Kirish I bob. O„zbek va koreys adabiyotining rivojlanish bosqichlari
II BOB.O„zbek va koreys adabiyotida g„oya va fikrlarning o„xshash
Yüklə 1,01 Mb. Pdf görüntüsü
|
|
II BOB.O„zbek va koreys adabiyotida g„oya va fikrlarning o„xshash
jihatlari(“Alpomish” dostoni, “Jumong” dostoni, xalq maqollari va Li Mun Yol,O„tkir Hoshimov va boshqa ijodkorlar misolida). 2.1. “Alpomish” va “Jumong” dostonlarining tarbiyaviy ahamiyati. Janubiy koreyalik olima O In Kyong «Alpomish» va «Jumong» dostonlari materiallari asosida o‗zbek va koreys qahramonlik eposlari qiyosiy tahliliga bag‗ishlangan doktorlik dissertatsiyasini yoqladi. — Men 2010 yildan buyon O‗zRFA Alisher Navoiy nomidagi Til va adabiyot institutida ilmiy tadqiqotchi sifatida faoliyat yuritish bilan birga Nizomiy nomidagi Toshkent davlat pedagogika universitetida dars berdim, — deydi O In Kyong. — «Alpomish» dostonining g‗oyasi, tili va uslubi meni nihoyatda hayratga soldi. «Jumong» ham koreys xalqining qahramonlik eposi hisoblanadi. O‗zbek xalqiga bu doston «Jumong» teleseriali orqali yaxshi tanish. Bu ikki dostonning syujetini tashkil etuvchi asosiy voqealarning ildizi Markaziy Osiyoda yashagan qadimgi turkiylarning an‘analariga borib taqalishi fanda olimlar tomonidan isbotlangan.Shuningdek, «Alpomish» va «Jumong» dostonlarining qiyosiy tadqiq etilishi ikki xalq ruhiyatidagi mushtarak jihatlarni ochib berishi bilan ham qimmatlidir 3 . «Jumong» dostoni Hemosu, Jumong, Yuri kabi uch avlod sarguzashtlari haqida hikoya qiladi. «Alpomish»da ham uch avlod, ya‘ni Boybo‗ri bilan Boysari, Alpomish va uning o‗g‗li Yodgor taqdiri bayon etilgan.Ahamiyatlisi, ikki dostonning tuzilishi ham epik asar qurilishiga to‗la mos keladi. Ayrim o‗xshash xususiyatlar haqida fikr yuritsak. Masalan, har ikki qahramon ham aslzoda nasl- nasabga mansubdir. Alpomishning otasi Boybo‗ri Boysun-Qo‗ng‗irot elining sarbonidir. Jumong esa bir tomondan ko‗k, ya‘ni ruhlar dunyosiga bog‗lanadi. G‗ayritabiiy tug‗ilish talqinini olsak, Jumongning onasi Yuhva osmondan tushgan ilohiy nurdan homilador bo‗ladi va bir dona katta tuxum qo‗yadi. Qirol tuxumni 3 “O‘zbekiston ovozi “ gazetasi .Toshkent – 2016 . 22 tashlab yuboradi. Ammo jonivorlar uni asrab qolishadi. Voqealar rivojida qirol tuxumni yana Yuhvaga qaytarib beradi va shu tariqa Jumong dunyoga keladi. «Alpomish» dostonida esa bundanda ta‘sirchan lavhalar bor. Boybo‗ri va Boysari to‗yga borishganida ularni farzandi yo‗q deb behurmat qilishadi. Bundan ranjigan aka-ukalar Shohimardon pir mozoriga borib, qirq kun tunaydilar. Qirq birinchi kuni shunday ilohiy xabar eshitadilar: «Boybo‗ri, senga xudoyim bir o‗g‗il, bir qiz berdi, yolg‗iz emas egiz berdi; Boysari, senga xudoyim bir qiz berdi, egiz emas yolg‗iz berdi. Bundan borsang, farzandlarni ko‗rsang, xaloyiqni yig‗sang, to‗y-tomoshalar bersang, to‗yda qalandar bo‗lib borib, bolalaringning otini o‗zim qo‗yib kelaman» 4 . Alpomish va Jumong juda ko‗p noyob qobiliyatlarga ega. Masalan, ikki qahramon ham kamondan bexato o‗q uza olishi