HİLAL QASIMOV
e-mail: hilal_1964@mail.ru
Naxçıvan Dövlət Universiteti
UOT 616.2:615.5
NAXÇIVAN MUXTAR RESPUBLİKASI FLORASINDA QIRMIZI
VƏ QƏHVƏYİ RƏNG VERƏN BOYAQ BİTKİLƏRİ
Açar sözlər: boyaqçılıq, boyaq bitkiləri, qırmızı rəng, qəhvəyi rəng
Key words: dyer, plants of dye, red
color, brown color
Ключевые слова: красильщик, красильных растений, красный цвет, кофейный цвет
“Şərqin qapısı” adlanan Naxçıvan
Muxtar Respublikası etnoqrafik və etnobotaniki baxımdan
dünyanın ən zəngin, çoxcəhətli və maraqlı guşələrindən biridir. Xalqımız minilliklər boyu Qafqaz
və qədim Şərq xalqları ilə iqtisadi və mədəni əlaqədə olmuşdur. Yaranan bu qarşılıqlı təmasdan
xalqımız çox şey əxz etmiş və faydalanmış, öz növbəsində həmin xalqların tükənməz təsərrüfat
həyatına, maddi və mənəvi mədəniyyətinə çox şeylər bəxş etmiş, onu daha da zənginləşdirmişdir.
Qədim insanlar bitkilərdən öz həyat tərzlərində geniş istifadə edərək xalq təbabəti, qida
bitkilərindən istifadə edilmə yolları, tikinti, geyim, boyaq və məişət işlərində milli etnobioloji
xüsusiyyətlərə malik tarixi sərvət yaratmışlar. Həmçinin boyaqçılıq sahəsində mühüm tarixi
təcrübələr, adət-ənənələr qazanmışlar [1] .
Yaşlı toxucuların məlumatına görə Naxçıvan Muxtar Respublikasında yaşayanlar hələ
qədim zamanlardan bitkilərdən boyaq maddəsi əldə etməyin sirlərinə bələd olmuşlar. Naxçıvan
xalçaları üçün səciyyəvi olan qırmızı rəng, əsasən, “qızıl boya” adlanan boyaq bitkisindən alınırdı.
Burada həm yabanı, həm də mədəni boyaq bitkiləri geniş yayılmışdır. Boyaq bitkisinin hündürlüyü
bir metrə qədər olur, müxtəlif çalarlı çiçəklər açır. Torpaq altında qalan hissəsi isə iki metrdən uzun
kök atır ki, boyaq maddəsi məhz bu köklərdən alınır. Xalça ustaları və küp boyaqçıları ondan
qırmızı rəngin müxtəlif çalarlarını əldə edirdi. Sarı rəng baldırğan, alma qabığı, əncir və ağ tut
yarpağından alınırdı. Yaşıl rəng isə əncir və tut yarpaqlarından alınan sarı rəngdən sonra “indiqo”
adlanan boyağa salma üsulu ilə alınırdı [3].
Naxçıvan Muxtar Respublikası florasında yayılan boyaq bitkiləri demək olar ki, öyrənil-
məmişdir. Bunu səbəblərdən muxtar respublika florasında yayılan boyaq bitkilərini öyrənməsi ak-
tual problemlər sırasındadır. Biz bu bitkilərin etnobotaniki isiqamətdə tədqiqi sahəsində elmi-təd-
qiqat işləri aparırıq. Araşdırmalar və tədqiqatlar nəticəsində müxtəlif növ bitkilərdən sarı, qırmızı,
göy, bənövşəyi, qara, qəhvəyi, yaşıl və digər
rənglərin alındığı müəyyənləşdirilmişdir [2, 6].
Qırmızı rəng verən bitkilər
Qırmızı rəng, xüsusilə tünd qırmızı çalar tez-tez xalçaların əsas fonunda işləndiyindən xalça
işlərində çox vacibdir. Aşağıda göstərilən bitkilər qırmızı rəng mənbələridir [5, 7].
