Ўзбекистон республикаси халқ таълими вазирлиги

2.2. Inson huquq va erkinliklarining ta’minlanishi 
Prezidentimiz Islom Karimov respublika rahbari bo’lib ish boshlagan 
birinchi kunlaridanoq inson manfaatlarini, xalqimiz manfaatlarining eng asosiy 
ustuvor masala sifatida kun tartibiga qo’ydi. Buni Yurtboshimiz 1989 yil 24 iyunda 
Ministrlar sovetida bo’lib o’tgan yig’ilishdagi nutqi yaqqol tasdiqlaydi. Ushbu 
nutqning asosiy qismi butun yurtimiz, jumladan, Farg’ona vodiysida yashayotgan 
aholining o’tkir muammolarini hal qilish, xususan,odamlarni ish bilan, qo’shimcha 
daromad manbalari bilan ta’minlash, mahalliy muhandis-texnik kadrlar, ishchilarni 
tayyorlash, yoshlarga e’tibor, ijtimoiy sohadagi adolatsizliklarga barham berish 
masalalariga bag’ishlangan edi. 
Ma’lumki, XX asrning 60-yillaridan boshlab sobiq SSSR iqtisodiyotida 
ziddiyatlar kuchayib bordi, amaldagi xo’jalik yuritish mexanizmlarining mazkur 
ziddiyatlarni bartaraf etishga noqobilligi namoyon bo’la boshlagan edi. 
Iqtisodiyotga sarf-xarajatlar ortsa-da, rivojlanish sur’ati keskin pasayib boraverdi. 
1
Иброҳимов. Бизким, ўзбеклар... Миллий давлатчилигимиз асослари ҳақида мулоҳазалар / Сўзбоши: 
Ғафуров И. –Т.: “Шарқ”, 2001. 213-бет. 

---

45 
Ishlab chiqarishni texnikaviy rivojlantirishda va aholi turmush darajasida g’arb 
mamlakatlaridan ancha orqada qolish ko’zga tashlandi. 
KPSSning barcha s’ezdlarida rivojlanishning intensiv shakliga o’tish 
zarurligi qayta-qayta ta’kidlangan bo’lsa-da, amalda bu vazifalar quruq gapligicha 
qolaverdi. Boshqaruvning ma’muriy- buyruqbozlik tizimi yaratgan samarasiz 
mexanizm ijtimoiy- iqtisodiy hayotda progressiv qayta o’zgarishlarni, iqtisodiyotni 
isloh qilish yo’lidagi (1979 yil) urunishlarni barbod qildi. So’z bilan ish o’rtasida 
uzilish ro’y berdi. 
Partiya hujjatlaridagi sotsializmni har tomonlama rejali rivojlantirish 
g’oyasi, aslida yagona hukmron maqsadga - markazlashgan mustabid davlatni 
mustahkamlashga qaratilgan edi. “Rejali rahbarlik qilish, rivojlanishda sarf-