Rivojlanish psixologiyasi. Pedagogik psixologiya

Ijtimoiy-madaniy yondashuv

Insoniyat taraqqiyotini tushunishga ekologik yondashuvda bu o’zgarishlar birmuncha darajada yaqqolroq ko’zga tashlanadi. U. Bronfenbrenner, D.Kyun, Dj.Vulvili, R.Makkol bolaning hayotini yaqin oilaviy qurshovdan boshlab, ijtimoiy, tarixiy kontekstgacha o’z ichiga oluvchi real sharoitlarida uning kundalik xulq-atvorini o’ziga xos xususiyatlarini diqqat bilan tadqiq qilish zaruriyatiga e`tiborini qaratadi. Analizga ekologik ahamiyatli o’zgaruvchilar sifatida bolaning barcha hayotiy jabhalari kiritiladi uy, oila, sinf, transport, bog` ijtimoiy rollar va funktsiyalar qiz, opa, o’quvchi xulq-atvor faolligini xarakteristikasi davomiylik, zo’riqish. U.Bronfenbrennerning ekologik tizim modeli keng mashhurlikka ega bo’ldi. Ular tomonidan bolaning rivojlanishi dinamik jarayon sifatida ko’rib chiqiladi bir tomondan ko’p darajali hayotiy muhit o’sib ulg`ayuvchi individga ta`sir ko’rsatadi va boshqa tomondan uning o’zi faol ravishda uni qaytadan tuzadi. U.Bronfenbrenner bolaning hayotiy muhitini to’rt darajasini ajratgan. Hayotiy muhitning mikrodarajasi individni uning yaqin atrofidagilar bilan o’zaro ta`sirini oila, bog`cha xarakterli bo’lgan mashg`ulotlar va ijtimoiy rollarni o’z ichiga oladi. Mezodaraja yoki mezotizim ikkita yoki undan ko’p mikrotizimlar o’rtasida rasmiy yoki norasmiy aloqalar yuzaga kelganda hosil bo’ladi masalan, oila va maktab oila va tengdoshlar guruhi o’rtasida. Ekzodaraja individ tajribasi bilan bevosita bog`liq bo’lmagan lekin unga bilvosita ta`sir ko’rsatuvchi keng ijtimoiy muhitni qamrab oladi. Ota-onaning bandlik xarakteri, mamlakatdagi iqtisodiy vaziyat, oilaviy axborot vositalarini roli va nihoyat makrodaraja yoki makrotizim qadriyatlar, an`ana odatlar, qonunlar hukumat dasturlarining madaniy va tarixiy kontekstini hosil qiladi. U.Bronfenbrennerning fikriga ko’ra, bu barcha quyi darajalarga muhim ta`sir ko’rsatadi. Tadqiqotchilarning ko’proq e`tiborini jalb qiladigan hayot davomida hayotiy yo’l insonning rivojlanish g`oyasini laboratoriyaning nazorat qilinuvchi sharoitlarida o’rganib bo’lmaydi. Nafaqat oldindan aytish mumkin bo’lgan yoshga bog`liq o’zgarishlarni balki har bir yoshga bog`liq o’zgarishlarni balki har bir avlod uchun keng madaniy va tarixiy omillarni hisobga olishni talab qiladi. P.Baltes 3 turdagi omillarni ajratgan. 1.YOshga bog`liq me`yorlar. 2.Tarixiy me`yoriy. 3.Me`yoriy bo’lmagan omillar. YOshga bog`liq me`yoriy omillar bu aytish mumkin bo’lgan yoshdagi o’zgarishlarda biologik tishlarni yorib chiqishi, jinsiy etilishi (menopauza va b.q) va ijtimoiy ( maktabga chiqish, harbiy xizmatga chaqiruv, nafaqaga chiqish va boshqalar) sodir bo’ladi. Tarixiy me`yoriy omillar-bu butun yosh davri kategoriyalariga (qatoriga) u yoki bu tarzda ta`sir ko’rsatadigan global (dolzarb) mashtabdagi tarixiy hodisalardir (urush, siyosiy va iqtisodiy tarzda o’zgarishi, epedemiya). Me`yoriy bo’lmagan omillar- hayotning aniq bir vaqti bilan bog`liq bo’lmagan, lekin uni bazan keskin (birdan) o’zgartirishga qodir bo’lgan, shaxs hodisalarini aks ettiradi (kasallik, jarohat, muhim inson bilan uchrashuv ajrashish va boshqalar). Aslida vaziyat bundanda murakkab chunki, ajratilgan omillar ta`siri bir qator boshqa xususiyatlar, xususan jins, yosh, irq, ijtimoiy mansubligi. So’z inson hayot yo’liga bu omillarning murakkab qorishgan ta`siri haqida bermoqda.