bilan mashhur. Alpomish o‗zining mardligi va jasorati tufayli Barchinni qutqarib, el-yurti, yori va xalqining oriyatini, manfaatini himoya qiladi. Jumong ham barcha qiyinchiliklarni yengib, o‗zi orzu qilgan saltanatni bunyod etadi.Jumong obrazida ham ko‗pgina ijobiy xususiyatlar mavjud. Ularning aksari ilohiylik vositasida aks ettirilgan. Alpomishning fazilatlari esa tabiiy va ishonarli. Shuning uchun bugungacha uning sifatlari o‗zbek o‗g‗lonlariga ibrat bo‗lib keladi. Birgina misol: Alpomish Qalmoq eli zindonida edi. Do‗sti Qorajon daragini topib keladi va chohga arqon tashlaydi. Chirmoviqqa osilib chiqayotgan alp negadir yarim yo‗lda arqonni kesib, zindonga qaytadi. Alpning ori keladi, ertaga yuzimga solmasin deydi. Mana sizga haqiqiy yigitning or-nomusi. Qadimgi turkiylar an‘anasiga ko‗ra, kishining jamiyatda tutgan mavqeyi va ko‗rsatgan jasoratlariga qarab ism ham o‗zgartirilgan. Har ikki dostonda ham qahramonlarga ism qo‗yish jarayoni alohida ahamiyatga ega. Ular qaysidir jasorati tufayli ikkinchi bir ulug‗ nomga sazovor bo‗ladi. 4 Фозил Йўлдош ўғли. Алпомиш. Ўзбек халқ достони. − Тошкент: Шарқ, 1998. − Б.15 23 Alpomishga ilk bor qalandar-darvesh qiyofasidagi pir tomonidan Hakimbek deb ism berilishi va keyinchalik uning alp bo‗lib yetishishi bashorat qilinadi. U 7 yoshida Alpinbiy bobosidan qolgan o‗n to‗rt botmonlik yoydan otib, hammani hayratga soladi. Shundan so‗ng to‗qson alpning biri sifatida tan olinib, Alpomish nomini oladi. «Jumong» ham merganlikda tengsiz ekanligini isbotlay olgan qahramon. Aslida uning ismi «kamonni yaxshi otuvchi odam» ma‘nosini anglatadi. «Alpomish» dostonida o'z ifodasini topgan ezgu g'oyalar o'zbek xalqining ma'naviy taraqqiyotida nechog'liq muhim o'rin tutgan bo'lsa, koreys qahramonlik eposi «Jumo'ng» ham Koreya xalqi taraqqiyotining negizini tashkil etuvchi ma'naviy tayanchlardan biri bo'lib kelgan. Bu esa har ikki xalq ma'naviy qadriyatlari tizimining g'oyat yaqinligi va hayotbaxshligini ko'rsatadi. Zero, O'zbekiston Respublikasi birinchi Prezidenti I.Karimov qisqa muddatda jahonning eng ilg'or mamlakatlari qatoridan o'rin olgan Janubiy Koreya taraqqiyotini ta'minlagan omillar xususida to'xtalganida, «…koreys xalqi asrlar davomida shakllanib, katta bunyodkor kuchga aylangan o'ziga xos milliy ma'naviyati hisobidan ham rivojlanganligi»ni ta'kidlab, koreys xalqi ma'naviyatiga yuksak baho bergan edi . Shuning uchun jahon badiiy qadriyatlarining durdonasi hisoblangan o'zbek xalq qahramonlik eposi «Alpomish» dostoni bilan koreyaliklar badiiy tafakkurining ulkan yodgorligi «Jumo'ng»ni qiyoslab o'rganish asosida ikki xalq epik tafakkurining o'ziga xosligini ko'rsatish mumkindir. O'zbek va koreys folkloridagi qahramonlik eposlari har bir mamlakatda chuqur va keng ko‗lamda o'rganilgan bo'lib, «Alpomish» dostoni G'.O.Yunusov, V.M.Jirmunskiy, H.T.Zarifov,M.Afzalov, M.Saidov, T.G'oziboev, M.Murodov, T.Mirzaev, B.Sarimsoqov, K.Imomov, O.Madaev,M.Jo'raev, S.Yo'ldosheva, A.Ergashev, I.Yormatov, SH.Turdimov, J.Eshonqulov 5 va boshqa olimlar tomonidan turli yo'nalishlarda tadqiq etilgan . 