1. Rubia tinctorum L. – Boyaq boyaqotu. Boyaqotukimilər (Rubiaceae Juss.) fəsiləsinin
boyaqotu (Rubia L.) cinsinə daxildir. Çoxillk ot bitkisi olub, az və ya çox dərəcədə tüklü, güclü kök
sisteminə malik, torpağın dərinliyinə qədər üfüqi xətt boyunca gedə bilən kökümsovlardan ibarətdir.
Gövdəsi budaqlanan, zəncir halqasına bənzər, dördtilli, kənar hüdudu boyunca tikanlı nahamar
olub, uzunluğu 2 m-ə qədərdir. Buğumarası qısa yarpaqlar arasında yerləşir. Çiçək köbəsində olan
yarpaqları 4-6 ədəd, neştərşəkilli, ellipsvari və ya yumurtavari olub, əsasından daralmış qısa,
saplaqlı, kənarları boyunca damarlı və tikanlıdır. Çiçəkləri kiçik, yaşılımtıl-sarı, 5 dişcikli, çiçək
tacı düzgün, yarpaqla örtülmüş çoxlu çiçəkləri süpürgəvari çiçək qrupunda toplanmışdır. Meyvəsi
şirəli, bir və ya ikitoxumlu, qara rəngli olub, soku qırmızı rənglidir. İyun-iyul aylarında çiçəkləyir,
34
avqust-oktyabr aylarında meyvələri yetişir. Gürcü boyaqotunda boyayıcı maddələrın miqdarı
nisbətən azdır. Cavan gövdə üzərindəki yarpaqları oturaq, yaşlı yarpaqları isə saplaqlı olur.
Yarpaqlarının aşağı hissələri bozumtul tükcüklü, damarlı, kənarları isə qarmaqşəkilli dişciklidir.
Boyayıcı boyaqotunun vətəni Aralıq dənizi ölkələridir. Yabanı halda Orta Asiyada (Türkmənistan)
Rusiyanın Avropa hissəsinin cənub, cənub-şərq ölkələrində və Azərbaycanda rast gəlinir. Muxtar
respublika ərazisində geniş yayılmışdır. Çay sahillərində, kanalların kənarlarında, rütublətli
sahillərdə və kolluqlarda bitir.
Toplanılan xammal erkən yazda (mart-aprel) və ya vegetasiyanın sonunda (avqust ayından
şaxta düşənə qədər) əllə 20-30 sm dərinlikdə olan kökümsov və kökləri toplanılır. Bütün bu
xammalların ən üstünü kökümsovları hesab edilir. Mədəni halda əkilən zaman üçillik
kökümsovlarından istifadə edilir. Toplanılan xammalı torpaqdan çıxararaq hissəcilərə bölmək,
nazik qatlarla yaxşı havası dəyişilən yerlərdə qurudulmalıdır. Quruducu şkafda 45°С-ə qədər
temperaturda qurudulmalıdır. Xammal qurutma zamanı tez-tez çevrilməlidir.
Boyaqotunun kökümsov və köklərində 5-6% antrasen qrupu törəmələri alizarin, əsas olaraq 2-
ksiloqlükozid-rubetitrin turşusundan ibarətdir. Bundan başqa tərkibində flavonoidlər, iridoid və üzvi
turşular vardır.
Xalçalar üçün qırmızı rəng verən əsas bitki boyaqotudur. Boyaqotunun kök və kökümsovunun
boyaq maddəsi müxtəlif piqmentlərin mürəkkəb qarışığından ibarətdir. Müəyyən olunmuş qırmızı
çalar bu piqmentlərin qarşılıqlı təsirindən alınır. Tünd qırmızıdan çəhrayı qırmızıya qədər müxtəlif
çalarların və narıncı qırmızı çaların alınması belə mümkündür. Boyaqotu ilə boyama alüminium
rəngabla aparılır və sonra boyanmış yun, mineral su ilə tez-tez yuyulur.
2 - 3. Galium aparine L. - İlişən dilqanadan. Galium odoratum (L.) Scor. – İyli dilqanadan
Dilqanadan (Qatıqotu, Ətgətirən) – Galium L. cinsinə daxildir. Hər iki bitki kökü qırnızı rəng verir.