SHunday qilib biz inson psixik rivojlanishini aniqlovchi omillar muammosiga asosiy e`tborni qaratib, O.Uotsonning klassik bexiviorizm nazariyasi, B.Skinnerning operant o’rgatish nazariyasi, A.Banduraning ijtimoiy kognitiv nazariyasi va U.Bronfenbrennerning ekologik tizim modeli misolida rivojlanish psixologiyasidagi xulq-atvor yondashuvi evolyutsiyasini kuzatdik.

6- Mavzu. Bixeviorizm nazariyasi. Ijtimoiy o‘rganish nazariyasi
Reja
1.Klassik bixeviorizm xulq- atvor haqidagi fan sifatida

2.Operant o’rgatish

3.B.Skinerning radikal keskin bixeviorizmi

4.B.F.Skinnerning operant asoslangan nazariyasi

Jon Uotson 1913 yilda “Bixeviorizm” atamasini qo’lladi. Bixeviorizmning maqsadi xulq-atvorni yuzaga keltirgan stimulni hamda natijani (taqdirlash, jazolash yoki neytral effekt) ning o’zaro munosabatini tushuntirishdan iborat⁵.

Klassik bixeviorizmning markaziy xulosasi quyidagilardan iborat psixik taraqqiyot bolaning hayoti davomida sodir bo’lib, asosan ijtimoiy muhitdan bog`liq bo’ladi. Bolaning rivojlanishini o’rganuvchi tadqiqotlarda asosiy e`tibor, o’rgatishga yordam beruvchi yoki to’sqinlik qiluvchi ya`ni stimullar o’rtasidagi aloqani hosil bo’lishi va ular asosida yuzaga keluvchi reaktsiyalar sharoitini o’rganishga qaratilgan. Muhit bolaning bevosita jismoniy qurshovi olami aniq hayotiy vaziyatlardan hosil bo’luvchi sharoit sifatida o’z navbatida kuzatuvchilar zanjiriga bo’linishi mumkin va zarur bo’lgan turli stimullar yig`indisidan iborat bo’lgan vaziyat sifatida ko’rib chiqilgan. SHu tarzda, muhit ta`siri stimullar yig`indisi bolaning rivojlanish xarakteri va xulq-atvor mazmunini aniqlaydi.

Hozirga qadar klassik asoslashning mexanizmi insonning psixik rivojlanishida asosiylardan biri bo’lib hisoblanmaydi lekin uning ta`siri xulq-atvorning u qadar murakkab bo’lmagan ba`zi shakllari bilan chegaralangan. Klassik asoslash respondent xulq-atvorini shakllanishiga olib keladi ya`ni har doim mavjud bo’lgan ma`lum stimullarga nisbatan o’ziga xos javob reaktsiyalarini hosil bo’lishiga sabab bo’ladi. Masalan, igna bilan ukol qilganda qo’lni tortib olmoq. Dj. Uotson yondashuvining zaifligi shundaki, klassik asoslashda individ repertuarida avval mavjud bo’lgan reaktsiyalar va yangi stimullarning bog`lanishi sodir bo’ladi. Insonni o’zidan faollikni talab qiluvchi murakkab ko’nikmalarga o’rgatishni masalan, nutq, qiyinmatematik masalalarni echish musiqiy asboblarda o’ynash klassik asoslash nuqtai nazaridan tushuntirish juda qiyin. Individ uchun mutlaqo yangi xulq-atvor shakllarini qanday yuzaga kelish masalasini aniqlashtirish o’rgatishning yangi shakllarini ishlab chiqishni talab qildi.

Erikson hammualliflikda yozilgan “Qarilikda hayotiy qiziqishlar” kitobida 1986 ego-yaxlitlik hissiga erishishda keksa odamlarga yordam ko’rsatish yo’llari haqida fikr yuritgan. Kitob 70 yoshdan oshgan ko’pgina odamlarning tarixini o’rganishga asoslangan. E.Erikson ularning hayot tarixini kuzatib, ular avvalgi bosqichlardagi hayotiy muammolarni qanday engib o’tganliklarini tahlil qilgan. SHu asosda quyidagicha xulosaga kelgan agar keksa odamlar jismoniy va psixologik qobiliyatlarini pasayishi arafasida o’z yashash qobiliyatlarini saqlab qolishni istasalar ular nevaralar tarbiyasi, siyosat sog`lomlashtiruvchi jismoniy tarbiya dasturlari kabi faoliyat ko’rinishlarida ishtirok etishlari kerak. Qisqacha aytganda E.Erikson agar keksa odamlar o’z menining yaxlitligini saqlab qolishga manfaatdor bo’lsa ular o’tmish haqida mulohaza qilgandan ko’ra, biror bir nima bilan ko’proq mashg`ul bo’lishi kerakligini uqtiradi. SHaxs ijtimoiy-psixologik rivojlanishi modeli shaxs va yosh davrlar psixologiyasi uchun juda katta ahamiyatga ega. Nazariya va asosiy tushunchalardagi ayrim mavhumlikka qaramay E.Erikson g`oyalari keng ahamiyatga ega bo’lib ta`lim va ijtimoiy faoliyat doirasida individual va kasbiy maslahat berish sohasida amaliy tatbiqini topdi ayrim empirik tadqiqotlarga masalan, o’smirlardagi identiklikni muvofiqlikni shakllanish shart-sharoitlari va oqibatlarini o’rganish bo’yicha D.Marsianning ishlariga turtki bo’ladi.

