MühazirəLƏrin toplusu fənn müƏLLİMİ- I.ü. f d., Səmədov Sakit Müzəffər baki- 2022 Giriş

Onlayn davranış reklamı. İstifadəçinin maraq və seçimlərinə uyğun xidmət göstərmək üçün, müəyyən cihazda və fərqli, əlaqəsiz saytlarda istifadəçinin onlayn fəaliyyəti haqqında məlumat toplamaqdır.

Birgə mühit. Təşkilat, texnologiya xidməti təminatçısı, rəqəmsal agentliklər arasında, resurs paylaşımı, təkrar istifadə, rabitə əlaqələrini optimallaşdırmaq və əməkdaşlıq mühiti yaratmaqdır. Təşkilatlar müştəriləri onlara necə xidmət etmələrini daha yaxşı başa düşmələrinə kömək edirlər. Bu məlumatlar İstifadəçi tərəfindən yaradılan məzmun (User Generated Content) adlanır. Bununlar şirkətin veb saytları vasitəsilə əldə edilir, təşkilat insanları fikirlərini bölüşməyə dəvət edir və bu fikirlər saytın digər istifadəçiləri tərəfindən qiymətləndirilir. Populyar fikirlər dəyərləndirilərək həyata keçirilir. Məlumatların əldə edilməsilə, yeni məhsulların hazırlanması, təşkilatların müştərilərlə münasibətlərini yaxşılaşdırır və onların nə istədikləri ortaya çıxır. UGC ucuz reklam olduğu üçün, təşkilat bu sayədə reklam xərclərinə qənaət edir.

Məlumatlara əsaslanan reklam. İstifadəçilər müştəri səyahətindəki addımlarda çoxlu məlumat toplamaqla, auditoriyalarını məlumat əsaslı proqram satınalmalarilə aktivləşdirmək üçün istifadə edirlər. Istifadəçilərin məlumatları müştəri gizliliyini ortaya çıxarmadan, rəqəmsal kanallardan, müştəri veb-saytına daxil olduqda, e-poçt oxuduqda, brendin mobil tətbiqetməsi başladıb onunla əlaqə qurduqda və s. toplanır. Brendlər kərpic, sement mağazaları ziyarətlərilə, CRM və Satış motorları məlumat bazalarında müştərilərlə qarşılıqlı əlaqə yaradır və eyni zamanda, real həyatdan da məlumat toplaya bilərlər. İnsan əsaslı marketinq və ünvanlı media məlumatlarına əsaslanan reklam, brendlərə öz auditoriyalarında sadiq müştərilər tapmağa, real vaxt rejimində müştərinin vəziyyətinə uyğun daha şəxsi ünsiyyəti təmin edilir. Hazırda strategiya ilə bağlı qərar verərkən, vacib məqamlardan olan rəqəmsal vasitələrin təbliğat mühitinin demokratikləşdirməsidir.

Təkrar satış. Təkrar satış rəqəmsal marketinqdə mühüm rol oynayır. Bu taktika, marketoloqlara məhsul və ya xidmətlər axtarmaqla hər hansı bir məqsəd üçün veb sayta daxil olan bir tədqiqatçı auditoriyaya maraq dairəsində hədəf reklamları çatdırmağa imkan verir.

Oyun reklamı: Oyun reklamları kompüter, video oyunlarında mövcud reklamlardır. Oyundakı reklamların ən çox yayılmış nümunəsi idman oyunları lövhələridir. Oyunda reklamlar simvollar kimi mövcud brend məhsulları, silahlar, avtomobillər və geyimlər şəklində görünür.