4. Galium verum L. Həqiqi dilqanadan. Gövdəsi 30-120 sm hündürlükdə, 4 tilli, yarpaqları
buğumda 6-10-15 ədəd olub, xətti və ya sapşəkilli, kənarları sıx burulmuşdur. Sıx süpürgəvari çiçək
qrupu çoxçiçəklidir. Tacı açıq sarıdır. Orta dağlıq və subalp qurşağın çəmənlərində yayılmışdır. Ç.
və m. VI-IX. Mezofit bitki olub, coğrafi tipi Aralıq dənizi-Turandır. Kökləri alüminium rəngabla
yun üçün istifadə olunur.
35
5. Aeluropus repens (Desfl) Parl. (Poaceae Barnhart.-Qırtıckimilər) - Sürünən qaçançayır.
A.X.Rollov göstərir ki, Ararat hövzəsində bu bitkilərin kökündə xüsusi bir həşərat olur ki, bir çox
xüsusiyyətləri Polşa koşelininə oxşayır. Bu bitkidən müxtəlif məmulatların və həmçinin kilsələrin
köhnə kitab miniatürlərinin rənglənməsində istifadə olunan qırmızı hazırlanırdı.
6. Anchusa azurea Mill.- İtaliya anxuzası ( Boraginaceae Juss. – Sumurgənçiçəklikimilər.)
Çoxillik, gövdəsi 20-80 sm hündürlüyündə, gövdə və yarpaqları sərt tükcüklü bitkidir.Alt yarpaqları
uzunsov yumurtavari və ya neştərari üst yarpaqları neştərvaridir.Tac qımızımtıl-göy və ya ağdır.
Orta qurşağın yol kənarları və quru daşlı yamaclarında yayılmıddır. Ç.və m.V,VIII-VI,IX. Kserofit
bitkidir. Coğr. tipi: Aralıq dənizi-İran-Turan bütün Azərbaycanda yayılmışdır. Köklərində gözəl
qırmızı rəngli alkannin boyaq maddəsi vardır.Güman ki, əvvəllər bu bitki istifadə olunub və
sonradan boyaqotu ilə əvəzlənibdir.
7. Echium russicum J.F.Gmel – Qırmızı göyək. Çoxillik, gövdəsi 30-100 sm uzunluqda olan
bitki sərt tükcüklüdür.Yarpaqları dar neştərvari, iti və yumşaq tükcüklüdür. Sünbüləbənzər çiçək
qrupu çoxçiçəklidir.Çiçək qrupu sıx çiçəkli və sünbülvaridir. Tac kasacıqdan iki dəfə uzun və
qıfvari-boruvari olub qırmızıdır. Orta və subalp qurşağın otlu yamaclarında yayılmışdır. Ç.və m.
VI-IX. Mezokserofitdir. Qabığı yun üçün al qırmızı, iki qat boyamada əvvəlcə Cephalaria gigantea
sonra Echium russicum ilə boyayanda parlaq alovu qırmızı rəng alınır.
8. Echium vulqare L. - Adi göyək. Çoxillik, gövdəsi 30-90 sm, sıx tükcüklüdür. Alt
yarpaqları 120-11 mm ölçüdə, küt, qısa saplaqlı, lansetvari yarpaqları saplaqsızdır. Boruşəkilli, qısa
tükcüklü, üst damarların kənarları qılşəkilli tükcüklü olan tac əvvəlcə qırmızımtıl sonra isə açıq-
mavi rəng alır. D.s.-dən 2450 m hündürlüyə qədər otlu yamac və meşə talalarında bitir. Ç.və m. V-
IX. Mezokserofit bitkidir. Naxçıvan düzənlik və dağlıqda yayılmışdır. Çiçəkləri qırmızı rəng almaq
üçün istifadə olunur.
9. Bryonia dioica Jack. - (Cucurbitaceae Juss. – Balqabaqkimilər) İkievli küstümşah.
Meyvələrindən qırmızı rəng almaq üçün istifadə olunur.
