On Qutsal Bitiq’in (Onluğun) Yan Bitiqləri
Yüklə 2,19 Mb. Pdf görüntüsü
|
|
YOXLUQ HÖKMÜ Fərd üzərində Hakim çoxluğu – Ata yoxluğuna dəlalət eləyir. Atasızlara hökm eləyən çox olur.
Xalq – Fərdi özünüifadə və özünütəsdiqdir – qarşısıalınmaz, aramsız.
152
BİRLİK – CƏMİYYƏT Cəmiyyət sözü Birlik hadisəsinin mahiyyətini ifadə eləmir, kəmiyyətini ifadə eləyir. Bu səbəbdən də Ruhani Cəmiyyət anlayışını Ruhani Birlik anlayışıyla əvəz etmək lazımdır.
Parlamentarizm – Xalqı ifadə eləmir, müxtəlif təbəqələri ifadə eləyir – təbəqələrin cəmi Birlik deyil, Birlik olmayan yerdə isə Xalq yoxdur. YERSİZ Xalqın cəmiyyətdə yeri yoxdur əslində – çünki Xalq cəmiyyətdən artıqdır.
Marksizm İnsaniliyi İctimailiklə bərabərləşdirir. Əslində isə İnsanilik Zorla, Güclə, Əlacsızlıqdan İctimailik- dir, İctimailiyə sığmayan Ruhanilikdir... – Ruhaniyyatın boy- nuna salınan Boyunduruqdur. Birlik gərəkdir İnsaniliyə – İctimailik yox! ATALIQ SƏLAHİYYƏTİ Ata – Hakim deyil – Yaradıcıdır; – Müstəqil Fərdlərdən Xalq yaradır.
Cəmiyyət təbəqələşməyə meyl eləyir, Xalq Birliyə.
ƏDALƏTLİ ASILILIQ Cəmiyyət Fərddən asılı olduğu dərəcədə – Fərd cəmiyyət- dən asılı olur.
153
FƏRQLƏR Rəiyyətləşmə – Hakimin Fərdə Sahib olması. Təbəqələşmə – Cəmiyyətin Fərdə Sahib olması. Xalqlaşma – Fərdin özünə Sahib olması. Bu səbəbdən də Xalq Rəiyyətçiliyə qarşıdır, təbəqəçiliyə qarşıdır mahiyyətcə. Bu səbəbdən də Xalq indiyə qədər öz mahiyyətini tam ifadə eləməyib.
Təbəqə tanımırıq, Sinif tanımırıq – Fərd tanıyırıq, Xalq tanıyırıq. Fərd – Özünə Sahib olan. Xalq – Fərdin Qovuşduğu.
Bəşərin millətlərə bölünməsi – bəşərin qələbəsiydi – İnsanı sürüdən ayıran. Millətlərin təbəqələrə bölünməsi – bəşərin məğlubiyyətiydi – İnsanı İnsandan ayıran.
Qərbdə İnsan nailiyyətə bərabərdir. Şərqdə itaətə bərabərdir. Əslində isə İnsan – İnsaniyyətə – yəni Ruhani Kamilliyə bərabərdir.
Texnikadan Nökər düzəltmək əvəzinə – Müəllim düzəldir- lər, Mexanikləşmiş cəmiyyət yaradırlar – İnsana zidd.
Texnikanı başa çıxaranda – İnsan ayağa düşür. Texnikanı ayağa salmaq lazımdır ki, İnsan başa çıxsın.
154
DEYİLƏN – DEYİLMƏYƏN Sənayeləşmə – ekoloji vəhşilik yaratdı – bunu deyirlər. Sənayeləşmə – yeni quldarlıq yaratdı – bunu demirlər.
Texnikadan Hökmdar yaradırlar İnsanlara – onlara isə Mütləq gərəkdir!
Kompüterləşmə vasitəsiylə İnsanlaşmaq olmaz.
Atalarımıza Papa dedik, Analarımıza Mama dedik – Ataları- mıza, Analarımıza xəyanət elədik. Atalarımız, Analarımız bizə Papa öyrətdilər, Mama öyrət- dilər – Övladlarına xəyanət elədilər.
Şahlar xalqa Atalıq eləməyiblər – Ağalıq eləyiblər. Krallar xalqa Atalıq eləməyiblər – Ağalıq eləyiblər. Prezidentlər xalqa Atalıq eləməyiblər – Hamilik eləyiblər. Xalqlar Atasız olublar, bu səbəbdən də birlik yaranmayıb.
