zaman, mənim əzizim, siz mister Binqlini rəfiqənizə təqdim edərək faydalı ola bilərsiniz. — Mümkün deyil, mister Bennet, bir halda ki, mən özüm onunla tanış olmayacağam, mümkün deyil. Siz, sadəcə olaraq, məni ələ salırsınız! — Sizin ehtiyatlılığınız sizə şərəf verir. Əlbəttə, bu cür qısa tanışlıq, demək olar, heç bir məna kəsb etmir. İki həftənin içində insan haqqında necə mühakimə yürütmək olar? Fəqət onu mister Binqli ilə biz tanış etməsək, bunu kimsə başqa bir adam edəcək. Mənə görə, qoy missis Lonq və onun bacısı qızları da öz nəsiblərini sınasınlar. downloaded from KitabYurdu.org 8
Ürəyindən deyilsə, mən belə bir savab işi öz üzərimə götürməyə hazıram. Qızlar gözlərini atalarına zillədilər. Missis Bennet dilə gəldi: — Hədyana bax! — Sizin ifadəli iradınız nə deməkdir, xanım? — o, təəccüblə soruşdu. — Tanış olmayan adamla işiniz olmazdan öncə onun sizə təqdim olunmasını nəzərdə tutan ənənəni cəfəng hesab edirsiniz? Yoxsa bu sayaq mövcud təqdimat qaydası sizin xoşunuza gəlmir? Qorxuram ki, bu xüsusda bizim baxışlarımız bir qədər ayrılır. Bəs sən, Meri, bu barədə nə düşünürsən? Sən ki bizim dərrakəli qızımızsan, elmi kitablar oxuyursan və hətta ondan iqtibaslar edirsən. Meri dərin mənalı nəsə demək istədi, ancaq ağlına bir şey gəlmədi. — Meri düşüncələrini toplayana qədər, — o davam etdi, — mister Binqliyə qayıdaq. — Mister Binqli haqqında artıq eşitmək istəmirəm, — qadın bəyan etdi. — Heyif ki, siz bunu mənə əvvəl deməmisiniz. Bunu bu səhər bilsəydim, mən heç bir halda onun yanma getməzdim. Çox ayıb! Ancaq bir halda ki mən onu ziyarət etmişəm, qorxuram, onunla tanışlıqdan qaçmaq o qədər də asan olmasın. Mister Bennet istədiyinə nail oldu - xanımlar son dərəcə heyrətləndilər. Missis Bennet xüsusilə möhkəm downloaded from KitabYurdu.org 9
şaşırdı. Fəqət ilk sevinc coşqusu ötüşüncə, missis Bennet ondan məhz bunu etməyi gözlədiyinə əmin etməyə çalışdı. — Siz gerçəkdən də alicənab hərəkət etmisiniz, əzizim mister Bennet! Hərçənd, etiraf edirəm, şübhə etmirdim ki, axırda sizin bunu edəcəyinizə nail olacağam. Mən bilirdim, siz qızlarınızı o qədər sevirsiniz ki, bu cür tanışlığa etinasız yanaşmağa qabil deyilsiniz. Ah, mən necə də xoşbəxtəm! Siz bizimlə necə də zərif zarafat elədiniz. Bir düşünün, siz hələ səhər ertə Nezerfilddə olmusunuz və bu vaxta qədər hətta bir kəlmə belə deməmisiniz! — İndi, Kitti, istədiyin qədər öskürə bilərsən, — mister Bennet arvadının riqqətli izharını eşitməmək üçün otaqdan çıxarkən dedi. — Qızlar, görün, sizin necə gözəl atanız var! — Qapı bağlananda missis səsləndi. — Düzü, bilmirəm siz onun bu xeyirxahlığına nəylə təşəkkür edəcəksiniz. Mən də həmçinin. İnanın, bizim sinnimizin bu çağında hər gün yeni tanışlıq qurmaq elə də xoş deyil. Ancaq balalarımızın xətrinə biz hər şeyə hazınq. Lidiya, əziz balam, sən hamısından balaca olsan da, mənə elə gəlir ki, balda mister Binqli məhz səninlə rəqs edəcək. — Məni bununla təəccübləndirmək olmaz, — Lidiya cəsarətlə bildirdi. — Balaca olsam da, əvəzində ən hündür mənəm.