Klassik bixeviorizm xulq- atvor haqidagi fan sifatida

Ongning introspektiv nazariyasidan ixlos qaytishi evolyutsion biologiyadagi yutuqlar, inson va hayvonlar xulq-atvorini o’rganishda ob`ektiv metodlarni qo’llashga harakat, XIX-XXasr oralig`ida xulq-atvor psixologiyasi bixeviorizm yangi ob`ektiv kuzatish va tadqiq qilishning yagona mumkin bo’lgan yo’li ongga qarama qarshi inson xulq-atvori haqidagi fan yaratishiga olib keladi. Bu yondashuvning falsafiy asosini ingliz faylasufi Dj.Lokk kontseptsiyasi tashkil qilgan. Dj.Lokk bola dunyoga kelganida uning ongi go’yo top-toza doskaga o’xshashi haqida hamda hayot davomida orttirilgan tajribalar ahamiyati haqidagi tasavvurlarni shakllantirgan. O’rgatish individual rivojlanish, barcha bilimlar manbaining asosiy usuli sifatida tan olingan. Dj.Lokk bolalarni assotsiatsiya qilish, takrorlash, rag`batlantirish va jazolash tamoyillariga o’rgatishni tashkillashtirish haqida bir qator g`oyalarni ilgari surgan.

O’rgatishning aniq mexanizmlarini kashf qilinishi o’rgatishning turli turlarini tashkil etish Dj.Lokk izdoshlari tomonidan yaratilgan qator psixologik nazariyalarda birinchi navbatda bixeviorizm va ijtimoiy o’rganish nazariyasida muhim vazifalarni tashkil qiladi. Tug`ma xarakterdagi ixtiyorsiz shartsiz reflekslar asosidagi o’rganishning oddiy turi asosida klassik asoslangan deb nomlanuvchi reaktiv xulq-atvor shakllanadi. Birinchi bo’lib, bunday o’rganish usulini rus fiziologi I.P Pavlov laboratoriya sharoitidagi eksperimentida ovqat hazm qilish tadqiqotida aniqlagan. Kuchukni ovqatlantirish uchun maxsus sharoit yaratilgan. Eksperimental maqsadlarda qo’ng`iroqcha ovozining ko’p marta jaranglashi ozuqaning paydo bo’lishidan darak bergan. Ozuqa shartsiz stimul hisoblanib, och kuchuk og`ziga tushib, u ixtiyorsiz ravishda so’lak ajralishini ya`ni shartsiz reaktsiya yoki refleksni yuzaga keltirgan. Tizimli muvofiqlik asosida qo’ng`iroqcha ovozi va ozuqaga ega bo’lish avvalgi neytral stimul shartli xarakterga ega bo’ladi. Endi ovozini signal belgisi xuddi shartli stimul ya`ni qo’ng`iroqcha ovoziga shartli reaktsiya sifatida so’lak ajralishini yuzaga keltiradi. SHartli refleks muhit ta`siriga reaktsiya bildirishning yangi shakli sifatida shakllangan. I.P.Pavlov klassik shartlilikning bir qator tamoyillarini eksperemental aniqlagan reaktsiyalarning so’nishi stimullar generalizatsiyasi stimullar deferentsiyasi yuqori talablarning ikkinchi va uchinchi shartliligi. Masalan, agar uzoq vaqt mobaynida qo’ng`iroqcha ovozida ozuqaning paydo bo’lishi kuzatilmasa shartli refleksning so’nish ehtimoli tajriba yo’li orqali isbotlangan. Lekin tajribadagi tanaffusdan so’ng yangi stimulni qo’llashda ovozga nisbatan javoban so’lak ajralishi yana yuzaga keladi, ya`ni shartli refleksni o’z-o’zidan beixtiyor ravishda qayta tiklanishi sodir bo’ladi. O’ziga xos tondagi aniq qo’ng`iroqcha ovoziga nisbatan shartli refleksni hosil bo’lishiga stimullar defferentsiyasi erishishi mumkin har qanday qo’ng`iroqchaga o’xshash ovozga reaktsiya hosil qilishi mumkin generalizatsiya.