10. Chenopodium foliosum Aschers ( Chenopodiaceae Vent. – Tərəkimilər ) - Yarpaqlı tərə.
Çılpaq, bəzi hallarda qırmızımtıl bitkidir. Gövdə 14-50 sm hündürlüyündə olub, adətən düz, bəzi
hallarda yana əyilmiş və ya yerəyatan, dağınıq budaqlıdır. Yarpaqları çoxsaylı, zirvəyə doğru
tədricən azalan, kökyanı və aşağı gövdə yarpaqları uzun saplaqlar üzərindədir. Gövdənin orta
yarpaqları xeyli qısa saplaqlar üzərindədir, uzunlaşmış üçbucaq şəkilli olub, nizə şəkilli çiçək topa-
ları yarpaqların qoltuğunda, gövdənin uzun budaqları üzərində yerləşmişlər. Çiçəkləri ikicinsli olub,
tədricən qızaran şirəli çiçəkyanlığına malikdir, belə ki, topalar barverən dövrdə çiyələyin meyvəsinə
oxşayırlar. Erkəkciyi birdir. Toxumlar 1mm diametrində, yanlardan sıxılmış, qara-qonur, demək
olar ki, tutqundurlar. Ç. VI-VII və m. VI-VIII (IX).
36
Düzənlikdən yuxarı dağlıq qurşağa qədər (d.s.h. 2800 m- dək), Batabat, Çəpər obası,
Ləkətağ, Bayəhməd ərazilərində, çayların quruyan sahillərində, alaqlı yerlərdə, otluq və yol
kənarlarında yayılmışdır. Bitkinin yerüstü orqanlarının tərkibində flavonoidlərdən kversetin,
kempferol, vitaminlərdən A və C vitamini, karotinoidlərdən α-karotin və β-karotin, steroidlər, üzvi
turşular və digər birləşmələrə rast gəlinir. Yun ipləri boyamaq üçün.yarpaq və gövdəsi istifadə
olunur.
10. Comarum palustre L. (Rosaceae Adans.) – Bataqlıq gordavəri. Yun ipləri qırmızı rəngə
boyamaq üçün yarpaq və gövdəsi istifadə olunur..
11. Crataegus curvisepala Lindm. – Əyriyumurtalıqlı yemişan. Hündürlüyündə 6-8m olan
kiçik ağac və ya koldur. Budaqlarının qabığı bozdur. Zoğları albalı rəngində olub, qısa qoltuq
tikancıqları vardır. Bəzən meyvəsiz zoğların bir qismi yarpaq tikancıqlarına çevrilmişdir. Yarpaqları
üst tərəfdən parlaq açıq yaşıldır, azacıq işıq saçır, adətən çılpaqdır və ya seyrək tükcüklə
örtülmüşdür. Alt səthi isə azca mum təbəqəsi ilə örtülmüşdür. Meyvə verən zoğların alt yarpaqları
tərsyumurtaşəkili, yaxud uzunsov-oval, təpə hissədəki yarpaqları dişcikli və ya üçpərlidir. Üst
hissədəkilər isə 3-4,5 sm uzunluğunda olub, dəyirmi, yaxud tərsyumurtaşəkilidir. Əsasından enli
bizvaridir, 3, bəzi hallarda isə 5 pərlidir. Meyvə verməyən zoğların yarpaqları 5-7 bölümlü olub,
kənarları bitişik iti dişcikli qanadlarla əhatə olunmuşdur. Çiçək qrupları 8-15 sayda çiçəklərdən
təşkil olunub, çılpaqdır. Kasayarpaqları uzunsov-üçbucaqvari-ovaldır. Meyvələri geniş
yumurtaşəkillidir, qəhvəyi-qırmızıdır, adətən 3-4 və ya 1-2 sayda olur. İyunda çiçək açir, sentyabrda
meyvə verir. Şərur rayonunun Qaraquş, Şahbuz rayonunun Batabat, Ağbulaq, Culfa rayonunun
Xəzinədərə sahəsində, Ordubad rayonunun Nəsirvaz, Nürgüt, Bist kəndəri ətrafında olan daşlı-
qayalı yamaclarda meşə və kolluqlarda yayılmışdır. Mezofitdir. Avropa coğrafi areal tipinə daxildir.
Qabıq, yarpaq və zoğlarının həlimi yun ipləri boyamaq üçün istifadə olunur.