Yalnız Mütləq olan Qanunidir. Müasir Qanunların heç biri Mütləq deyil – bu səbəbdən də Qanunsuzdur.
FƏRQ İqtisadi Tərəqqi – İqtisadiyyatın İnsan üzərində Hakimliyi. Ruhani Tərəqqi – İnsanın İqtisadiyyat üzərində Hakimliyi.
155
ƏMƏKÇİ MÜLKİYYƏTİ Əməkçi satılmazlığı.
Maksimal İqtisadiyyat Minimal Ruhaniyyat yaradır. Minimal İqtisadiyyatı Seçmək lazım olur.
Sənayeləşmə – Əməyin satın alınması. Ticarət – Satma, satılma. Demokratiya – Könüllü satılma. Dünyəviləşmə – Mütləqsizlik.
Dövlətə satılmağımız.
Hökumət bizə Ev verəndə – Biz satılırıq. Hökumət bizə Hamam tikəndə – Biz satılırıq. Hökumət bizə Qaz çəkəndə – Biz satılırıq.
İqtisadiyyat İnsan Həyatının əsası sayılan gündən İnsan satılır.
İqtisadi münasibətlər əslində çox sadə münasibətlərdir. Ruhani naqislik onları mürəkkəbləşdirdi.
Sosializm rüşvətxora gərəkdir, əyyaşa gərəkdir, yaltağa gərəkdir, qəddara gərəkdir, şöhrətpərəstə gərəkdir, riyakara gərəkdir – İnsaniyyətə gərək deyil. 156
MADDİLƏŞMƏ Maddi bərabərsizlikdə İnsan maddiləşir. MÜNASİBƏT Kamili – Cəmiyyət öz qapısından içəri buraxmır. Kamil – Cəmiyyəti öz qapısından içəri buraxmır.
Koperniklərin, Darvinlərin, Eynşteynlərin bütün fəaliyyət- ləri bir “Ənəlhəqq” kəlamına bərabər deyil. DAXİLİ GÖZ Evdə oturub Dünyanı görmək olar.
Qədir Rüstəmov – sufidir, sufiliyi bilməsə də: Pünhan oxu- yur, Pünhanı oxuyur.
Müdriklik Haraydır – Eşidilməyincə!
Kapitalizm – Bazar. Sosializm – Zindan. Ruhani Birlik – Məbəd.
Cəmiyyətdə İnsanın Bazar qiyməti olur – İnsan qiyməti olmur.
157
FƏRQ Rəqabət olmayan yerdə Varidat yoxdur. Rəqabət olan yerdə Ruhaniyyat yoxdur.
Cəmiyyət mübadilə əsasında – yəni Bazar məntiqiylə – Qurulur. Bu səbəbdən də cəmiyyətdə Ülvilik yoxdur.
Cəmiyyətdə İnsan – iqtisadiyyatlaşır, istehsallaşır, siyasət- ləşir – özündən ayrılır. Xəlqi Birlikdə – İnsan – İnsaniləşir. Xəlqi Birlik Yaranmalıdır – Cəmiyyət əvəzinə.
Maddi Təminat – Ruhani Həyat.
Maddi Tərəqqi – Mənəvi Tərəqqi yaratmır.
Kapitalizm – Varidatçı. Sosializm – Zorçu. Ruhani Birlik – İnsançı.
ƏLAQƏ Amal Yükü – Fərəh Yükü.
Ruhaniyyat – maddiyyatdan kənardadır. Cəmiyyət isə maddiyyata əsaslanır.
158
İDRAKSIZLIQ İdrak Varidatı bəyənməz – Varlı İdraksızdır. İdrak Mənsəbi bəyənməz – Mənsəbpərəst İdraksızdır. İdrak – İmtina sevər. İmtinasız – İdraksızdır.
Antiictimai Xəlqilik.
Cəmiyyət – Yalançı, Zahiri birlikdir, bu səbəbdən də cəmiy- yətin Atası olmur, Ağası olur.
Sinfonizm öyrədirlər adamlara – İnsaniyyət öyrətmirlər. Opera öyrədirlər adamlara – İnsaniyyət öyrətmirlər. Kompyüter öyrədirlər adamlara – İnsaniyyət öyrətmirlər.