Xulq-atvor reaktsiyalarini eksperemental shakllanishi haqidagi ma`lumotlar psixologlar tomonidan foydalanilgan. Bixevioristlar nuqtai-nazaridan psixologiya ya`ni yo’nalish manifestining muallifi Dj. Uotson 1878-1978 fikricha, psixologiya aniq va ishonchli fan bo’lishi lozim. SHuning uchun kuzatish va o’lchashga qulay va ochiq bo’lgan insonning xulq-atvorini o’rganish zarur. Klassik bixeviorizmda stimul reaktsiya chizmasi S-R xulq-atvorningyangi shakllarini hosil bo’lishi mexanizmi sifatida talqin qilinadi va turli murakkablik darajasidagi xulq-atvor harakatlarining shakllanish jarayonini tavsiflash uchun etarli deb hisoblanadi.

Bolaning psixik rivojlanish yo’nalishining asosiy determinanti bu atrof muhitning ta`siridir. Bu holatni isbotlash uchun Dj.Uotson go’daklik yoshidagi bolalar xulq-atvorini o’rganishga murojaat qilgan hamda quyidagi xulosaga kelgan Bola kam sonli oddiy reaktsiyalarni berishi mumkin bo’lgan tirik go’sht bo’lagi sifatida ko’rib chiqish mumkin. Uotson odam bolasida faqatgina 3 ta tug`ma xulq-atvor shakllari reaktsiyalari mavjudligini e`tirof etgan. G`azab go’dak harakatlarini chegaralanganlik holati, qo’rquv tayanchni yo’qotganda yoki keskin qattiq tovushda, muhabbat bolada erkalash silash-siypash qoniqish hosil qilganida. Asta-sekin ushbu instinktiv reaktsiyalardan shartli reaktsiyalar hosil bo’ladi va xulq-atvorning keng oqimlari yuzaga keladi. Mumkin bo’lgan barcha reaktsiyalardan hayot sharoitlariga yaxshiroq moslashishiga yordam beruvchilari tanlab olinib mustahkamlanadi.

Dj.Uotson bolada shartsiz reaktsiya asosida qanday qilib, yangi stimulga nisbatan qo’rquv reaktsiyasini yuzaga kelishi mumkinligini eksperimental ko’rsatgan. Psixologiya tarixida kichik Albert nomi bilan mashhur bo’lgan, dastavval kalamush oldida qo’rquvni his qilmagan o’n bir oylik bolaga oq rangdagi kalamushni ko’rsatish bilan birga shartli stimul uning orqasidan bongda qattiq urish namoyish etilgan shartsiz stimul. Baland ovozli signalni kalamushni ko’rsatishi bilan muvofiqlikda bir necha marotaba takrorlash oqibatida kalamushni ko’rsatgan zahotiyoq bolalar yig`lab berkinishga harakat qilishlariga sabab bo’lgan. Bu kuchli qo’rquv reaktsiyasi hosil qilinganligi haqida dalolat beradi. Albertdagi bu qo’rquv kalamush bilan nimasidir o’xshash bo’lgan ko’pgina predmet- stimullar xususan quyon, po’stin, paxta va oppoq rangdagi soch va soqollar ko’rsatilganida kuzatilgan (salbiy oqibatlari hisobga olinmagan tarzda bola psixikasini o’rganishga ob`ektiv ekspermental yondashuvning bunday usuli katta tanqidga uchradi. Keyinchalik, psixologik tadqiqot xulq-atvorining axloqiy me`yorlari ishlab chiqilgan va psixologni kasbiy axloqiy tamoyillariga rioya qilish masalasi qo’yilgan).

Go’daklar bilan olib borilgan eksperment natijalaridan kelib chiqib, bixevioristlarning ta`kidlashicha, bolaning xulq-atvorini nazorat qilish mumkin bo’lgan reaktsiyalarni oldindan aytib berish, kutilgan xulq-atvor shakllarini yuzaga keltirish va nomuvofiq keladiganlarini (mos kelmaydiganlarini) paydo bo’lib mustahkamlanilgan (qo’rquv, injiqlik, erkalik) qochish uchun muhitni alohida tashkil etish muhimdir. Dj.Uotson tomonidan ta`riflangan benuqson, ideal bola qiyofasiga diqqatingizni qarating: “…bu bola haqiqatdan hali og`riqni his qilgan holatlaridan tashqari hech qachon yig`lamaydi; quvnoqlik bilan o’yin o’ynaydi yoki ishlaydi, atrof-muhitda uchraydigan kichik kamchiliklarni kattalar oldiga yugurmay mustaqil ravishda engib o’tishga tez o’rganadi; hayotiy qiyinchiliklar va baxtsizliklarni engib o’tish uchun sog`lom malakalarga o’z vaqtida ega bo’lib mustahkamlaydi; kattalarni bola bilan birga bo’lishni yoqimli kechishini ta`minlovchi ijtimoiy ko’nikmalarga ega bo’ladi; kattalarning alohida e`tiborini talab qilmagan holda katta hoxish bilan muloqotga kirishad; nima taklif qilsalar shuni istemol qiladi, dam oladi, vaqt o’tishi bilan ikki yog`ini oxirida uch yoshlikdagi ko’nikmalarga ega bo’ladi, o’smirlik yoshiga shunday tayyorgarlik bilan etib keladiki o’spirinlik uning uchun etuklik yoshining tabiiy boshlanishi bo’ladi va nihoyat etuklik yoshida mehnat, ijtimoiy ko’nikmalarda yaxshi toblanganligi sababli hech qanday hayot to’siqlari baxtsizliklar o’z oldiga qo’ygan maqsadlarga yashashdagi kurashdagi uni sindira olmaydi.