12. Geum rivale L. – Çay çınqılotu. Çoxillik, yoğun və qonur köklü, kökətrafı yarpaqları
uzun saplaqlı, liraşəkilli lələkvari bölümlü, 2-3 cüt tərs yumurtavari, dişcikli yan paylı və iri girdə,
əsası çəlləkşəkilli yuxarı paylıdır. Gövdə yarpaqları üç bölümlü, qısa saplaqlı və bütün yarpaqları
tükcüklüdür. Çiçəkləri zəngşəkilli, əyiləndir. Kasacıq düz qonur qırmızı paylı, ləçəkləri uzun
dırnaqcıqlı, xarici narıncı, daxili sarıdır. Meyvələri şarşəkilli başcıqda, sərttəhər tükcüklüdür. Ç.V-
VI, m.VI-VII.
Orta və yuxarı dağ qurşağının çəmən və su sahillərində yayılmışdır. Bitkinin
kökümsovunda karbohidratlardan qlükoza, arabinoza, ketoşəkər, aldehidoşəkər, pektinlər, 6,46%
üzvi turşular, efir yağları, saponinlər, alkaloidlər, C vitamini, karotin, 45% aşı maddələri və fenollar
vardır. Kökləri qırmızı - qəhvəyi rəng verir.
37
13. Hypericum perforatum L. ( Hypericaceae Juss. - Dazıkimilər) - Yırtıq dazı. Dazı cinsinin
mülayim subtropik və tropik ölkələrin dağlıq yerlərində, xüsusilə Aralıq dənizi vilayətində yayılmış
200 növündən Qafqazda 27, Azərbaycanda isə 13-15 növü vardır.
Çoxillik ot bitkisi olub, gövdəsinin hündürlüyü 30-80 sm, ikitərəfli qabağa çıxan qabırğalı,
yuxarı tərəfində qarşı-qarşıya düzülmüş yarpaqları vardır. Qarşı-qarşıya düzülmüş yarpaqlarının
uzunluğu 1-3 sm, eni 2-8 mm olub, çoxsaylıdır. Çoxsaylı çiçəkləri gövdənin zirvəsində süpürgəvari
və ya qalxanşəkilli çiçəkqupunda toplanmışdır. Səbətciyi 5 bölümlü, tacı 5-ləçəkli olub, uzunluğu
12-15 mm, qızılı-sarı olmaqla, kənarları qara nöqtəlidir. Meyvəsi çoxtoxumlu, 3-yuvalı
qutucuqludur. Bütün Azərbaycanda yayılmışdır. Subasar çəmənliklərdə, meşə, meşə kənarlarında
və pöhrəliklərdə rast gəlinir. Yabanı və mədəni çoxillik ot bitkisi olan adi dazıotu tam çiçəkləmə
dövründə (iyul-avqust) xammal olaraq toplanılır və keyfiyyətli bitki xammalı kimi istifadə edilir.
Topladıqda zirvəsindən 25-30 sm aşağı kəsmək lazımdır. Xammal kölgəli yerlərdə çadır üzərində 5-
7 sm qalınlığında sərilməli, yaxşı ventiliyasiyalı çardaxda 40-60
о
С-də quruducu şkafda
qurudulmalıdır.
Tərkibində aşı maddələr 10-12%, qatran 10%, katexin, leykoantosianidin, karotinoidlər
55mq%, antrasen 0,4%, hiperisin, psevdohiperisin, protopsevdohiperisin), efir yağları, flavonoidlər,
hiperozid (otda 0,7%, çiçəkdə1,1%), rutin, kversitrin, izokversitrin, kversetin), vitaminlər (C, PP,
karotin, nikotin turşusu), antosian, alkaloid, qatran və piqmentlər vardır. Gövdə,yarpaq və çiçək
qrupu yun,ipək və kağız parça üçün istifadə olunur.
14. Ligustrum vulgare L. ( Oleaceae Hoffmgg. et Link – Zeytunkimilər) – Adi birgöz.
Becərilən bitkidir. Meyvəsi qlauber duzu ilə al qırmızı, sidiklə qırmızı rəng verir.
15 . Paeonia tenuifolia L. ( Paeoniaceae Raf. – Pionkimilər))- Nazikyarpaq pion. Çiçəkləri
yun və kağız parça üçün qırmızı,kətan və ipək üçün solğun qırmızı rəng verir.