Axşamın yerdə qalan hissəsi mister Binqlinin cavab downloaded from KitabYurdu.org 10
ziyarətinin neçə günə olacağı və ondan sonra onu nahara dəvət etməyin mümkünlüyü haqqında müzakirələrlə keçdi.
III FƏSİL
Missis Bennet və onun beş qızı nə qədər çalışsalar da, heç cür ailə başçısından mister Bennetin necə biri olduğu barədə elə bir təsvir ala bilmədilər ki, bu onların maraqlarını qarşılaya biləydi. Onlar mister Bennetə müxtəlif üsullarla hücum etdilər: birbaşa suallar, hiyləgər gümanlar, dolayı eyhamlar səsləndirdilər. Ancaq o, heç bir tələyə düşmədi. Axırda onlar ikinci əldən, qonşulan ledi Lukasdan aldıqları məlumatla kifayətlənməli oldular. Ledinin məlumatlan tamamilə ümidverici idi. O, hələ çox cavandır, gözəgəlimlidir, olduqca lütfkardır; üstəlik, yaxınlarda olan balda mütləq iştirak etmək niyyətini, ora dostlanndan ibarət bütöv bir kampaniya ilə gəlməyə hazırlaşdığını bildirir. Bundan daha yaxşısını arzulamaq belə olmazdı. Rəqslərə maraq edənin aşiq olması çətin deyil. Hamı mister Binqlinin ürəyini tezliklə çalmağa ən nikbin ümidlər bəsləyirdi. — Ah, əgər qızlarımdan birini Nezerfildin xoşbəxt sahibəsi kimi görə bilsəydim, — missis Bennet ərinə dedi, — eləcə də o birilərini uğurla ərə versəydim, o zaman daha heç nə arzulamazdım. Bir neçə gündən sonra mister Binqli mister Bennetin ziyarətinə gəldi və onun kitabxanasında on dəqiqə oturdu. Mister Binqli gənc ledilərə göz qoymağa ümid edirdi, downloaded from KitabYurdu.org
11
onların gözəlliyi barədə çox eşitmişdi, ancaq ona yalnız onların atasını görmək müyəssər oldu. Xanımlar ondan daha şanslı idilər: onlar yuxarı pəncərədən görmək xoşbəxtliyinə nail oldular ki, onun əynində göy pencək var və o, qara atla gəlib. Bundan az sonra mister Binqliyə nahara dəvət göndərildi. Missis Bennet artıq təsərrüfat aparmaq bacarığını şərəfləndirən tərzdə menyu tərtib etmişdi, birdən Nezerfilddən onun bütün planlarını pozan cavab gəldi. Mister Binqlinin növbəti gün Londona getməsi lazım olub və bu, çox təəssüf ki, onu, ona göstərilən diqqətdən istifadə etmək imkanından məhrum edir və sair və ilaxır. Missis Bennet çox məyus oldu. O heç cür təsəvvür etmirdi ki, Hartfordşipə köçdükdən bir az sonra onun
şəhərdə nə işi çıxa bilər və qorxmağa başladı ki, o, daima bu yerdən başqa yerə daşınacaq, Nezerfild heç vaxt mister Binqlinin daimi sığınacağı olmayacaq. Ledi Lukas onun həyəcanını müəyyən dərəcədə öz gümanları ilə dağıtdı, dedi ki, o, Londona bala gəlməyə hazırlaşan dostlarının arxasınca getmiş ola bilər. Tezliklə danışmağa başladılar ki, mister Binqli bala on iki xanım və yeddi centlmenlə birlikdə gələcək. Xanımların sayı qadınların qanmı qaraltdı, ancaq onlar on iki qadın müşayiətçi əvəzinə onunla Londondan yalnız altı qadının - beş bacısının və bir dayısı qızının gəldiyini eşidərək bir qədər şənləndilər. Nezerfild qonaqlan bal salonuna daxil olanda, aşkarlandı ki, onlar cəmi beş nəfərdən, mister downloaded from KitabYurdu.org 12