Kattalar uchun qulay bo’lgan bunday bola (“ hech qachon yig`lamaydigan” “ tomomila bajara oladigan”,” tez o’rganadigan” “yordam uchun kattalarga chopmaydigan” “o’z vaqtida ko’nikuvchi” “o’ziga alohida e`tborni talab qilmaydigan”) o’zini o’zi rivojlantirishga emotsionallikka, faolikka joy qolmagan, yaxshi yo’lga qo’yilgan mexanizmni eslatadi.

Dj.Uotson tarbiyaga nisbatan ilmiy yondashuvni chuqur ishlab chiqishni orzu qilib unga xos bo’lgan keskin uslubda u haqida yozgan: “Agar bolalar tug`ilishini 20 yilga to’xtatish imkoni bo’lsa, eksperiment maqsad bilan tarbiyalanayotgan bolalar rivojlanish qonunyatlarini chuqur o’rganishga bag`ishlab so’ngra egallangan bilimlar asosida ilmiy va mukammalashgan metodlar orqali yangi tarbiyani boshlash shubhasiz insoniyatni ahamiyatli darajada yaxshilagan bo’ladi” Dj.Uotson “Bolani psixologik parvarish qilish” jismonan va ruhiy sog`lom bolalarni tarbiyalashga yordam beruvchi ayrim shartlarni keltirgan. Eng avvalo gap qat`iy kun tartibi, bolaga mos kelmaydigan stimullar ta`siridan himoya qilishi mumkin bo’lgan maxsus xonaning mavjudligi, shuningdek, bolaga nisbatan bo’lgan munosabatga mehribonlikni namoyon qilishdagi me`yorlar haqida ketadi.

Dj.Uotson barcha odamlarda aniq qat`iy belgilangan xulq-atvor modelini shakllanishiga atrof-muhitning bilamchi ta`sir kuchi haqida o’z fikr mulohazalarini bildirgan. U muhit to’g`ri shakllantirilganda rosmana me`yordagi sog`lom go’daklardan har kimini katta qilish mumkinligi haqida ta`kidlagan.

Operant o’rgatish

Edvard Torndaykning psixologiya faniga qo’shgan hissalaridan biri “odam shunchaki fikrlay oladigan boshqa bir jonivor” degan ta`kid edi.

Edvard Tolmen o’zining psixologiyadagi tizimini “Maqbul bixeviorizm” deb atagan. Uning fikricha, organizm xulq-atvori ma`lum bir adaptativ maqsadga yo’nalgan. Bixeviorist bo’lgan Tolmen Kurt Levin tufayli geshtalt nazariyasiga qiziqib qoladi.

Klerk Xallning fikrlariga I.P.Pavlov, CHarliz Darvin, E.Torndayk, E.Tolmenlar ishlari o’z ta`sirini ko’rsatgan. Uning nazariyasi ushbu tadqiqotchilarning nazariyalari hamda Nyuton fizikasini siznetlashga urinish edi. U gipnoz bilan qiziqadi hamda 1933 yilda shu mavzuda kitob yozadi⁶.

