Əhli Sünnə Vəl Cəmaat Sələfi Salihin Əqidəsi SƏLƏF İmamlarinin

Əhməd İbn Muhəmməd Ət-Tahavi

- rahmətullahi aleyhi -
Əbu Cəfər Əhməd İbn Muhəmməd Sələmə İbn Sələmə İbn Abdulməlik əl-Əzdi əl-Misri ət-Tahavi əl-Hənəfi. Hənəfi məzhəbinin dahilərindəndir. Misirdə Səid bölgəsindəki qəsəbələrdən Tahaya nisbət edilmişdir. H. 228-ci ildə (H. 239) dünyaya gəlmişdir. Əsərlərindən Şərh əl-Məani əl-Asar, Şərhu Muşkilil Asar, Muxtəsər Tahavi, Əqidətul Təhaviyyə və s. H. 321-ci ildə Zul Qədə ayında Bənul Əşas qəbristanlığında dəfn edilmişdir.
Rahman və Rəhim olan Allahın adıyla. Həmd aləmlərin Rəbbi olan Allaha məxsusdur. Ən gözəl sonluq, hər bir pisliklərdən çəkinən möminlərindir. Xeyir dualar, Pyğəmbərimiz Muhəmməd - sallallahu aleyhi və səlləm – və onun bütün ailə əhlinin üzərinə olsun. İmam Təhavi – rahmətullahi aleyhi – deyir ki: “Bu kitab Əbu Hənifə Numan İbn Sabit əl-Kufi, Əbu Yusuf Yaqub İbn İbrahim əl-Ənsari və Əbu Abdullah Muhəmməd İbn Həsən əş-Şeybaninin məzhəbinə: Aləmlərin Rəbbi Allaha olan imanları və yaşadıqları etiqad əsaslarına uyğun olaraq Əhli Sünnə Vəl Cəmaatın etiqadını açıqlamaqdan ibarətdir. Allahın bizi müvəffəqiyyətə çatdıracağına qəti olaraq inanaraq deyirik ki: “Allah birdir və heç bir şəriki də yoxdur. Oxşarı və bənzəri də yoxdur, Onu aciz edəcək də heç bir şey yoxdur. Ondan başqa ibadətə layq haqq ilah yoxdur. Allah başlanğıcı olmayan Qədim²⁴⁴ və sonu olmayan şəkildə davamlıdır. Allahın varlığı heç bir şəkildə son olmaz və yox olmaz. Ancaq Onun dilədiyi olur. Qorxular və zənlər Ona aid edilməz. Düşüncələr Onu idrak etməz. Allah heç ölməyəcək Həyy (Diri), heç yatmayan Qayyumdur. Yaratdığı şeylərə ehtiyac olmadan yaradan və yaratdıqlarının ruzisini çətinə düşmədən verəndir. Allah qorxuya qapılmadan öldürən (Mumit) və heç bir gücə düşmədən yenidən dirildəndir. Allah yaratdıqlarından öncə də sifətlərilə birlikdə Qədim idi. Allahın sifətlərindən, öncə yox ikən sonradan məxluqatın xəlq edilməsilə var olan heç bir sifəti yoxdur. O, sifətlərilə əzəli olduğu kimi eyni şəkildə bu sifətləri üzərə əbədidir. Allah məxluqatı xəlq etdikən sonra Xaliq ismini, yoxdan var etdikdən sonra Bəri ismini almamışdır. O, bundan əvvəl də Xaliq və Bəri idi. Allah heç bir şeyə möhtac deyildir. Allahın heç bir bənzəri yoxdur. O, Səmi və Bəsirdr. Hər şeyi haqqıyla eşidir