Binqlidən, onun iki bacısından, böyük bacısının ərindən və bir gənc cənabdan ibarətdir. Mister Binqlinin nəcib və xoş görünüşlü, rahat ədalı gənc adam olduğu göründü. Onun hər iki bacısı zərif və tam kübar xanımlar idi. Onun yeznəsi mister Hörstü çətinliklə zadəgan saymaq olardı. Əvəzində mister Binqlinin dostu Darsi qədd- qaməti, üzünün düzgün cizgiləri və kübar görkəmi ilə bütün zalın diqqətini dərhal özünə cəlb etdi. Onların gəlişindən beş dəqiqə sonra hamıya məlum oldu ki, o, ildəio min funt gəlir gətirən malikanənin sahibidir. Centlmenlər onu kişi cinsinin ləyaqətli nümayəndəsi hesab etdilər, qadınlar isə Darsinin mister Binqlidən daha cazibədar olduğunu elan elədilər və axşamın birinci yansında o, hamını özünə heyran etdi. Fəqət sonradan öz davranışı üzündən mister Darsinin populyarlığı sürətlə aşağı düşdü. Söz-söhbət başladı ki, o, həddən artıq təkəbbürlüdür, hamının qarşısında burnudik gəzir və onu məmnun etmək çətindir. Artıq Derbişirdəki böyük malikanəsi onun xoşagəlməz və diksindirici görünüşünü yox edə bilməzdi. Əlbəttə ki, o, dostu ilə heç bir müqayisəyə tab gətirə bilməzdi. Mister Binqli tezliklə, demək olar, bütün məclis iştirakçıları ilə birbir tanış oldu. O, hərəkətli və lütfkar idi, hər rəqsdə iştirak edirdi, sonda balın tez başa çatmasına təəssüfünü bildirdi, hətta ayaqüstü qeyd etdi ki, Nezerfilddə bal təşkil etmək pis olmazdı. Bu qədər xoş təbiət özlüyündə hər şeyi deyirdi. O, dostundan necə də açıq-aşkar fərqlənirdi! Mister Darsi yalnız missis Hörst ilə downloaded from KitabYurdu.org 13
rəqs etdi, başqa xanımlara təqdim olunmağı istəmədi və bütün gecəni zal boyunca ora-bura gəzməklə və hərdən müşayiətçilərindən biriylə kəlmə kəsməklə keçirdi. Onun xasiyyətini hamı mühakimə etdi. Darsi dünyanın ən təkəbbürlü və xoşagəlməz insanlarından biri sayıldı və hamı xorla onun bir daha yerli cəmiyyətdə görünməyəcəyinə ümidvar olduğunu bildirdi. Missis Bennet də onun qatı düşmənləri sırasında idi. Bu qadının mister Darsinin davranışından ümumi narazılığı bölüşməsi, onun, xanımın qızlarından birinə etinasız yanaşmasından sonra şəxsi nifrətə çevrildi. Kavalerlərin çatışmazlığı üzündən Elizabet Bennet iki rəqs ərzində divarın dibində oturmağa məcbur olmuşdu. Bu zaman o, istər-istəməz yaxınlıqda dayanan mister Darsi ilə dostunu onun kimi hərəkət etmək üçün dilə tutmaqdan ötrü rəqs edənləri tərk edən mister Binqlinin söhbətinə qulaq müsafiri oldu. — Gedək, Darsi. Mən səni rəqs etməyə məcbur etməliyəm, — o, dostuna yaxınlaşaraq dedi. — Sizin bütün gecəni burada axmaq-axmaq tənha durmağınıza tamaşa edə bilmərəm. Gerçəkdən, kimisə dəvət edin. — Heç bir halda! Bilirsiniz, tərəf-müqabilim olan qadınla tanış deyiləmsə, rəqslər mənə zövq vermir. Buradala cəmiyyətdə isə bu mənim üçün, sadəcə, dözülməz olardı. Sizin bacılarınız dəvət olunub, onlardan başqa isə zalda elə bir qadın yoxdur ki, onunla rəqs etmək mənim üçün sırf cəza olmasın. — Ey, mən sizin kimi mızmızı deyiləm! — Binqli downloaded from KitabYurdu.org 14