16. Rhamnus cathartica L. ( Phamnaceae Juss. – Murdarçakimilər) - İşlətmə murdarça.
Böyük olmayan bir və ya ikievli ağac və ya kol bitkisi olub, hündürlüyü 1,5-5 m (bəzən 8 m qədər)
qırmızımtıl-qonur və ya tünd qəhvəyi köklərə malikdir. Qarşı-qarşıya yerləşməklə budaqlanan olub,
sonluğu sancağa bənzəyir. Yarpaqları saplaqlı, yumurtavari və ya ellipsşəkilli, kənarları kiçlk
dişciklidir. Meyvələri dördkünclü yaşılımtıl, şarşəkilli, qara, zəyirəyəbənzər üçkünclü olub,
uzunsov-yumurtayabənzər formalıdır.
Avropanın, Qafqaz, Qərbi Sibir, Qazaxıstan və Orta Asiyanın meşə-çöl zonalarında
yayılmışdır. Azərbaycanda Kiçik Qafqazın şimalı, mərkəzi, Böyük Qafqazın qərbi və Naxçıvan
dağlıq ərazilərində yayılmışdır. Yarpaqlı və qarışıq meşələrdə, pöhrəliklərdə, kolluqlarda, işıqlı
daşlı yerlərdə, quru çəmənliklərdə, kolluq və cəngəlliklərdə yaşayır. Kvasda isladılmış quru qabığı
istifadə olunur.
17. Rhus coriaria L. (Anacardiaceae Lindl. – Sumaxkimilər) – Aşı sumağı. Kol və ya böyük
olmayan, budaqlanan ağac bitkisi olub, hündürlüyü 1-3 m-ə bərabərdir. Yarpaqları növbəli, cüt
olmayan lələkli, 8 oturaq yarpaqcıqdan ibarətdir. Yarpaqları uzunsov-yumurtavari, əsası enli
tiyəvari, zirvəsi itiuclu və kənarları isə iri çəpərli-dişciklidir. Çiçəkləri bircinsli, kiçik, yaşılımtıl-ağ,
yaraşıqsız, tutqun olmaqla, zirvə budaqlarında erkək və dişi süpürgəvari çiçəklərə malikdir. Erkək
süpürgəvari çiçəkləri qollu-budaqlı, dişi süpürgəvari çiçəkləri isə sıx, və qalın olur. Çiçək yatağı 5
bölümlü kasaşəkilli, dairəvi-yumurtavari, yaşıl, tükcüklü, ləçəkləri isə yumurtavari-uzunsov və
ağımtıldır.
Azərbaycanda Böyük Qafqaz (Quba dağlıq), Böyük Qafqazın şərqi, qərbi, Qobustan, Kür-
Araz düzənliyi, Kiçik Qafqazın şimalı, mərkəzi, cənubu, Naxçıvan və Lənkəran düzənlik və
dağlıqlarında yayılmışdır. Cənub ekspozisiyaların quru qayalarında rast gəlinir. Meyvələrindən
istifadə olunur.
18 - 20 . Rumex euxinus Klok. – Kökuyumrulu əvəlik , R.pulcher L. – Gözəl əvəlik , R.alpinus
L.- Alp əvəliyi. Qırxbuğumkimilər ( Polygonaceae Juss.) fəsiləsinə daxil olan bitkilərdir. Kökləri
rəngabsız qəhvəyi və ya tutqun qəhvəyi ləkəli qırmızı rəng verir.
21. Berberis vulgaris L. ( Berberidaceae Juss. - Zirinckimilər) - Adi zirinc. Yarımkol bitkisi
olub, budaqlı, düzqalxan gövdəli hündürlüyü 1,5-3m-ə qədərdir. Nazik qol-budaqlı, dördtilli, üzəri
tükcüklü, sarımtıl-boz, yarpaqları yumutaşəkilli və ya uzunsov-neştərvari olub, demək olar ki, bütün
38
tərəfləri efiryağlı vəziciklərlə örtülmüşdür. Yarpaqları tərsyumurtaşəkilli, kənarları kəskin dişcikli,
qısa saplaqlı, 6 kasa yarpağı, 6 ləçək və 6 erkəkcikdən ibarətdir. Meyvələri qırmızı və 3
toxumludur. Gövdə və budaqlarının zirvəsində yumşaq, kiçik salxımşəkilli çiçəkqrupları vardır.