5 Юнусов Ғ.О. «Алпомиш» достони // Билим ўчоғи. – Тошкент, 1923. – 2–3-сонлар. – Б.37–39; Жирмунский В.М., Зарифов Х.Т. Узбекский народный героический эпос. – М.: ГИХЛ, 1947. – С.165–279; Зарифов Х.Т. Основные мотивы эпоса Алпомыш // Об эпосе «Алпамыш». – Тошкент: Фан, 1959. – С.6–25; Ғозибоев Т. «Алпомиш» достонининг 24 I Byongdo‗ esa «Jumo'ng» eposi syujetining tarixiy asoslarini Bueyo davlati tarixi bilan chambarchas bog'liq holda o'rgangan 6 . Gim Dujin o'z tadqiqotlarida kosmogonik miflar rivoji natijasida Go'guryoda «Jumo'ng» dostonining ilk syujeti yuzaga kelaboshlaganini aniqlagan 7 . «Jumo'ng» dostonini o'rganishga oid dastlabki tadqiqot muallifi yapon olimi Nakamichiuo Buyo davlatining paydo bo'lishiga oid mifologik tasavvurlarning Go'guryo miflariga bog'liqligini aniqlagan 8 . Jumo'ng haqidagi ilk mifologik syujet dastavval Bueyo davrida yuzaga kelib,keyinchalik Go'guryo aholisining arxaik eposi tarzida shakllangan. Go'guryo mifologiyasining asosini esa Buyo asotirlari tashkil etgan . Koreys olimi I Byongdo' esa «Jumo'ng» eposi syujetining genezisi Buyo davlati davriga borib taqalishini isbotladi . Gim Dujinningfikricha, osmon tangrisi haqidagi kosmogonik miflar rivoji natijasida Go'guryoda «Jumo'ng» dostonining ilk syujeti paydo bo'lgan . Keyinchalik shimoldan kelgan qabilalar bilan yerli aholi mifologiyasining birlashishi oqibatida yuzaga kelgan arxaik eposning qahramonlik dostoni xarakteriga ega bo'lganligi aniqlandi 9 . Yaponiyalik olim Mishna Akixida quyosh nuridan tug'ilish bilan bog'liq mifik tasavvurlar hamda Jumo'ngning g'ayrioddiy tarzda tuxumdan tug'ilishi motivi shimoliy va janubiy hudud aholisi Наманган вариантлари // Ўзбек тилшунослиги ва ўзбек адабиѐти масалалари. – Тошкент, 1967. − Б.3–12; Саидов М. Ўзбек достончилигида бадиий маҳорат. – Тошкент: Фан, 1969. – Б.70–144; Афзалов М. «Алпомиш» достонининг вариантлари ҳақида // Шарқ юлдузи. – 1956. – 7-сон. – Б.107–117; Мирзаев Т. «Алпомиш» достонининг ўзбек вариантлари. Тошкент: Фан, 1968; Муродов М., Эргашев А. Алпомишнома. – Ташкент: Ўзбекистон, 1999 – Б.288; Имомов К. «Алпомиш» эпосининг айрим хусусиятларига доир // Ўзбек тили ва адабиѐти. – 1999. – 1-сон. – Б.12–16; Мадаев О. «Алпомиш» билан суҳбат. – Тошкент, 1999; Жўраев М. «Алпомиш» достонида мифологик образлар // «Алпомиш» − ўзбек халқ қаҳрамонлик эпоси. – Тошкент: Фан, 1999. – Б.147–157; Йўлдошева С. Поэтика узбекского героического эпоса «Алпамыш»: Дисс. канд. филол. наук. − Ташкент, 1984; Ёрматов И. Ўзбек халқ қаҳрамонлик эпоси бадиияти. – Тошкент: Фан, 1994; Турдимов Ш. Этнос ва эпос. – Тошкент: Ўзбекистон, 2012 – Б.97; Эшонқулов Ж. Ўзбек фольклорида туш ва унинг бадиий талқини. – Тошкент: Фан, 2011. 6 이병두. 한국사. – 서울: 을유문화사. – 1995. – Р.40. 7 김두진. 한국고대의 건국신화와 제의. – 서울: 일조각 . – 1999. – Р.10–78. 8 김두진. 한국고대의 건국신화와 제의. – 서울: 일조각. – 1999. – Р.10–78. 9 나경수. 한국의 건국신화연구 // 교문사. – 서울 . – 1983. – Р.93–99. 