və görür. Allah məxluqatı əzəli elminə uyğun olaraq yaratmışdır. Allah məxluqatın qədərini təyin etmiş, onlar üçün müsəyyən ölçülər qoymuşdur. Məxluqatın əcəllərini də təyin etmişdir. Yaradılmışlar yaradlmamışdan öncə etdikləri əməllərindən heç bir şey Allaha gizli qalmamışdır. Allah məxluqatı yaratmamışdan öncə onların etdikləri şeyləri bilir. Bununla bərabər Allah onların itaət etmələrini və Ona qarşı günah (üsyan) etməkdən də qadağan etdi. Hər şey Onun diləməsi ilə meydana gəlir. Allahın diləməsindən başqa qulların heç bir iradəsi yoxdur. Allahın insanlar üçün dilədiyi olur, diləmədiyi isə olmaz. Allah özündən bir fəzilət olaraq dilədiyini doğru yola yönəldir, qoruyur və afiyət bəxş edər və yenə də ədalətli olaraq dilədiyini yardımdan məhrum edər, imtahan edər və azdırar. Bunların hamısı Allahın məşiəti (istəməsi) altındadı. Allah ona zid və bənzər ola biləcək şeylərdən çox çox Uca və Böyükdür. Allahın qəzasını rədd edə biləcək, hökmünü təxira salacaq və əmrinə üstün gələn heç bir kimsə yoxdur. Biz bunların hamısına iman etdik və hamısının Allah tərəfindən olduğuna kəsinliklə iman etdik. Tövhiddə olduğu kimi deyirik ki: Muhmməd Allahın seçdiyi qulu, nəbisi və razı olduğu Rəsuludur. Muhəmməd Peyğəmbərlərin sonuncusu, Muttəqilərin imamı, Peyğəmbərlərin lideri və aləmlərin Rəbbi olan Allahın Xəlilidir. Onun Peyğəmbərliyindən sonra kim Peyğəmbərlik iddiası edərsə sapıqlıq və nəfsə uymaqdır. Muhəmməd - sallallahu aleyhi və səlləm – cinlərin və insanların hamısına göndərilmiş haqq və hidayət, nur ilə gələn iki cahan Peyğəmbəridir. Quran Allahın kəlamıdır və Ondan necəliyi bilnmədən söz olaraq çıxmış, Allahın bunu Peyğəmbərinə vəhy olara endirmiş və möminlər də bu minvalla təsdiq etmişlər və Quranın Allahın kəlamı olub Məcaz²⁴⁵ olmadığına iman etmişlər. Kim Quranı dinləyib və dinlədiyi Quranın insan sözü olduğunu iddia edərsə küfrə girmiş olar. Allah bu cür iddia sahibini: “Mən onu Səqərə salacağam” (əl-Mudəssir 26). deyərək qınamış, ayıblamış və onu Cəhənnəmlə təhdid etmişdir. Allah Quran üçün: “Bu, adi insan kəlamıdır!”. (əl-Mudəssir 25) deyəni Cəhənnəm ilə təhdit edib o, kimsənin Cəhənnəmlik olduğunu bildikdə biz başa düşürük ki, Quran bəşərin yaradıcısının sözüdür və insan sözü Qurana əsla bənzəməz. Kim Allahı insanda olan sifətlərlə vəsf edərsə küfrə girər.