Çiçək tacı ikidodaqlı, çəhrayı və ya bənövşəyi rənglidir.May-iyunda çiçəkləyir, avqust-sentyabr
aylarında isə meyvələri yetişir. Qafqaz, Krim, Moldaviya, Ukrayna, Krasnodar, Cənub və Qərbi
Avropa ölkələrində və bütün Azərbaycanda yayılmışdır. Daş, qaya, çınqıllı yerlərdə, çay və
sututarların sahillərində, iynəyarpaqlı meşələrdə, kolluqlarda və meşə çəmənliklərində bitir.
Meyvələrindən qırmızı rəngalmaq üçün istifadə olunur.
22. Mentha aguatica L. (Lamiaceae Lindl. - Dalamazkimilər) – Su yarpızı + Hypericum
perforatum qarışığı narıncı-qırmızı rəng verir.
Qəhvəyi rəng verən bitkilər
Xalça toxumada böyük rol oynamasa da tez-tez rast gəlinir. Xalçalar üçün əsas qəhvəyi rəng
mənbəyi aşağıdakı bitkilər hesab olunur.
1. Juglans regia L. (Juglandaceae DC. Ex Perleb – Qozkimilər) – Yunan qozu. Meyvələrin
qabığı bu rəngin mənbəyi olub, qəhvəyi boz və s müxtəlif çalarla ralınır.Yarpaq və qabığı ipək
ixüsusi olaraq boz rəngə boyayır. Qədimdən meyvə qabıqlarından saçların boyanmasında və saç
tökülməyə qarşı istifadə edilmişdir.
2. Punica granatum L. – Adi nar. Yabanı narın qabığı qəhvəyi rəng verir. Açıq qəhvəyi rəng
üçün təkrar boyama lazımdır.
3. Rhus coriaria L. – Aşı sumağı. Kök qabığından qəhvəyi rəng alınır.
4. Rhamnus cathartica L. - İşlətmə murdarça. Quru qabığı qəhvəyi rəng verir. Daxili qabığı
qırmızı-sarı rəng verir, qələvilərin təsirindən qəhvəyi rəngə çevrilir.
5. Ligustrum vulgare L. – Adi birgöz. Meyvələri dəmir kuporosu ilə qəhvəyi rəng verir.
6. Cotinus coggygria Scop.– Dəricikli sarağan (Vəlgə). Anacardiaceae Lindl. –
Sumaxkimilər fəsiləsinə daxildir. Budaqlanan kol bitkisi olub, hündürlüyü 2-5 m sarımtıl-qonur
rəngli kökləri olub, sarımtıl gövdəyə malikdir. Yarpaqları 3-8 (10) sm, eni isə 3-4 (7) sm, növbəli,
bütövkənarlı, saplaqlı, zirvəsi dairəvi və ya oval, yuxarı hissəsi tünd-yaşıl, aşağı tərəfi isə açıq
rəngli olub, qısa tükcüklüdür. Yayın sonunda al-qırmızı rəngdə olur. Çiçəkləri kiçik, yaraşıqsız və
çoxçiçəkli olmaqla, süpürgə çiçək qrupunda formalaşmışdır. Çiçəkləri ikicinsli, erkəkcikli,
yaşılımtıl-ağ, iri və yumşaq olur. Çiçəklədikdən sonra çiçəkləri böyüdükcə sıxlaşır qırmızımtıl və ya
yaşılımtıl tükcüklərdən ibarət olan örtük əmələ gətirir. Erkəkcikli çiçəklərinin çoxu inkişaf
etməmişdir. Normal inkişaf edən çiçəkləri beşüzvlü, beşyarpaqlı yaşıl kasacıqlı, meyvələri qalan,
beşləçəkli, diametri 3 mm-ə qədər olan yaşılımtıl-ağ taclı və üst yumurtalıqlıdır. Meyvələri
yumurtavari və ya böyrəkvari çəyirdəkli, uzunluğu 5 mm, lətli, yetişən dövrdə qaralan olub, uzun
saplaqlıdır. İyun-iyul aylarında çiçəkləyir və avqust-sentyabr aylarında isə meyvələri yetişir. Yabanı
bitki olan bu növ Şimali Qafqaz, Gürcüstan, Krım, və Ukraynada yayılmışdır. Bütün Azərbaycanda
becərilir. Yarpaqlarının tərkibində 15-40% aşı maddələri, qal turşusu, flavonoidlər, efir yağları və
digər maddələr vardır. Oduncağı xrom rəngabla yun, ipək və dərini qəhvəyi boyayır.
