Ўzbekiston respublika oliy va ўrta maxsus
Hal qiluvchi vazifalarga odamlar tanlash
Yüklə 5,01 Kb. Pdf görüntüsü
|
|
1.4. Hal qiluvchi vazifalarga odamlar tanlash Qobiliyatli boshqaruv komandasini yaratish muvaffaqiyatli faoliyat ko„rsatadigan tashkilotni asosini tashkil etadi. Strategiyani yurituvchilar strategiyani 37 muvaffaqiyatli amalga oshiradigan boshqaruv komandasining tarkibini aniqlashi so„ngra har bir lavozimga munosib nomzodlarni tanlashlari lozim. Ba‟zida mavjud boshqaruv komandasini takomillashtirish yetarli bo„ladi, ba‟zida esa sharoitga mos keluvchi rahbar tashqaridan jalb etiladi. Keskin o„sish va rivojlanish davri yoki talab etiladigan kadrlarning etishmasligi oqibatida quyi pog„onalardan kadrlarni rahbarlikka jalb etish orqali tashkilotni boshqaruv komandasini shakllantirish odatiy hol hisoblanadi. Boshqaruv komandasini yaratishda qanaqa tajriba, bilim, radriyatlar, boshqaruv usullari va shaxsiy sifatlar tashkilot strategiyasini muvaffaqiyatini ta‟minlashini aniqlash muhim ahamiyatga ega. Ishonchli boshqaruv komandasini yaratish – bu juda dolzarb tashkiliy funksiya bo„lib, ushbu muammoning muvaffaqiyatli hal etilishi strategiyani amalga oshirilishi yo„lida birinchi qadamdir. Hal etuvchi sohalarni etuk mutaxassislar bilan ta‟minlash muhim tashkiliy masala hisoblanadi. Strategiyani «a‟lo» darajada yaratish orqali raqobat ustunligiga ega bo„lish mumkin bo„lmasa, uni sifatli tatbiq etish orqali muvaffaqiyatga erishish mumkin. Korxonalar o„xshash strategiyalar orqali raqobatlashadigan vaziyatda strategiyani samarali tatbiq etilishi raqobat ustunligiga asos bo„ladi. Masalan, «Honda» korxonasining asosiy raqobat ustunligi bu benzinli dvigatellar texnologiyasini yaxshi bilishidir, «Intel» korxonasi esa personal kompyuterlar uchun murakkab mikrosxemalarni yaratadi, «Sony» korxonasi elektron texnologiyalar sohasida yetakchi hisoblanadi. Strategiyani tatbiq etuvchilar hal kiluvchi sohalarda ko„nikmalarning quyidagi xususiyatlarini e‟tiborga olishi tavsiya etiladi: Odatda tor ixtisoslashuv bilangina chegaralanib bo„lmaydi, korxonaning hamma bo„linmalarida yaratiladigan o„ziga xos tashkiliy sifat to„g„risida gap yuritish lozim. Ko„nikmalar ishchi guruhlar va bo„limlarning hamkorlikdagi faoliyati natijalaridan shakllanganligi sababli brigadirlarga va bo„lim boshliqlariga korxonani raqobat ustunligini shakllantirish majburiyatini yuklab bo„lmaydi. 38 Tayanch sohadagi ustunlikni uzoq muddatli raqobatdoshlikka aylantirish uchun ushbu masalaga raqobatchilarga nisbatan ko„proq e‟tiborni qaratish lozim. Xaridorlarning talablari turlicha o„zgarishi mumkin. Ushbu o„zgarishlarni oldindan aniq ko„rish mumkin emas. Shu sababli o„zgarishlarni oldindan prognoz qilish bazasi va ko„nikmalari yyetarlicha keng va moslashuvchan bo„lishi lozim. Ko„nikmalar turli-tuman bo„lishi quyidagilarni nazarda tutadi: 1. Insoniy resurslarni va bilimlar bazasini boshqarish. 2. Narxni yaratuvchi zanjirdagi ishchi guruhlar harakatlarini muvofiqlashtirish. 3. Ushbu muammolarni yetakchi yoki katta menejerlarga topshirish maqsadga muvofiq hisoblanadi. Minimal moliyaviy xarajatlarni ta‟minlash uchun «Gray» (katta EHMlar), «Lotos» (programma ta‟minoti), «Honda» (kichik dvigatellar) korxonalari iqtidorli mutaxassislar guruhini qayta tashkil etib, ularni maxsus loyihalarni bajarishga yo„naltiradilar. Ichki aqliy potensialni safarbar qilish orqali korxona muvaffaqiyatga erishadi. Ushbu korxonalar katta operatsiya smetalari hisobiga emas, balki faoliyatni ustakorlik bilan tanlash, tayyorgarlikka e‟tibor berish, kuchli madaniy ta‟sir qilish, hamkorlik, motivlash, vakolatlar, tashkiliy moslashuvchanlik, ma‟lumotlar bazasining sifatliligi hisobiga muvaffaqiyatga erishadi. Tayanch ko„nikmalar shakllanib, o„z natijasini bera boshlagandan keyin ham strategiyani amalga oshirish uchun javobgar shaxslarning tinchlanishga haqi yo„q. Bozordagi vaziyatni o„zgarishini e‟tiborga olib, ko„nikmalarni doimo kengaytirish, guruhlash va rivojlantirish lozim. Chunki ko„nikmalar korxonani raqobat ustunligini yaratadi. Korxonani o„ziga xos maxsus ko„nikmalarini raqobatchilar o„zlashtirishi juda mushkul. Shu sababli maxsus ko„nikmalar uzoq muddatli ustivor raqobatbardoshlikni ta‟minlaydi. Yüklə 5,01 Kb. Dostları ilə paylaş:
|