Cənnət əhlinin Möminlərin Allahı görməsi, Rəbbimizin Quranda: “O gün neçə-neçə üzlər sevinib güləcək, Öz Rəbbinə baxacaqdır!”. (əl-Qiyəmə 22-23). buyurduğu kimi əhatə və keyfiyyət olmadan haqdır. Bu ayənin təfsiri Allahın murad etdiyi və bildiyi şeydən ibarətdir. Peyğəmbərdən - sallallahu aleyhi və səlləm – bu barədə varid olan səhih hədislər kimi. Bunların mənası Peyğəmbər - sallallahu aleyhi və səlləm – bunlardan nə qəsd etdisə ondan ibarətdir. Bu barədə görüşlərimizlə təvil edərək və zənn edərək girmərik. Çünki dini məsələlərdə salamat olan kimsə Allah və Rəsuluna təslim olan və bu məsələni daha yaxşı bilənə həvalə edən kimsədir. İslamın varlığı ancaq təslimiyyət və itaət ilə mümkün olur.

Merac səfəri haqdır, Peyğəmbərin - sallallahu aleyhi və səlləm – gecə səfərinə ruhu və cəsədilə çıxmasıdır. Daha sonra Allahın dilədiyi Uca məqamlara çıxarıldı. Allahın Peyğəmbərinə - sallallahu aleyhi və səlləm – bir rahmət olaraq ikram etmiş olduğu Hovuz haqdır. Ümməti Muhəmməd - sallallahu aleyhi və səlləm – üçün hazırladığı şəfaət də hədislərdə deyildiyi kimi haqdır. Allahın Adəmdən və zurriyətindən almış olduğu Misaq haqdır. Allah əzəldən bəri Cənnətə və Cəhənnəmə girənlərin sayını bilir və elmi ilə əhatə etmişdir. İnsanların edəcəkləri əməlləri də Allah əzəldən bilir. Hər kəs özü üçün yaradılan işləri etməyə imkan verilir. Əməllər isə son edilən əmələ görə dəyərləndirilir. Allah bir şeyi nə üçün belə yaratdı deyə souşan kimsə kitabın hökmünü rədd etmiş olardı. Kitabın hökmünü rədd edən isə artı kafirlərdən sayılır. Lövhi Məhfuza, Qələmə və orada yazılanların hamısına iman edərik. Məxluqatın hamısı bir yerə toplansalar belə Allahın Lövhi Məhfuzda var olacağını yazdığı şeyin yox olması üçün çalışsalar belə gücləri çatmaz. Yenə də Allahın var olmasını yazmadığı bir şeyin olması üçün toplansalar belə müvəffəq olmazlar. Qiyamətə qədər olacaq şeyləri qələm yazmışdır.

Allahın Quranda bəyan etmiş olduğu Ərş və Kursi haqdır. Uca Allahın Ərşə və aşağı olan şeylərə ehtiyacı yoxdur. Allah İbrahimi - əleyhissəlam - dost etdiyi kimi, Musa - əleyhissəlam - ilə danışdığına da iman, təsdiq və təslimiyyət olaraq ifadə edərik. Mələklərə, Peyğəmbərlərə və Peyğəmbərə nazil olan kitablara iman edərik. Quran barəsində müadələ etmərik. Bilrik ki, Quran Aləmlərin Rəbbinin kəlamıdır. Onu Ruhul Əmin olan Cəbrail - əleyhissəlam - endirmiş və Peyğəmbərlərin seyyidinə Muhəmmədə - sallallahu aleyhi və səlləm – öyrətmişdir. Əhli Qiblədən heç kimsəni günahı halal saymadığı müddətdə təkfir etmərik. Möminlərdən saleh əməl edən kimsələri Allahın əff etməsini və onları Rəhməti ilə Cənnətə salmasını umarıq. Onlar haqqında əmin olmarıq və Cənnətə girmələrinə şəhadət etmərik. Günah edənlərin əff edilməsini dilər, onlara görə qorxar və ümüd edərik. Qul onu iman dairəsinə salan şeyləri inkar etməklə imandan çıxar. İman – Allaha, mələklərinə, kitablarına, peyğəmbər-lərinə, axirət gününə, öldükdən sonra dirilməyə, Xeyir və şərin, acı və şirin hər bir şeyin Allahın qədəri ilə olduğuna iman etməkdir. Biz bunların hamısına iman edər və Allahın Peyğəmbərlərindən - sallallahu aleyhi və səlləm – heç birini digərindən ayırd etmərik. Allahdan gətirdiyi şeyləri təsdiq edərik. İman təkdir, iman edən kimsələr də imanın əslində bərabərdirlər²⁴⁶.

Əhli Qiblədən olan hər bir yaxşı kimsənin arxasında namaz qılmağı və bunlardan ölənlərin cənazə namazını da qılmağı caiz görərik. Əhli qiblədən heç kimsəni nə Cənnətə, nə də Cəhənnəmə salmarıq. Onlardan şirk, küfr, nifaq kimi bir şey meydana çıxmadığı müddətdə kafir olduqlarına, şirk qoşduqlarına və münafiq olduqlarına şəhadət etmərik. Onların gizli qalan hallarını Allaha buraxarıq. Üzərimizə təyin edilmiş idarəçilər zülm etsələr belə onlara qarşı çıxıb üsyan etmərik. Onlara itaət etməkdən əl çəkməz, günah etməyi əmr etmədikləri müddətdə onlara itaət etməyi Uca Allaha itaət etmək kimi fərz bilərik. Onların islah olmaları və düzəlmələri üçün dua edərik. Sünnətə və Əhli Sünnət cəmaatına uyar, ayrılmaqdan, ixtilafdan və parçalanmaqdan qaçarıq. Hədisdə deyildiyi kimi səfərdə və muqim ikən corablar üzərinə məsh etmək caizdir.

