Uchinchi savol bo’yicha darsning maqsadi: Talabalarga shaxsning
kasbiy shakllanishi determinatsiyasi haqida tushuncha berish, biogenetik
nazariyani mohiyatini yoritish, shaxsning shakllanishida taraqqiyotning bosh
maqsadi - biologik determinantlarning o’rnini aniqlash. Nemis psixologi
V.Shternning fikrini o’rganish
Identiv o’quv maqsadlari. 1. Shaxsning kasbiy shakllanishi determinatsiyasi haqida tushuncha beradi.
2. Biogenetik nazariyaning mohiyatini yoritadi.
3. Shaxsning shakllanishida taraqqiyotning bosh maqsadi - biologik
determinantlarning o’rnini aniqlaydi.
4. Nemis psixologi V.Shternning fikrini o’rgatadi.
3- savolning bayoni Shaxsning kasbiy shakllanishi determinatsiyasi. Biogenetik nazariyaning negizida insonning biologik etilishi bosh omil
sifatida qabul qilingan bo’lib, qolgan jarayonlarning taraqqiyoti ixtiyoriy
xususiyat kasb etib, ular bilan o’zaro shunchaki aloqa tan olinadi, xolos.
Mazkur nazariyaga binoan, taraqqiyotning bosh maqsadi - biologik
determinantlariga (aniqlovchilariga) qaratiladi va ularning mohiyatidan sotsial-
psixologik xususiyatlar keltirilib chiqariladi.
Nemis psixologi V.Shternning fikricha, chaqaloq (yangi tug’ilgan bola)
hali u odam emas, balki faqat sut emizuvchi hayvondir, u olti oylikdan
oshgach, psixik taraqqiyoti jihatidan faqat maymunlar darajasiga tenglashadi,
ikki yoshida esa oddiy odam holiga keladi, besh yoshlarda ibtidoiy poda
holatidagi odamlar darajasiga etadi, maktab davridan boshlab ibtidoiy davrni
boshidan kechiradi, kichik maktab yoshida o’rta asr kishilar ongiga va nihoyat
etukli davrdagina (16-18 yoshlarda) u hozirgi zamon kishilarining madaniy
darajasiga erishadi.
To’rtinchi savol bo’yicha darsning maqsadi: Talabalarga shaxsning kasbiy
rivojlanishning bosqichlari haqida tushuncha berish, psixodinamikaning
mohiyatini yoritish, psixolog E.Eriksonning nazariyasini tushuntirish,
Nazariyadagi shaxs rivoji davrlarini o’rgatish.