Yeni rəqəmsal dövr brendlərə potensial brendlər ilə maraqlanan və əvvəlki axtarışlarına əsaslanan müştəriləri hədəf almağa şərait yaradır. Müəssisələr sosial mediadan istifadə edərək ismarıclarının yaş həddi, yeri, cinsi və maraqlarına uyğun, kimlər tərəfindən görüləcəyini seçirlər. İnternetdə müştərinin son axtarış tarixçəsi "izlənərək" onlara oxşar brendlər, məhsullar və xidmətlərdən reklamlar təqdim edilir. Bu da müəssisələrə rəqəmsal olaraq, məhsul və ya xidmətdən daha çox faydalacaqlarını bildikleri spesifik müştəriləri hədəfləyir.
Rəqəmsal marketinqin qeyri-effektiv formaları. Qlobal marketinq indeksinə görə, dünyada rəqəmsal marketinq fəaliyyəti ilbəil artır. 2018-ci ilin sentyabrında yayımlanan bir araşdırma, rəqəmsal marketinq taktikasına qlobal xərclərin 80 milyard dollara yaxınlaşdığını üzə çıxarmışdır. Rəqəmsal media sürətlə böyüyür, marketinq büdcəsi genişləndikcə ənənəvi media tənəzzülə doğru gedir.
Rəqəmsal media brendlərə məhsul və xidmətlərilə müştəriləri fərdi şəkildə cəlb edir. Mövcud sənaye tətbiqetmələrinin ümumiləşdirilən sahələr üzrə təminatı müəyyənləşdirilməlidir: kliklərə üstünlük vermək, axtarış və displeyi tarazlaşdırmaq, mobil telefonları anlamaq, hədəfləmə, görünmə qabiliyyəti, brend təhlükəsizliyi və etibarsız trafik və çarpaz platforma. Bu təcrübələrin nəticəsiz qalmasının səbəbləri və bu aspektlərinin yolları aşağıda göstərilmişdir.
Kliklərə üstünlük vermək. Kliklərə öncəlik vermək ekranda reklam klikləridir. 2016-cı ildə "sadə, sürətli və ucuz" olmasilə avantajlı olan nisbətlər ABŞ-da belə reklamlar üçün 0,8 % üstün idi. Bu min klik reklamdan birinin aktual və çox az təsirli olduğunu göstərirdi. Marketinq şirkətləri ekran reklamlarının effektivliyini qiymətləndirmək üçün yalnız klik reklamlarından istifadə etməməlidir.
Axtarış və ekran tarazlaşdırılması. Rəqəmsal ekran reklamları üçün axtarış və displeyi balanslaşdırmaq vacibdir. Marketoloqlar son axtarışa baxmağa və bütün fəaliyyətləri ona bağlamağa meyl edirlər. Bu isə istehlakçıların zehnində brend dəyərini yaradan digər marketinq səylərinə əhəmiyyəti azaldır. ComScore onlayn məlumatlara əsaslanaraq müəyyən etdi ki, yüzdən artıq çoxkanallı pərakəndəçi tərəfindən yaradılan rəqəmsal görüntü marketinqi pullu axtarışla müqayisədə güclü mövqedir. Kimsə ekranda reklamı tıkladıqda şirkətin ana səhifəni deyil, açılış səhifəsini açmış olur. Açılış səhifəsində müştərilərə səhifə xaricində axtarmaq üçün şirkətə əlaqə məlumatı verməklə əldə edə biləcəkləri pulsuz təkliflər, marketoloqlara təkrar hədəfləmə strategiyasından istifadə etmək imkanı yaradır. Marketoloqlar tez-tez axtarış reklamlarına məruz qalan insanlar arasında satışların çoxaldığını görürlər. Axtarış kampaniyasilə müqayisədə, ekran kampaniyası vasitəsilə nə qədər insana çata biləcəyi nəzərə alınmalıdır. Ekran reklamının axtarışla sinergistik olduğunu nəzərə alsaq, çoxkanallı pərakəndəçilər daha çox imkan əldə edirlər. Həm axtarış, həm də görüntü xüsusiyyətləri qiymətləndirilir. Görüntü kampaniyaları brend şüuru yaratmaqla, axtarış apararkən daha çox insanın rəqəmsal reklamları tıklaya biləcəyini ehtimal edir.