Həcc və Cihad müsəlmanların imamlarından istər yaxşı, istər facir olsun Qiyamətə qədər davamlı olaraq ediləcək iki fərzdir. Bu iki fərz ibadətini heç bir şey ləğv etməz və qaldırmaz. Kiramən Kətibin mələklərinə və Allahın onları üzərimizə qoruyucu və etdiklərimizi yazan şərəfli varlılıqlar olaraq təyin etdiyinə iman edərik. Bütün canlıların ruhlarını almaqla görəvli olan ölüm mələyinə iman edərik. Qəbr əzabına, qəbirdə ölüyə Munkər və Nəkir mələklərinin Rəbbindən, Dinindən və Peyğəmbərindən sual vermələrinə iman edərik. Qəbr ya Cənnət baxçalarından bir baxça, ya da Cəhənnəm çüxurlarından bir çüxurdu. Öldükdən sonra dirilməyə, Qiyamət günü əməllərin qarşılığının veriləcəyinə, əməl dəftərlərinin oxunmasına, savaba, əzaba, Sırata və Mizana iman edərik. Cənnət və Cəhənnəm yaradılmış olub əbədiyyən yox olmaz. Allah Cənnət və Cəhənnəmi məxluqatdan öncə yaratmışdır. Bu ikisinə girəcək olanları da yaratmışdır. Beləki bu kimsələrdən dilədiyini fəzilətilə Cənnətə salar, dilədiyini də ədalətilə Cəhənnəmə salar. İnsanlar da onlar üçün təqdir edilmiş Cənnət və ya Cəhənnəmi haqq edəcək əməlləri edərlər. Allah qulları ancaq gücü çata biləcək şeylərdən məsul tutar. Onlar da Allahın onları müqtədir etdiyi şeylərə gücləri çatır. Bu da Lə Həulə Vələ Quvvətə İllə Billəh – sözünün təfsiridir. O hər cür pislik və zülmdən uzaqdır. Hər cür ayıb və qüsurdan uzaqdır. Allah etdiklərindən soruşulmaz, qulları isə etdiklərində məsuldurlar. Kim Allahdan bir an belə mustəğni qalacaq olarsa küfrə girər və xüsrana uğrayar. Allah həm qəzəb edər həm də razı qalır. Onun qəzəbi və rızası insanların qəzəb və razılığına bənzəməz.

Peyğəmbərin - sallallahu aleyhi və səlləm – səhabələrini sevər, onlardan heç birindən uzaqlaşmaz və sevgidə həddi aşmarıq. Onlara nifrət edənlərə, ağız əyənlərə biz də nifrət edərik. Biz səhabələri yalnız xeyirlə yad edərik. Onları sevmək din, iman və səmimiyyətdir. Onlara nifrət isə küfr, nifaq və azğınlıqdır. Allah Rəsulundan - sallallahu aleyhi və səlləm – sonra Ümməti Muhəmmədin ən fəzilətlisi və öndə olanı Əbu Bəkr, sonra Ömər, sonra Osman. Sonra da Əlidir – Allah onlardan razı olsun -. Bunlar Rəşidi Xəlifələri və insanları hidayətə yönəldən imamlardır. Peyğəmbərin - sallallahu aleyhi və səlləm – Cənnətlik dediyi və müjdələdiyi on kişinin Rəsulullahın - sallallahu aleyhi və səlləm – şəhadəti üzərində Cənnətə girəcəklərinə şahidlik edərik. Bu barədə Peyğəmbərin - sallallahu aleyhi və səlləm – sözü haqdır. Bu on kişi: Əbu Bəkr, Ömər, Osman, Əli. Təlhə, Zubeyr, Sad, Səid, AbdurRahman İbn Auf, Əbu Ubeydə İbn Cərrahdır – Allah onlardan razı olsun -. O, bu ümmətin əminidir. Səhabə, Tabiin və onlardan sonra gələn xeyir və əsər sahibləri olan Sələf alimləri də yalnız xeyirlə yad edilir. Kim onları pisliklə yad edərsə doğru yoldan çıxmış olar. Övliya qullarını heç bir Peyğəmbərdən – Allah onlardan razı olsun - üstün tutmarıq. Bizə görə bir Peyğəmbər – Allah onlardan razı olsun - bütün vəlilərdən üstündür. Dəccəlin çıxması, İsanın - əleyhissəlam - göydən enməsinə iman edər və Qiyamət əlaməti olaraq günəşin batdığı yerdən çıxacağına və Dəbbətul Ardın çıxmasına iman edərik. Allahdan İslam üzərində davamlı qalmağımızı və son nəfəsimizi İslam ilə yaşamağımızı diləyir, batil istəklərdən, səhf fikirlərdən, Müşəbbihə, Mutəzilə, Cəhmiyyə, Qədəriyyə saparaq Əhli Sünnə Vəl Cəmaatdan uzaqlaşmaqdan Allaha sığınırıq. Biz onlardan uzağıq, onlar bizə görə sapıqdırlar”²⁴⁷.
Əbu Osman əs-Sabuni