“İnsan – Allahdır!” – öyrətmirlər. Özümləşmə öyrətmirlər. Başqalaşma öyrətmirlər. Xalqlaşma öyrətmirlər. Dünyalaşma öyrətmirlər.
Adamları Bacarıqlılara və Bacarıqsızlara bölmək – İnsaniy- yətə ziddir. Bacarıq Faydalığı ifadə eləyir – İnsanlıq isə Ruhani Kamil- liyə bərabərdir – İnam, İdrak, Mənəviyyat, İradə yetkinliyinə. Bacarıq baxımından adamları təbəqələşdirmək – insana tica- rətçi münasibətidir, ruhani münasibət deyil.
159
MÜNASİBƏT Cəmiyyətə xidmət elədiyin dərəcədə Xalqa xəyanət eləyirsən.
Sənayeçi cəmiyyətdən danışırlar. Texnoloji cəmiyyətdən danışırlar.
Cəmiyyətin başına mühəndis qoyurlar, texnik qoyurlar – İnsan qoymurlar. Cəmiyyətin Məqsədini sənayeləşmədə, texnikləşmədə görürlər – İnsanlaşmada görmürlər. Vasitəni Məqsəd sayırlar – Məqsədi Vasitəsizləşdirirlər.
Cəmiyyəti İqtisadiyyatın ixtiyarına vermək - əslində Ruhu bədənin ixtiyarına verməkdir. Son nəticədə Ruhaniyyatdan məhrum olan cəmiyyət İqtisadiyyatdan da məhrum olur.
Binasızdırlar Bugünkülər. Çünki İnamsızdırlar, İdraksızdırlar, Mənəviyyatsızdırlar, İradəsizdirlər. Ruhundan İnam Binası tik! İdrakından Həqiqət Binası tik! Mənəviyyatından Saflıq Binası tik! İradəndən Dəyanət Binası tik! Yurduna gərək ol! Binalı adını sənə halal eləyirəm! 160
Ürəyin Qaranlıqları Yarsın! Daxilindəki Mütləq sənə Yar olsun!
(Qeyd: Həyatdakı adı Qüdrət idi. Ocaqdan çıxdı).
Elektrik İşığı Hürmüzd İşığını əvəz edə bilmədi.
Hakimiyyət olan yerdə – Zülm var, Hakimiyyət Atalıqla əvəz olunmalıdır ki, Zülm yox olsun...
Şəhvət – məhəbbəti öldürür, şəhvətsiz də həyat yoxdur – həyat məhəbbətə qarşıdır əslində.
İmtinan yoxdur – nəyi Təsdiq edirsən?
Məhəmməd – Gündüz Ruhuna, axşam Bədəninə qulluq elə- yirdi.
Gündüz təmizlənirdi, axşam çirklənirdi. Nə Təmizdən təmiz idi, nə Çirklidən çirkli – Həyatın yarat- dığı kimi, Müqəddəslikdən uzaq.
Qərbin – Göyü olmayıb əslində – Şərqin Yeri.
161
VƏZİYYƏT İqtisadi Tərəqqidə İnsan Təbiətə Yağı kəsildi; Təbiətlə barışmaq üçün o, İqtisadi Tərəqqiyə hədd qoyma- lıdır: maddiyyat əsrini Ruhaniyyat əsri əvəz etməlidir. VƏZİYYƏT Müasir Ərəbistan İslam Bayrağı altında Avropa yoluyla gedir. Müasir Hindistan Qandi bayrağı altında Avropa yoluyla gedir. Müasir Türkiyə Millətçilik bayrağı altında Avropa yoluyla gedir.
FƏRQ Xalqa Ata gərəkdir, cəmiyyətə – Lider. Ata Mütləqçidir, Lider – siyasətçi.
Xəlqi cəmiyyət olmayıb – Xalq antiictimaidir mahiyyətcə.
Amalsızlıq.
Ruhsuz ağıl mahiyyətcə ağılsızlıqdır, çünki Mənaya çatmır – Zahirə pərçimlənir.
Estrada ulduzları. Paqon ulduzları. Döş ulduzları. Müasir Göysüzlərin aqibətinə düşən səyyarələr. 162
YAŞAMAMAQ Zərdüştsüz də yaşamaq olarmış – Zülmət içində... Babəksiz də yaşamaq olarmış – Köləlikdə. Dədə Qorqudsuz da yaşamaq olarmış – Başsız. Nəsimisiz də yaşamaq olarmış – Mütləqsiz! Füzulisiz də yaşamaq olarmış – Eşqsiz! Yaşamaq olarmış – yaşamaqsız!