səsləndi. — Şərəfimə and olsun, mən bir gecədə bu qədər xoşagələn qadına bir dəfə də rast gəlməmişəm; onların içində, sadəcə, gözəllər var! — Siz bu zaldakı yeganə gözəl qızla rəqs edirsiniz, — Mister Darsi böyük miss Bennetə baxaraq dedi. — Bəli, bu, indiyə qədər rast gəldiyim ən cazibədar məxluqdur! Ancaq odur, orada, sizin arxanızda onun bacılarından biri oturub. Məncə, o da çox yaraşıqlıdır. İstəyirsiniz, mən xanımımdan sizi tanış etməyi rica edim. — Siz kimin haqqında danışırsınız? — Darsi geri çevrilərək Elizabetə baxdı, ancaq qızın ona baxdığını görüb gözlərini qaçırdı və soyuq-soyuq dedi: — Bəli, o, gözəl görünür. Amma hər halda mənim qəlbimin rahatlığını pozacaq qədər yaxşı deyil. Bu saat mənim başqa kavalerlərin unutduğu gənc ledilərə təsəlli vermək həvəsim yoxdur. Öz xanımınızın yanma qayıdın. Əmin edirəm ki, onun təbəssümü ilə həzz alaraq keçirə biləcəyiniz vaxtı burada mənimlə itirirsiniz. Binqli bu tövsiyəyə əməl etdi, onun dostu otağın o biri küncünə çəkildi, Elizabet isə Darsiyə münasibətdə o qədər xoş olmayan hisslər keçirə-keçirə oturduğu yerdə qaldı. Yeri gəlmişkən, o bu olay barədə dostlarının dairəsində məmnuniyyətlə danışdı - çünki şən ovqatlı idi və deyib- gülməyi sevirdi. Bütün ailə axşamı çox xoş keçirmişdi. Missis Bennet Nezerfild sakinlərinin onun böyük qızma göstərdiyi diqqətdən vəcdə gəlmişdi. Mister Binqli onunla iki dəfə downloaded from KitabYurdu.org 15
rəqs etmişdi və bacıları bunu nəvazişlə qəbul etmişdi. Ceyn buna anasından az sevinməmişdi, hərçənd, riqqətini bu qədər açıq-aşkar büruzə vermirdi. Elizabet Ceynə görə çox sevinirdi. Meri eşitmişdi ki, kimsə miss Binqli ilə söhbətində onu bütün rayonun ən oxumuş qızı adlandırıb; Ketrin və Lidiya ona görə xoşbəxt idilər ki, bir dəfə də rəqslər zamanı kavalersiz qalmamışdılar - onlar baldan bundan artığını arzulamağı öyrənməmişdilər. Beləliklə, onlar Lonqbernə - yaşadıqları və Bennet ailəsinin görkəmli mövqeyə sahib olduğu kəndə yüksək ovqatda qayıdırdılar. Onlar gəlib çatanda mister Bennet hələ yatmamışdı. Kitab oxuyarkən o, zamanın necə keçdiyini hiss etməmişdi; bu dəfə onun üçün çox maraqlıydı ki, ailə üzvlərinin çox şey gözlədiyi gecə necə keçib. O, demək olar, yeni tanışlanna münasibətdə arvadının niyyətlərinin uğurla nəticələnməyəcəyinə şübhə etmirdi. Ancaq tezliklə başa düşdü ki, tamam başqa cinsdən olan hekayət dinləməli olacaq. — Ey əziz mister Bennet, - arvadı otağa girə-girə səsləndi, - necə bir gecə keçirdik! Bal möhtəşəm idi! Yalnız təəssüf ki, siz yox idiniz. Ceyn qeyri-adi uğur qazandı. Hamı hey onun necə gözəl olduğundan danışırdı. Mister Binqli onu cazibədar adlandırdı və onunla iki dəfə rəqs etdi. Siz bir düşünün, mənim dostum, düz iki dəfə! Mister Binqlinin rəqsə dəvət etdiyi yeganə xanım idi. Əvvəlcə o, miss Likasla rəqs etdi. Onlan cüt görəndə mənə çox toxundu. Ancaq qız onun heç xoşuna gəlmədi. Yüklə 3,22 Mb. Dostları ilə paylaş:
|