- rahmətullahi aleyhi -
Subki “Tabaqatuş Şəfii” adlı əsəində İsmail İbn AbdurRahman İbn İsmail Əbu Osman əs-Sabunini – rahmətullahi aleyhi – vəsiyyətini söyləyir: Bir və tək olan Allahdan başqa ibadətə layiq heç bir haqq İlah olmadığına, şərikinin omadığına, bir, tək və Saməd olduğuna, nə doğmuş, nə də doğulmamış olduğuna, hökmünə kimsəni şərik etmədiyinə, Əvvəl, Axır, Zahir, Batin, Həyy, Qayum, məxluqaının yox olmasından sonra Bəqi, qullarından xəbərdar, qeybləri bilən, qəlblərin gizlətdiklərini bilən, məğfirəti sonsuz, (mömin qullarını) sevən, Uca Ərşin sahibi olan dilədiyini edən: “Onun heç bir bənzəri yoxdur. O, Eşidəndir, Görəndir”. (əş-Şura 11) şəhadət edirəm. O, bizim mövlamız, o nə gözəl dost və gözəl yardımçıdır. Bütün bunlara şahidlik edənlərlə birlikdə şəhadət edər. Doğru bir etiqad və sağlam bir yəqin ilə şəhadəti iqrar və etiraf edirik. “O gün ki, nə mal-dövlət, nə də övlad bir fayda verər! Ancaq sağlam (təmiz, daxilində şəkk-şübhəyə, küfrə, şirkə və nifaqa yer olmayan) bir qəlblə Allahın hüzuruna gələn kimsədən (möminlərdən) başqa!". (əş-Şuəra 88-89). “O gün dostun dosta heç bir faydası olmaz, onlara kömək də edilməz! (Heç kəs heç kəsdən Allahın əzabını dəf edə bilməz!) Allahın rəhm etdiyi kimsədən başqa! Şübhəsiz ki, O, yenilməz qüvvət, mərhəmət sahibidir!”. (əd-Duxan 41-42). Muhəmməd - sallallahu aleyhi və səlləm – Allahın qulu və Rəsulu olduğuna, onu hidayət ilə və müşriklər xoş görməsə belə bütün dinlərin üstünə çıxarmaq üçün haqq din ilə göndərdiyinə şəhadət edərik.

Cənnətin haqq olduğuna, Uca Allahın orada həqiqi dostları üçün hazırladığı hər bir şeyin haqq olduğuna şahidlik edərik. Cəhənnəmin və Allahın orada düşmənləri üçün hazırladığına da inanırıq. Mövlam olan Allahdan Cəhənnəmdən məni qorumasını, oradan uzaqlaşdırmasını və qurtuluşa çatanlardan etməsini diləyirəm. Allah buyurdu: “Kim Oddan uzaqlaşdırılıb, Cənnətə daxil edilərsə, o uğur qazanmış olar...”. (Ali İmran 185).

Namzımın, ibadtlərimin, həyatımın, ölümüm, şəriki olmayan aələmlərin Rəbbi olan Allaha aid olduğuna şahidlik edirəm. Mən bununla əmr olundum və mən müsəlmanlardanam. Həmd aləmlərin Rəbbi olan Allaha məxsusdur. Rəbb olaraq Allahdan, din olaraq İslamdan, Peyğəmbər olaraq Muhəmmədən, öndər olaraq Qurani Kərimdən razıyam. Bununla yaşayar, bunla ölərəm.