Haqiqatdan yangi xulq-atvorni egallash shartlarini eksperemental tadqiqi shuningdek, o’rgatish dinamikasi amerikalik psixolog E.Torndaykning diqqat markazida bo’lgan. E.Torndayk ishlarida hayvonlarda muammoli vaziyatlarni hal etish qonuniyatlari ko’proq o’rganilgan. Hayvonlar mushuk, it, maymun maxsus yasalgan muammoli quti yoki labirintdan mustaqil ravishida chiqish yo’lini topishlari kerak edi. Keyinchalik xuddi shunday tajribalarda sinaluvchi sifatida kichik yoshdagi bolalar ishtirok etgan. Labirint yoki eshikni ochish vazifasini hal etish usulini qidirishini namoyon qiluvchi murakkab, ichki sabab natijasida yuzaga kelgan bunday xulq-atvorni tahlil qilishida ma`lum bir reaktsiyani yuzaga keltiruvchi stimulni ajratish qiyin. E.Torndayk ma`lumotlariga ko’ra dastavval hayvonlar ko’plab tartibsiz harakat sinovlarni amalga oshirgan va tasodifan muvaffaqiyatga olib boradigan kerakli harakatlarni qilgan. Ushbu qutidan chiqishning keyingi harakatlarida xatolar soni kamayib unga sarflangan vaqt ham qisqargan. O’rgatish turi sinaluvchi odatda, xulq-atvorning turli variantlarini operantlarini –ingloperate harakat qilish anglamagan holda sinashi va ulardan ko’proq to’g`ri moskelganini tanlab olishidir, bu operant asoslash nomini olgan. Intelektual vazifalarni hal etishda sinov va xatolar metodi inson va hayvonlar xulq-atvorini tavsiflovchi umumiy qonuniyat sifatida ko’rib chiqila boshlangan.

Torndayk o’rgatishning to’rtta asosiy qonunini ta`riflagan

1.Takrorlash qonuni mashq qilish stimul va reaktsiya o’rtasidagi aloqa qanchalik tez-tez takrorlansa, shunchalik u tezroq mustahkamlanadi va mahkamlanadi.

2.Ta`sir effekt qonuni qo’llab-quvvatlash. Reaktsiyalarni o’rganishda qo’llab-quvvatlash bilan birga kuzatilganlardan ijobiy yoki salbiy biri mustahkamlanadi.

3.Tayyorlik hozirlik qonuni. Sub`ekt holati ochlik suvsizlik hissini his qilayotgan yangi reaktsiyalarni ishlab chiqish uchun ahamiyatsiz emas.

4.Assotsiativ o’zgarish qonuni. Vaqt bilan chegaradoshlik bog`liqlik ahamiyatli muhim bilan assotsiatsiya qilishda bog`liq bo’lgan neytral stimul ham kerakli xulq-atvorni yuzaga keltira boshlaydi. SHuningdek, E.Torndayk tomonidan bolani o’rgatish muvaffaqiyatining qo’shimcha sharoiti stimul va reaktsiyani farqlashdagi engillik hamda ular o’rtasidagi aloqani anglash ajratib ko’rsatilgan. Operant o’rgatish organizmining yuqori faolligida sodir bo’ladi, uning natijalari oqibatlari bilan nazorat qilinadi aniqlanadi. Umumiy fikr shundaki, agar harakatlar ijobiy natijaga, muvaffaqiyatga olib kelsa, unda ular mustahkamlanib takrorlanadi. E.Torndayk tajribalaridagi labirint atrof muhitning soddalashtirilgan modeli bo’lib xizmat qilgan. Labirint metodikasi haqiqatdan ham ma`lum bir doirada organizm va muhitning munosabatini modellashtiradi ifodalaydi lekin juda tor, bir tomonlama chegaralangan bo’ladi. Bu model doirasida aniqlangan qonuniyatlarni inson ijtimoiy xulq-atvoriga o’tkazish juda qiyin.

B.Skinerning radikal keskin bixeviorizmi

B.F.Skinner ham Freyd kabi bixeviorist bo’lib, bixevioristik nazariyaning etakchisidir. Skinner boshqa zamondoshlariga nisbatan o’z-o’zini kuzatishga qarshi bo’lgan. SHuningdek, u xulq-atvor shakllarini o’rganishga hissa qo’shgan.⁷

Qat`iy bixeviorizmning ko’zga ko’ringan nazariyachisi Skinner 1904-1990 metodlar orqali insonning barcha xulq-atvorini bilish mumkinligini, chunki ob`ektiv ijtimoiy muhit determinallanganligini e`tirof etgan. B.F.Skinner motivlar, maqsadlar, hissiyotlar, anglanmagan fikrlar va shu kabi psixik jarayonlar tushunchasini inkor etgan. Uning ta`kidlashicha, inson xulq-atvori deyarli uni qurshab turgan tashqi muhit ta`sirida butunlay shakllanadi. Ba`zida bunday yondashuvni invayronmentalizm inglenvironment- muhit- atrof deb ataydilar. B.F.Skinner fikriga ko’ra, inson psixikasining qora qutisi empirik tadqiqotlardan chiqarib tashlanishi, bevosita kuzatish mumkin bo’lgan inson xulq-atvorini o’rganishga, oxirgi hisobda inson harakatini aniqlab nazorat qiluvchi muhit omillarini o’rganishga qaratilishi kerak. B.F.Skinner hayvonlar xulq-atvorini kalamush kabutar eksperemental tahili inson va hayvonlar uchun umumiy bo’lgan xulq-atvor tomonlarini ochishga imkon beradi deb hisoblangan. Xulq-atvorning umumiy qonuniyatiga tayanib ta`lim va tarbiyaning muhim amaliy psixologik-pedagogik vazifasini hal etish mumkin. Ijtimoiy muhit o’zgarishlarini manipulatsiya qilib ya`ni bog`liq bo’lmagan o’zgarishlar individning xulq-atvor reaktsiyalarini bog`liq o’zgaruvchilar tahmin qilish va nazorat qilish mumkin.