Mütiliyin qənimi – İntizam.
Cəmiyyət adamı Yaltaq olmaya bilməz, Alçaq olmaya bilməz – yoxsa onu cəmiyyətdən qovarlar. Yaltaq olmayan, Alçaq olmayan – cəmiyyət adamı ola bilməz əslində. BİRLİK GƏRƏKLİYİ Bolqarlar Türkləri ölkədən qovurlar. Özbəklər Mesxet Türklərini qırırlar. Ermənilər Qarabağı zəbt eləyirlər.
Dünyalaşmaq – Özümləşmək. Dünyasızlaşmaq – Özgələşmək. İMKANSIZLIQ İmkan daxilində İmkansızlıq yetişir. – İmkansızlıq daxilində İmkan. 163
GERÇƏK AMALSIZLIQ Gerçəklik səviyyəsində Amal olmur – Amalsızlıq olur. Gerçəkliklə barışmaq – Amalsızlaşmaqdır.
Gerçəklikdən üstün olmayan – gerçəkləşməz.
Mütləqə vurulmuşuq, Mütləqcəsinə vurulmuşuq...
Mütləqə can atmaq Həyatın mənasına can atmaqdır. İndikilər Mütləqə can atmırlar, bu səbəbdən də müasir həyat əslində mənasızdır.
Yerin mənası əslində Səmavidir. Maddiyyatçılar bunu anlamırlar və Yeri mənasızlaşdırırlar. (Səmavi – yəni Yerdən Uca – Yerin mənası Yerdən Ucadır). 22 Mərhəm günü, Şölə Ayı, 11-ci il. Bakı.
Dəyişməz – yəni Dəyişdikcə aşkarlanan. Dəyişkən – yəni Dəyişdikcə itən.
Kilsələrdə Müqəddəslik Yoxdur – ona görə də Şər kilsədən qorxmur. Məscidlərdə Müqəddəslik Yoxdur – ona görə də Şər məsciddən qorxmur. Olmayandan qorxmur Şər. 164
FƏND Kilsələrdən Komitə düzəltmək istəyirlər. Məscidlərdən Komitə düzəltmək istəyirlər. Xurafatdan bəhrələnmək istəyirlər Fəndgirlər.
“Dünyada hər şey nisbidir!” – deyirlər. Nisbidə məna yoxdur. Dünyanı mənasızlaşdırırlar Mütləqsizlər. 24 Murad günü, Şölə Ayı, 11-ci il. Bakı.
Yolunuza nur çilənsin! Bilin və agah olun ki, Şər öz əliylə Sizə Müstəqillik verməz. Müstəqillik üçün Şərlə qəti və barışmaz Döyüş gərəkdir. Türk Doğmalarınızla birləşin – azərbaycanlılarla, osmanlı- larla, qıpçaqlarla... Tələsmədən və gecikmədən xalqı Şərlə Döyüşə hazırlayın. Boyunduruq sınmalıdır – onda siz arzunuza çatarsınız, Türk Birliyində layiqli yer tutarsınız.
Ürəyiniz Qaranlıqları Yarsın! Daxilinizdəki Mütləq sizə Yar olsun!
HƏQİQƏT SSRİ daxilində Milli müstəqillik mümkün deyil – Milli müstəqillik Müstəqil Dövlət tələb edir – İttifaq Dövlətindən asılı olmayan.
Sosializm daxilində Milli müstəqillik mümkün deyil – sosializm millətlərin biri-birinə qovuşması – yəni əslində milli assimilyasiya, ərimə ideyasına xidmət eləyir. 165
Milli Müstəqillik SSRİ-dən ayrılmaq, sosializmdən xilas olmaq tələb eləyir.
Sovet xalqı Günahkardır – Sovet cəmiyyətinə tabe oldu, şəraitdən yuxarı qalxa bilmədi – İnsansızlaşdı. Xalq cəmiyyətdən artıqdır, böyükdür, yüksəkdir; Xalq bunu unutdu, Xalqa bunu unutdurdular.
Dünya İnsana Yaddır. Çünki İnamsızdır, İdraksızdır, Mənəviyyatsızdır, İradəsiz- dir.