Mələklərin haqq, Peyğəmbərlərin haqq, Qiyamətin heç şübhəsiz gələcək olduğuna və Allahın qəbirdəkiləri dirildəcəyinə şahidlik edirəm. Şahidlik edirəm ki, Uca Allah xeyri təqdir buyurmuş və xeyri əmr etmişdir. Ondan razı olmuş və xoş olmuşdur. Xeyir edənin o, işi etməsini iradə etmiş və xeyir etməyə qarşılıq gözəl mükafat var etmişşdir. Şəri də təqdir etmiş, lakin ondan uzaq olmağı əmr etmişdir. Ondan razı olmaz, onu sevməz. Şər işləyəndə şərin vücuda gəlməsini murad etmiş, lakin o şəri sevməz. Uca Allah zalımların söylədiklərindən uca və böyükdür. Bir günahı əmr etməkdən, onu sevməkdən və ya o günahdan razı olmaqdan ucadır. Allah təqdi etmədiyi bir işə qulun güc etirməsi, Onun iradə etmədiyi və diləmədiyi bir şeyi qulun etməsi mümkün deyildir.

Şəhadət edirəm ki, Quran Allahın kitabı, onun kəlamı, vəhyi və nazil etdiyidir. Məxluq deyildir. Mushaflarda yazılı olan, dillərdə oxunan, qəlblərdə əzbələnən, qəlblərdə əzbərlənmiş, qulaqların eşitdiyidir. Uca Allah buyuru: “Əgər (basqına uğrayan) müşriklərdən biri səndən aman istəsə, ona aman ver ki, Allah kəlamını (Quranı) dinləsin. Sonra (islamı qəbul etmədiyi təqdirdə) onu əmin olduğu (müşriklərin yaşadığı) yerə çatdır. Çünki onlar (haqqı) bilməyən bir tayfadır!”. (ət-Tövbə 6). “Xeyr, bu (Quran) elm verilmiş kəslərin sinələrində (əzbər) olan açıq-aydın ayələrdir. (Və ya: sənin yazıb oxumaqla məşğul olmadığını kitab əhlindən olan elm sahibləri öz ürəklərində açıq-aşkar bilirlər). Bizin ayələrimizi yalnız zalımlar (kafirlər) inkar edərlər”. (əl-Ənkəbut 49). “Allahın Kitabını oxuyanlar...”. (Fatir 29). “Biz ona (Muhəmməd əleyhissəlama) şer öyrətmədik və bu ona heç yaraşmaz da (lazım da deyildir). Ona vəhy olunan ancaq öyüd-nəsihət və (haqla batili ayırd edən) açıq-aşkar Qurandır ki,”. (Yəsin 69).

Şəhadət edirəm ki, İman Allahın təsdiq edilməsini əmr etdiyi şeylərin qəlb ilə təsdiqi, Allahın inkar edilməsini əmr etdiyi şeylərin dil ilə iqrar edilməsi, Allahın edilməsini emr etdiyi şeylərin əzalar ilə edilməsi, onun qəlbin təsdiqi, dilin sözü, əzaların etməsidir.

Şəhadət edirəm ki, uca Allah Ərşinin üzərinə İstiva etmişdir. “Doğrudan da, Rəbbiniz göyləri və yeri altı gündə yaradan, sonra da Ərşə ucalan Allahdır...”. (əl-Əraf 54). “O, göyləri, yeri və onların arasındakıları altı gündə yaratdı, sonra da Ərşə ucaldı...”. (əl-Furqan 59). Allahın Ərşinin üzəinə İstivanın necəliyi bilinməz. Zamanında müsəlmanların imamı İmam Məlik – rahmətullahi aleyhi – İstivanın keyfiyyəti barəsində sual verən kimsəyə verdiyi cavabında demişdir: “İstiva bilinən bir şeydir, keyfiyyəti isə məchuldur. Ona iman etmək fərz, bu barədə sual vermək isə bidətdir. Səni isə bir bidətçi olaraq görürəm – dedi və məclisdən çıxarılmasını əmr etdi”.

Şəhadət edirəm ki, Uca Allah kitabında özünü Peyğəmbərinin - sallallahu aleyhi və səlləm – dili ilə vəsf etdiyi üstün sifətlərə sahibdir və bunu tam bir təslimiyyətlə qəbul edirəm. Bu sifətlərin heç birini rədd etmirəm. Heç birinin də yaratdıqlarının sifətlərinə bənzəmədiklərinə inanırıq. Bunu söylüyürük: Onun sifətləri heç bir zaman qulların sifətlərinə bənzəməz, Onun zatının yaradılmışlara bənzəmədiyi kimi. Muattıla və Müşəbbihənin dedilərində O ucadır.