25 mifologiyasining o'zaro aloqadorligini ko'rsatuvchi muhim dalil ekanligini aniqladi 10 . Gim Yolgyu «Jumo'ng» eposining «tuxumdan tug'ilish >tashlab yuborilish > mamlakatdan ajralish > vazifani bajarish» kabi elementlardan iborat strukturasi Sibir turkiylari folkloridagi shomon initsiatsiyasi tasvirlangan afsonalarga aloqadorligini isbotladi. Ma'lumki, «Jumo'ng» dostoni uch epik qahramon: Hemosu – Jumo'ng – Yuri triadasidan iborat uch avlod sarguzashtlari haqida hikoya qiluvchi asardir. «Alpomish» dostonida ham uch avlod, ya'ni Boybo'ri bilan Boysari, Alpomish va uning o'g'li Yodgor taqdiri bayon etilgan. Har ikki dostonning syujet tuzilishi L.Raglan, O.Rank va J.Kambel kabi olimlarning epik asar syujet qurilishi mezonlari va struktural-kompozitsion funksiyalariga doir qarashlariga mos keladi.Ularning fikricha, epos syujet qurilishi quyidagicha qismlarga bo'linadi: 1) aslzoda nasl-nasabga mansublik va g'ayritabiiy tug'ilish; 2) tangrining karomati; 3) tashlab yuborilish; 4)oliy tabaqaga mansub insonlar tomonidan qutqarilish; 5) tahlika va uni yengish; 6) muammoni hal etish; 7) fojiyaviy yakunlanma . «Jumo'ng» va «Alpomish» dostonlarida yuqorida keltirilgan syujet strukturasining asosan besh qismi mavjud: 1) aslzoda nasl-nasabga mansublik; 2) g'ayritabiiy tug'ilish; 3) tahlika va uni yengish; 4) ajoyib qobilyat; 5) muammoni hal qilish 11 . 10 Кўрсатилган асар. – Б.118. 11 Raglan L. The Hero: A Study in tradition // Myth and Drama. − New American Literary, 1956. − Р.174–175; Rank О. The Myth of the Birth of the Hero and Other Writings // Vantage 26 1. Aslzoda nasl-nasabga mansublik. Qadimgi koreys yozma yodgorligi «To'ngmyongvangpyon» talqinicha, beshta ajdaho qo'shilgan aravaga minib yerga tushgan va qirol bo'lib, hukmronlik qilgan ko'k tangrisi Hemosu yuqori olam timsolidir. Yuxva esa daryoning qizi bo'lgani uchun o'zida serhosillik kultining mohiyatini aks ettirgan ona iloha, yer ma'budasining antropomorf shakldagi talqini hisoblanadi. Demak, Jumo'ngning nasl-nasabi bir tomondan ko'k –yuqori olam – ruhlar dunyosiga bog'lansa, ikkinchidan, yer-suv ma'budlariga borib taqaladi. «Alpomish» dostonining qahramoni bo'lgan Hakimbekning otasi Boybo'ri, baxshi tabiricha,«Boysun-qo'ng'irot elining xoni»dir. Demak, aslzoda nasl-nasabga mansublik har ikki qahramonlik dostoniga xos mushtarak xususiyatdir. 2. G'ayritabiiy tug'ilish. Epik qahramonning g'ayritabiiy tug'ilishi motivida«qadimiy mifologik tasavvurlar aks etgan» . Jumo'ngning onasi osmondan tushgan ilohiy nurdan homilador bo'lishi motivi epik qahramonning dunyoga kelishi va tug'ilishi quyosh kulti bilan bog'liq qadimgi tasavvurlarga aloqadorligini ko'rsatadi. Alpomishning Shohimardon mozorida tilab olingan farzand sifatida dunyoga kelishi o'zbek xalq qahramonlik eposida ham g'ayrioddiy tug'ilish motivi mavjudligini ko'rsatadi. 