Mobil cihazları başa düşmə. Mobil cihazları anlamaq rəqəmsal marketinqin əsas xüsusiyyətidir. Smartfon və planşetlər ABŞ istehlakçılarının internetdə onlayn olmasının 64%-nə görə cavabdehlik daşıyır. Tətbiqetmələr marketoloqlara əla fürsətlər verməklə yanaşı, problem də yaradır. Çünki, tətbiqetmənin yüklənməsilə, ondan həqiqətən istifadəsi edilməsi də mühüm məsələdir. Bu, vaxtının 85%-ni 4 ulduzla qiymətləndirilmiş tətbiqetməyə sərf edən istifadəçilərin 1 tetbiqetməyə vaxtının yarısını xərcləməsi qədər çətindir. Mobil reklamçılıq müxtəlif ticarət məqsədlərinə nail olmağa kömək edər və bütün ekranı ələ keçirdiyi üçün təsirlidir. Bu halda səs və ya status yüksək qiymətləndirilsə də, mesaj müdaxilə kimi qəbul edilməməlidir. [24]
Mobil cihazlarda istifadə olunan rəqəmsal medianın dezavantajlarına kreativ imkanların və əlçatanlığın məhdudluğu da daxildir. Eyni zamanda bunun əksinə, istifadəçilərə məhsul məlumatlarını seçmə hüququ vermək, birbaşa satış potensialına malik çevik mesajlaşma platforması yaratmaq kimi müsbət tərəfləri də mövcuddur. [25]
Çarpaz platforma ölçüsü. Ölçmə tətbiqlərinin mürəkkəbliyi artdıqca marketinq kanallarının sayı da artır. Kütlə ölçməsi və media planlaşdırılmasını birləşdirmək üçün çarpaz platforma görünüşündən istifadə edilməlidir. Bazar araşdırmaçıları çoxkalanallılığın istehlakçının davranışına necə təsir etdiyini başa düşməlidir. Lakin reklamlar istehlakçı cihazındadırsa ölçülmür. Çarpaz platforma ölçməsinin vacib tərəfləri, dedublikasiya və eyni insanlara qarşı təzyiqi artırmaq əvəzinə, başqa bir platforma ilə artan səviyyəyə çatmaqdır.
Televiziya və radio rəqəmsal və digər texnoloji reklamlarla rəqabət aparan elektron mediadır. Bununla birgə, televiziya reklamı rəqəmsal texnologiya ilə platformalar arasında keçid edə bildiyi üçün birbaşa onlayn rəqəmsal reklamla rəqabət etmir. Radio, onlayn axın məzmununda çarpaz platformalardan güc alır. Televiziya və radio bir çox platformanın izləyicilərini inandırmağa və təsir altına salmağa davam edirlər.
Hədəfləmə, görünmə qabiliyyəti, brend təhlükəsizliyi.
Hədəfləmə, görünmə qabiliyyəti, brend təhlükəsizliyi, marketoloqlar tərəfindən rəqəmsal reklamın dəstəklənməsində istifadə edilən cəhətlərdir. Məlumatlar masaüstü cihazlarında izləmə vasitələri olan rəqəmsal reklamın bir formasıdır. Hansı ki, veb brauzerlər tərəfindən silinməsi, bir cihazın çoxsaylı istifadəçilərini ayırd edə bilməməsi, unikal ziyarətçilər üçün yanlış qiymətləndirmə, daxilolma zəifliyi, anlama tezliyi, məlumatlar silindikdə və reklamlar müştərilərə çatdırılmadıqda reklam serverlərilə bağlı problemlərlə çətinliklərin yaranmasına səbəb olurlar. Hədəf bazarındakı demoqrafik xüsusiyyətlər məlumatların təsiri altında olan uyğunsuzluqlar səbəbindən aşağı və müxtəlifdir. Rəqəmsal marketinqin təsiri altında qalan digər bir amil isə "görüntü qabiliyyəti”, yəni, reklamın həqiqətən istehlakçı tərəfindən görülüb görülmədiyidir. Əksər reklamlar istehlakçı tərəfindən görülmür və heç vaxt düzgün demoqrafik seqmentə çatmır. Brend təhlükəsizliyi, reklamın etik və ya təhqiredici məzmun kontekstində istehsal olunub-olunmamasına dair məsələdir. Reklam göstərildiyi zaman saxtakarlığı təyin etmək, marketoloqların üzləşdiyi başqa problemdir.

2.