Qardaş Qardaşa Yaddır. Uşaq Böyüyə Yaddır. Dost Dosta Yaddır. Oğul Anaya Yaddır. Fərd Xalqa Yaddır. Ziyalı İşığa Yaddır. Bugün Dünənə Yaddır.
Doğma olaq Dünyaya, Doğmalaşdıraq Həyatı, Doğma Yur- dumuza Doğma Aqibət gətirək, Qurtaraq onu Yad Aqibətdən, Yadlığın Qənimi olaq, Doğmalıq yayaq talelərə, – Doğmalığa qərq olsun ömürlər, Doğmalıq yetirək Bağımızda.
Adına Layiq ol.
Daxilindəki Mütləq sənə Yar olsun! Qaranlıqlar Yarılsın! 27 Ümid günü, Şölə Ayı, 11-ci il. Bakı. (Qeyd: Həyatda adı Mayisə idi. Ocaqdan çıxdı). 166
MADDİ BƏRABƏRSİZLİK HƏQARƏTİ İnsanlığın – maddi Dəyəri yoxdur. Ayda 1000 manat alan Rəis ayda 200 manat alan Tabeçidən 5 dəfə aşağı ola bilər İnsanlıqda.
Cəmiyyət – adamı yüksək maaşla satın alır – İnsan cəmiyyətə satılmır. 28 Dözüm günü, Şölə Ayı, 11-ci il. Bakı. HƏQİQƏT Azərbaycan Sovet Hökuməti – Ölkəsizlik, Dövlətsizlik Qoruyucusu.
Azərbaycan Sovet Bayrağı – Ölkəsizlik, Dövlətsizlik Rəmzi.
Azərbaycan Sovet Himni – Ölkəsizlik, Dövlətsizlik Mahnısı.
Azərbaycan Sovet İqtisadiyyatı – Ölkəsizlik, Dövlətsizlik Məhsulu.
Azərbaycan Sovet Mədəniyyəti – Ölkəsizlik, Dövlətsizlik Bəhrəsi.
Azərbaycan Sovet Elmi – Ölkəsizlik, Dövlətsizlik Nəticəsi.
167
HƏQİQƏT Azərbaycan Sovet Respublikası – yəni Azərbaycan dövlət- sizliyi, ölkəsizliyi – əslində respublikasızlığı – çünki dövlətsiz, ölkəsiz respublika olmur.
1. “Ata Günü”nə Üç Əməl gətirirsən: “Məbəd”, “Müqəddəs Təlim”, “Məlumat Kitabçası”.
2. Mərasimin Yazılışı Sənə Tapşırılır. Birinci variantı gələn Ata Görüşünə gətirirsən. Mahiyyət dəyişilmir, Biçim Təzələnir.
3. Nişanələr hazırlanır 15-20 ədəd. 4. “Ata Haqqında Söz”ün Məna Quruluşu: Ata Mahiyyəti. Ata İnamı. Ata İdrakı. Ata Mənəviyyatı. Ata İradəsi. Özümü Ataya layiq sayırammı? Övladlara çatdırılsın.
5. “Ata günü” Mərasiminin Ümumi Məzmunu: Ata Haqqında Söz. Övlad Qəbulu. Ata Sözü. Ruhani Sənədlərin oxunması. Müqəddəsat: Səcdə, Rica, Muğam.
6. Mərasim 4 saat ərzində keçirilir... Vaxt nizamı pozulmur. 168
7. Keçən Mərasimlərə gəlməyənlər – Ata Hüzuruna çağırı- lır.
Atayla bərabər Safruh hamıdan çox işləyir, bu onun Fərəhini çoxaldır. Qaranlıqlar Yarılsın!
İqtisadiyyatla məşğul olmaq – Ruhaniyyatla yaşamaq.
İqtisadiyyatın Məqsədi Varidat olmalıdır, Zor olmamalıdır – iqtisadiyyatın məqsədi Ruhaniyyat olmalıdır; yəni İqtisadiyyat İnsanı maddi əsarətdən qurtarmalıdır ki, – İnsan ömrü özünüta- nımağa, özünütapmağa, özünəçatmağa həsr olunsun. Bu baxımdan, minimal iqtisadiyyatın ruhani gücü maksimal iqtisadiyyatın ruhani gücündən artıqdır.
HƏQİQƏT Köhnələn nə varsa – əslində təzələnmir, yalnız köhnəl- məyən təzələnir.
Yüklə 2,19 Mb. Dostları ilə paylaş:
|