7. Fraxinus excelsior L. - Adi göyrüş ( Oleaceae Hoffmgg. et Link – Zeytunkimilər). Qabığı
qəhvəyi rəng verir.
8. Glycyrrhiza glabra L. - Tüksüz biyan ( Fabaceae Lindl. - Paxlalıkimilər). Çoxillik ot
bitkisi olub, hündürlüyü 50-200 sm-dir. Gövdəsi çılpaq, çoxsaylı, düzqalxan, sadə və
budaqlanandır. Yarpaqları cüt olmayan mürəkkəb lələyəbənzər olub, hündürlüyü 5-20 sm-dir. Yar-
paqları parlaq, möhkəm, uzunsov-yumurtaşəkilli və ya neştərşəkilli olub, yapışqanlıdır. Çiçəklərinin
uzunluğu 12 mm, çiçək tacı ağımtıl-çəhrayı, kasacığı itidişciklidir. Meyvəsi uzunsov düz və ya
azacıq əyilmiş formalı olur. Yeraltı sistemi ana kökdən, üfüqi və şaquli kökümsovlardan (stolonlar)
çox yaruslu sistemdən ibarət olmaqla, kökləri ilə torpağa möhkəmlənir. Kökləri ilə torpağın 8 m də-
rinliyinə qədər gedə bilir. Yerüstü gövdəsi ana kökdən inkişaf edir. Çiçəkləmə may-iyun aylarında,
meyvələrin yetişməsi isə sentyabrda olur. Azərbaycanda Böyük Qafqaz (Qubanın dağ massivi),
Samur-Şabran düzənliyi, Kür-Araz düzənliyi, Alazan-Əyriçay vadisi, Lənkəran, Naxçıvan düzənlik
və Muğan-Lənkəran düzənliyində yayılmışdır. Çayın kənarlarında, dərin olmayan kiçik yar-
ğanlarda, əkin sahələrində rast gəlinir.
39
Köklərində 23% qliçirrianin, 4% flavonoidlər, steroidlər, efir yağları, askorbin turşusu, acı
maddələr, piqmentlər və qatran vardır. Şirin dadlı biyan köklərndə saponinlər - qliçirrazin (23%,
şəkərdən dəfələrlə şirin), flavonoidlər (4%-ə qədər) (likviratin, likviritigenin, izolikviritin),
qliserritin turşusu, askorbin turşusu, steroidlər, efir yağı, şəkər, piqment, qatran, aspargin və selik
maddələri vardır. Bitkinin yerüstü hissəsi aşı maddələri, flavonoidlər, efir yağı, şəkər,
piqmentlərdən ibarətdir. Kök və kökümsovlarında triterpenli saponinlər, qatran, üzvi turşular və
piyli yağlar vardır [4]. Yeraltı hissələri ipəyi qəhvəyi boyayır.
9. Lagonychium cabulicus Benth. - Kabil dovşandodağı (Lamiaceae Lindl. -
Dalamazkimilər). Çiçəkləri soda və amonyakla ipəyi qəhvəyi rəngə boyayır.
10. Peganum harmala L. – Adi üzərrik. Peganaceae Tiegh. ex Takht. – Üzərrikkimilər
fəsiləsinə daxildir. Toxumlarının ekstratı açıq qırmızı moruğu ton,sarımtıl-qəhvəyi və çəhrayımtıl
ləkəli ton verir. Orta Asiyada araqçınları boyayırlar.
Dostları ilə paylaş: |