3. Tahlika va uni yengish. Jumo'ngning dastlab tuxum shaklida tug'ilishi va tuxumning yerga tashlanishi qahramonning ma'lum muddat «ramziy o'lim» holatida bo'lganligini bildiradi.Tuxumning ona (tabiat) vujudidan tushishi (mifologik qahramon ibtidosi) > tashlab yuborilishi > hayvonlar himoyasi > saroyga qaytarilishi (Jumo'ngning tug'ilishi) yil fasllarining doimiy o'zgarishi hamda yangi yilning boshlanishi haqidagi qadimgi kalendar miflarni ifodalaydi. «Alpomish» dostonida epik qahramonni Shohimardon piri va sadoqatli oti Boychibor himoya qiladi. Ot ham Alpomishni himoya qilish uchun yuborilgan ilohiy kuch timsolidir. Har ikki dostonda kosmik mohiyat kasb etuvchi jonivor timsolining mavjudligi epik an'analar genezisi bilan bog'liq bo'lib, tarixiy Book −New York, 1959. − Р.65; Campbell J. The Hero with a Thousand Faces // Bollingen Series, Princeton Univ. − Press, 1968. − Р.35. 27 asoslariga ko'ra qadimgi Sibir mifologiyasiga mansub e'tiqodiy ishonchlar tizimining xalq eposi syujetiga diffuziyalashgan ko'rinishlaridan biri hisoblanadi. 4. Ajoyib qobiliyat. Koreys eposi qahramoniga kamonni juda yaxshi ishlata bilishi va merganligi uchun «Jumo'ng» deb ism qo'yilgan. Qadimgi koreys tilida «Jumo'ng» so'zi «kamonni yaxshi otuvchi odam» ma'nosini anglatadi. «Alpomish» dostonida Hakimbek yetti yoshga to'lganida Alpinbiy bobosidan qolgan o'n to'rt botmonlik yoyni otadi. Kamondan otilgan o'q Asqar tog'ining cho'qqisini yalab o'tgach, Hakimbek «Alpomish» deb nomlanadi. Har ikki doston qahramonining tug'ilishidan boshlab g'ayritabiiy qobiliyatga ega bo'lishi va «alp» atalishi qahramonlik eposining muhim elementlaridan sanaladi. Epik qahramonning magik qobiliyatini ko'rsatadigan asosiy belgi esa yoy tortish motivida namoyon bo'ladi. Yoy detali epik qahramonga xos magik qudrat, ajdodlar kultining homiyligi va ilohiylik timsoli sifatida talqin qilinadi. 5. Muammoni hal qilish. «Jumo'ng» dostoni koreys xalqining tarixi, millat sifatidagi shakllanish jarayoni va qahramonona o'tmishini keng epik ko'lamda aks ettirgan asardir.Alpomish ham o'zining jasorati va mardligi tufayli Barchinni qutqarib, el-yurti, yori va xalqining oriyatini, manfaatini himoya qiladi. Jumo'ng butun qiyinchiliklarni yengib o'tib, yangi davlat bunyod etsa, Alpomish qo'ng'irot qabilasini birlashtirib, el-yurtni parokandalikdan,tushkunlikdan asrab qoladi, yirik davlatga asos solib, uni boshqaradi. Bu esa har ikki xalqqahramonlik eposining mohiyati va personajlar tarkibi o'zaro mushtaraklik kasb etishidan dalolat beradi.Har ikkala dostonda qahramonlarga «ism qo'yish» motivi ham o'zining epik bayoniga ko'ra qadimgi tasavvurlarni ifodalaydi. «Alpomish» dostonida qahramonga qalandar-darvesh ko'rinishida namoyon bo'lgan homiy – Shohimardon pir tomonidan ism berilishi, birinchidan, uning g'ayriodatiy xususiyatlarga egaligi, ya'ni kelajakda «alp» bo'lishining ilk belgisi edi; ikkinchidan, epik qahramonning g'ayrioddiy kuchlar himoyasi va madadidan bahramand bo'lganligi, ya'ni «homiy kuchlar tomonidan tanlanganligi»dan dalolat beradi. Ma'lumki, «Jumo'ng» dostonida qahramonning kamondan ―o'q otish motivi‖ uning ―alp‖ligini 28 ko'rsatadigan asosiy belgilaridan biri bo'lib, uning tabiatida ilohiylik