Uca Allahın sifətləri ilə bağlı varid olan ayələr bu xüsusda Rəsulullahdan - sallallahu aleyhi və səlləm – səhih olaraq nəql edilmiş xəbərlər – Qiyamət günü Rəbbimizin gəlməsini, Adəmi əli ilə yaratmasını, Ərşin üzərinə istiva etdiyini açıqlayan ayələri, hər gecə dünya səmasına enməsini, gülməsini və s. Xəbərlər imi – Uca yaradıcının sifətlərinin varid olduğu ayələr və xəbərlər haqqında Sələfi Salihin və din imamlarının izlədiyi yolu izləyirik.

Kəlama baş vurmağı, kəlam elmində dərinləşməyi, Sələfin uzaq olduğu, qadağan etdiyi şeyləri də qəbul etmirik. Kəlam məsələlərində mübahisələr, dərinliyə varmaq qəlbi pozar. Qəlbdə Uca Allahın heybətini qalrırar, qəlbə böyük şübhələr salar. Dininə və Peyğəmbərinin - sallallahu aleyhi və səlləm – sünnətinə bizləri yönəltdiyi üçün həmd Allahadır. Allahın salat və salamı Onun Peyğəmbərinə - sallallahu aleyhi və səlləm – olsun, Ona həmd edərik.

Şəhadət edirəm ki, Qiyamət haqdır, Qiyamətin əlamətləri, dəhşətli halları, Hovuza, Mizana, Sırata, əməl dəftərlərinin oxunması, hesaba çəkilmək, əməllərin ərz edilməsi, Allahın hüzurunda durmaq, Məşhərdə Cənnətə və ya Cəhənnəmə girmək, Tövhid əhlinə vəd olunmuş şəfaət və daha başqa şeylər hansıki Kitabda və hədislərdə açıqlanmışdır haqq olduğuna şəhadət edərik. Uca Allahdan da şahidlik etdiyim bütün bunların üzərində sabit olmaq üçün Allahdan yardım diləyirəm. Şəhadət edirəm ki, Allah dostları parlaq üzlərlə Rəbblərinə baxmağı Allah lütf və ehsan edəcəkdir. Onlar əbədiyyat yurdunda açıq gözləriylə Onu görəcəklər. Onu görmək üçün hər hansı bir sıxıntı və çətinlik ilə qaşılaşmayacaqlar. Uca Allahdan üzümüzü Ona bu şəkildə baxan üzlərdən etməsini, hər cür bəladan, xoşa getməyən hər bir şeydən qorumasını diləyirəm.

Şəhadət edirəm ki, Peyğəmbərdən - sallallahu aleyhi və səlləm – sonra insanların ən xeyirlisi Əbu Bəkr əs-Sıddıq, sonra Ömər, sonra Osman, sonra da Əlidir – Allah onlardan razı olsun -. Bütün səhabələrə rəhmət oxuyur, onları vəli və dost edərik. Onlara məğfirət diləyərik. Eyni şəkildə onun nəslindən gələnləri, möminlərin anaları olan zövcələrini ilə birlikdə həşr etməsini dilərik. Çünki Peyğəmbər - sallallahu aleyhi və səlləm – buyurdu: “Kişi sevidkləri ilə bərabərdir”.

Müsəlmanlar aralarını düzəltmələrini, qohumluq bağlarını düzəltməyi, qonşularına, yaxınlarına, böyüklərin haqqını verməyi, kiçiklərə də rəhm etməyi tövsiyə edirəm. Bir-birilərinə nifrət etməməyi, arxa çevirməməyi, həsəd aparmamağı tövsiyə edirəm. Xeyirdə bir-birinə yardımçı olmalarını, cəmaat şəkilində Allahın ipinə sarılmağı, kitaba, sünnətə, ümmətin alimlərinin və İmam Məlik, Şəfii, Sovri. Sufyan İbn Uyeynə, İmam Əhməd, İshaq İbn İbrahim, Yahyə İbn Yəhyə – Allah onlardan razı olsun - və buna bənzər İslam alimlərinin izlədikləri yolu izləməyi diləyirəm.