Fitonsidlar. Bular – antibiotiklarga o‘xshab ta’sirga ega, lekin o‘simliklardan olinadigan antimikrob moddalar fitonsidlar to‘qimalarda askorbin kislota hosil bo‘lishiga yordam beradi, yaralarni tuzatadigan va yallig‘lanishlarga qarshi ta’sir etadi.
Sarimsoq piyoz. Undan allatsin antibiotik ajratib olingan.
Yangi olingan shirasi bakteriotsid, dezodorant, yaralarni tuzatadigan ta’sir qiladi.
Og‘iz orqali qabul qilinsa ishtahani ochadi, ovqat hazm qilishni yaxshilaydi, peristaltikani kuchaytiradi, og‘riqlarni kamaytiradi. Qonga so‘rilgach tomirlarni kengaytirib qon bosimni tushiradi, yurak ishini yaxshilaydi.
Yangi olingan sarimsoq piyoz shirasi jarohat va yaralarni davolaydi. Antigelment (ostritsa) ta’sir qiladi.
16-mavzu. Parazitarlarga qarshi ta’sir ko‘rsatuvchi moddalar.
Reja: 1. Parazitlarga qarshi moddalar haqida tushuncha.
2. Gijjalarga qarshi moddalar.
3. Bo‘yoqlar.
4. Insektisid va akarisid vositalar haqida tushuncha.
5. Insektisid va akarisid moddalarni guruhlari.
6. Deratizasiyalovchi moddalar.
TAYANCH TUSHUNCHALAR: ► Gijjalarga qarshi vositalarga umumiy xarakteristika berish, ularning vakillari, qo‘llanilishi, dozalari va saqlash qoidalari haqida. ► Deratizatsiya qilish uchun ishlatiladigan dorilarga umumiiy xarakteristika berish. Ularning preparatlari, ishlatilishi, dozalari va saqlash qoidalari, ta’sir mexanizmi haqida tushunchalar. ► Insektitsid va akaratsid moddalarning umumiy xarakteristika. Ularning qo‘llanilishi, farmakodinamikasi, va saqlash qoidalari. ► Har xil guruh preparatlarining umumiy xarakteristikasi haqida. ► Fosfororganik, xlororganik birikmalar va karbonatlarning umumiy xarakteristikasi, ularning vakillari, ishlatilishi saqlash qoidalari to‘g‘risida. ► O‘simliklardan olinadigan insektitsid va akaratsid preparatlar olinishi, ta’sir mexanizmi va ishlatilishi to‘g‘risida. ► Oltingugurt va uning preparatlariga umumiy xarakteristika, ularning olinishi, ta’sir mexanizmi, dozalari va qo‘llash, saqlash qoidalari to‘g‘risida.