B.F.Skinner xulq-atvorining 2 ta asosiy turi mavjudligini e`tirof etgan respondent va operent. Biroq uning taxminicha anglash mumkin bo’lgan, birlamchi stimullar mavjud bo’lmagan ichki sabablar natijasida vujudga kelgan harakatlar operant xulq-atvordir. Inson va hayvonlar uchun xulq-atvor natijasida yuzaga keluvchi voqea-hodisalar oqibatlar muhimdir. Natijadan oqibatidan bog`liqlikda kelajakdagi kelgusidagi bunday xulq-atvorga nisbatan ma`lum bir fikr shakllanadi. Operant xulq-atvor asta-sekin ixtiyoriy harakatni egallaydi. O’rgatishning operant turi bo’yicha insoniyat xulq-atvorining ko’pgina shakllarining shakllanishi sodir bo’ladi ya`ni kiyinishni bilish, kitob o’qish odati, tajovvuzkorlikni namoyon qilishdan tiyilish g`azabni jilovlash tortinchoqlikni engib o’tish va boshqalar.

Pirovard ijobiy natijaga olib keladigan reaktsiyani takrorlashga harakat qiladi. SHunday qilib ko’pgina oilalarda yig`lashga operant o’rgatishni kuzatish mumkin.

Hayqiriq va yig`i bolaning jismoniy noqulaylikka nisbatan shartsiz reaktsiyasi sifatida ota-onani bolaga yaqinlashib unga diqqatini qaratib yordam berib, tinchlantirishga undaydi bunday g`amxo’rlik bola yig`isi uchun kuchli ijobiy quvvat bo’ladi va yig`i ota-ona xulq-atvorini nazorat qilishning operant asoslangan omilga aylanadi. SHu vaqtning o’zida, salbiy natija yoki jazolashni yuzaga keltiruvchi reaktsiyalarni takrorlanish ehtimoli kamayadi. Agar tanish kimsa sizning salomingizga javoban labini qisib tanimaslikka olsa, biz tezda u bilan salomlashishni bas qilamiz.

Qo’llab-quvvatlash B.F.Skinner kontseptsiyasining tayanch tushunchasidir. Qo’llab-quvvatlash reaktsiyani kuchaytirib uni hosil bo’lish ehtimolini ko’paytiradi. Bixevioral o’qitishda qo’llab-quvvatlashning ikki turi tan olingan birlamchi yoki shartsiz suv, ozuqa, jinsiy munosabat ikkilamchi yoki shartli pul ahamiyatli bo’lgan boshqalar tomonidan e`tibor ota-ona, tengdoshlar va o’qituvchilarning maqtovi ma`qullashlari B.F.Skinnerga ko’ra, ikkilamchi qo’llab-quvvatlash stimullari avvalgi tajriba natijasida quvvatlovchiga aylanadi.

Ular ko’pchilik odamlar uchun umumiy bo’lib,ularning xulq-atvoriga kuchli ta`sir ko’rsatadi. SHuningdek, B.F Skinner ijobiy va salbiy qo’llab-quvvatlovchini ajratib ko’rsatgan. Ijobiy quvvatlovchi (quvvatlash) birgalikda reaktsiyani kuchaytiradi. Salbiy quvvatlovchi (quvvatlash) ham faqatgina qo’zg`atuvchi stimullarni bartaraf qilish hisobiga (o’rtoqlarning “kichkintoy” “onasini o’g`li” kabi mazaxlaridan qochib intilishga haqoratlovchi so’z va iboralarni qo’llashni boshlaydi). Xulq-atvor reaktsiyasini kuchaytiradi. SHuningdek, xulq-atvor jazolash yordamida ham (o’smirning onasi haqoratli so’zlar uchun uni labiga urishi yoki cho’ntak pulidan mahrum qilish mumkin) nazorat qilishi mumkin.

Bunday oqibatga chek qo’yish, xulq-atvor reaktsiyasiga barham berish talab etiladi.