mavjudligini, ya'ni Jumo'ng o'q-yoy timsoli sifatida tasavvur qilingan quyosh tangrisining o'g'li ekanligini ko'rsatadi. «Alpomish» dostonida esa epik qahramon yetti yoshga to'lganida o'zining alpligini,el-yurt birligi uchun tug'ilganligini bobosidan qolgan kamondan yoy otish orqali isbotlaydi.O'q-yoyning hokimiyat, davlat va baxt timsoli deb tasavvur qilinganligi «O'g'uznoma»da ham o'z ifodasini topgan 12 . «Alpomish» va «Jumo'ng» dostonlarining asosiy motivlari tarkibida «alplik tizimi» mezonlariga bog'liq quyidagi xususiyatlar mavjud: – epos qahramoni dunyoga kelmasdan avval ezgu homiylar va eranlar ruhining e'tiboriga tushadi, ya'ni homiylar tomonidan «tanlanganlik» maqomida turadi; – qahramonlarning «alp atalishi» dushman tomon uchun qayg'u va kulfat timsoli sifatida talqin qilinadi; – Alpomishning Barchin tufayli qalmoqlar yurtida ma'lum muddat yashashi, koreys xalq eposida Yuxva Gimvaning yurtida qolishga majbur bo'lgach, Jumo'ng ham ma'lum muddat «o'zga yurt»da qiyinchilik bilan kun kechirishi sinov marosimi ifodasi hisoblanadi; – qahramonlar homiy kuchlar tomonidan tarbiyalanib, magik qudrat kasb etadi. Ularning taqdiri homiy kuchlar tomonidan avvaldan bashorat qilinadi; – homiy kuchlar epik qahramonga doimo hamrohlik qiladilar, xususan, koreys xalq eposi qahramoni Jumo'ng qiyin ahvolga tushganida tangrilarga iltijo qiladi va uning tilaklari amalga oshadi; – Alpomish o'z elatini birlashtirishi, Jumo'ng Go'guryo davlatini bunyod etib hokimiyatni tiklashi alplik tizimi mezonlariga to'la mos keladi; 12 Щербак А.М. Огуз-наме. Мухаббат-наме. – М.;-Л., 1959. – С.57–63. 29 – Alpomishning o'z yori Barchinning to'yiga cho'pon Qultoy qiyofasida kelishi uning homiy ruhlar tomonidan tarbiyalab voyaga yetkazilgan yangi eran maqomidagi alp sifatida shakllanganligini bildiradi ; – Jumo'ngning qirq yoshga kirgach osmonga chiqib ketishi qahramonning kamolotga yetib, Alpomish kabi g'ayb eranlar qatoriga o'tganligini ko'rsatadi; – epik qahramonlarning shajarasiga alohida e'tibor qaratilishi xalqning davlatchilik dostonlarida ajdodlar kulti muhim o'rin tutganligining belgisidir. «Alpomish» dostonida epik qahramonning zindonga tushishi o'zbeklarda ham «o'zga olam»ni yer ostida deb tasavvur qilishga asoslangan mifologik qarashlar mavjud bo'lganligini ko'rsatadi. Alpomishning yetti yil zindonda yotishi, uning oldiga Tovka oyimning lahm qazib kelishi, xabarchi g'ozning Alpomish huzurida bo'lishi bilan bog'liq epik motivlar mifologik personajning «o'zga olam»ga safari to'g'risidagi arxaik miflar talqinidan iboratdir.Koreys eposi «Jumo'ng»da ham, o'zbek xalq dostoni «Alpomish»da ham qahramonning o'zi tug'ilib o'sgan yurtidan chiqib boshqa mamlakatga borishi muhim syujet halqasi sanaladi. Epik voqealar tizimi shu ko'chish sababini izohlash bilan boshlanadi va rivojlanadi. Qahramonning o'z tug'ilgan joyidan sayohatga chiqib, g'olib sifatida qaytib kelishi shomonning ruhlar makoni hisoblangan«o'zga olam»ga sayohatiga o'xshab ketadi. Yüklə 1,01 Mb. Dostları ilə paylaş:
|