Zamonaviy jamiyatda jazolash texnikasi ko’proq qo’llaniladi, lekin B.F Skinner xulq-atvorning bunday nazorati samarasiz (faqat vaqtincha istalmagan xulq-atvorni to’xtatib turadi) ekanligini va undan ham yomoni salbiy zararli ta`sirni (qo’rquv, xavotirlanish o’z-o’ziga bahosini pasayishi, (asotsial) antijtimoiy xulq-atvorning qo’pol shakllari) yuzaga keltirishga harakat qilgan. B.F.Skinner ijobiy qo’llab-quvvatlash (kutilmagan natijalarni rag`batlantirish) kattalar xulq-atvorini shakllantirishning juda ham ishonchli usuli (metodi) ekanligini ta`kidlagan. Murakkab xulq-atvorga o’rgatish holatida (masalan xat yozish, ko’nikmasi, shaxslaro muloqot tartiblilikni hosil qilish) izchil yaqinlashish yoki shakllantirish metodidan foydalaniladi. Qadam – baqadam bosqichma-bosqich qo’llab-quvvatlash xulq-atvorini kutilgan yo’nalishga o’zgartirishga bir necha marotaba qo’shiladi. O’rgatishning boshqa tamoyili- qo’llab-quvvatlashning beto’xtovligidir. Bolani mustaqil tartibli ovqatlanishga o’rgatishga muntazam qo’llab-quvvatlanadi: boshida bola o’rgatilganlarni tezda yodidan chiqarib qo’ysada, uni ruhlantirish har bir harakatlaridan faxrlanish masalan, bola qo’liga qoshiqni olib og`ziga olib borish harakati uchun uni maqtash kerak. Kutilgan natijaga faqatgina asta-sekin yaqinlashish natijasida bolada kiyim-kechak va stol ozodaligiga hamda tartibligiga erishish mumkin. B.F Skinnerning ta`kidlashicha hatto verbal xulq-atvor yoki og`zaki nutq ham muvaffaqiyatli yoki izchil yaqinlashish orqali egallanadi. Lekin ko’pgina psixologlar operant asoslash tamoyilidan kelib chiqib tushuntirib bo’lmaydigan, ilk bolalik davrida nutqning bu qadar tez rivojlanishiga alohida urg`u berib, bunday tarzda tilni o’zlashtirish mumkinligiga mutlaqo qarshilar.

Insonning ijtimoiylashuvi muammosi B.F.Skinnerning “Erkinlik va qadr-qimmatning boshqa tarafi” (1971) “ jamiyat va bixeviorizm haqida fikr-mulohazalar” (1978) kitoblarida kelib chiqilgan. B.F.Skinner ta`limotida bolaning rivojlanish- bu qo’llab-quvvatlash yo’nalishi bilan muvofiqlikda uni me`yoriy xulq-atvorga o’rgatishdir. Ilk bosqichlarda ijtimoiylashuv omillari va qo’llab–quvvatlash manbalari bo’lib, ota-ona hisoblanadi, keyinchalik, qo’llab–quvvatlash manbalarining soni ortadi: bular qo’ni-qo’shnilar maktab tengdoshlar fikridir. B.F.Skinner “Inson xulq-atvori uning hayoti davomida o’zgaradi va vaqti-vaqti bilan inqirozlar yuzaga keladi degan fikrni qo’llab-quvvatlagan. Inqiroz holati muhitining shunday bir o’zgalari ta`sirida yuzaga keladiki unda individ xulq-atvor reaktsiyalarining adekvat to’plamiga ega bo’lmaydi. Muhit bolaning xulq-atvorini doimiy, uzluksiz va ketma-ketlikda shakllantiradi deb hisoblagani uchun bixeviorizmda rivojlanishni yosh davrlarga ajratish (bo’lish) muammosi ko’rib chiqilmaydi. Rivojlanishni davrlashtirish muhitga bog`liq. Ushbu yosh davrida barcha bolalar uchun yagona rivojlanish qonuniyati mavjud emas: muhit qanday bo’lsa ushbu bolaning rivojlanishi qonuniyati ham shunday bo’ladi. Gap faqat ma`lum bir ko’nikmani shakllantirish o’rgatish bosqichlarini belgilash imkonini beradigan (o’yinni rivojlanish bosqichlari yozishga yoki tennis o’ynashga o’rgatish) funktsional davrlashtirishni yaratish haqida ketishi mumkin. O’rgatishning doimiy tajribasi boshqa psixologik maktablarda “SHaxs” deb nomlanuvchini yaratdi. SHaxs-bu insonning butun umri (hayoti) davomida egallagan tajribasidir. Insonning (noyobligi) o’ziga xosligi irsiyat tavsif va o’rgatishning individual repertuarini o’ziga xos uyg`unligi bilan belgilanadi. Bunday tarzda psixik rivojlanish o’rgatish bilan tenglashtiriladi ya`ni, har qanday bilim, ko’nikma, malakani egallash bilan maxsus o’qitish sharoitlarida va tasodifiy yuzaga kelgan holatlarda bilishga o’rgangan.