Microsoft Word Sosial Psixologiya docx

Sosializasiya  prosesinin  amillərinə  ailə,  məktəbəqədər  uşaq  tərbiyə
müəssisələri,  məktəb  və  s.  aiddir.  Bu  amillərin  bir  hissəsi  fərdi  bilavasitə  əhatə  edən
mikromühitdə  (ailə,  məktəb  və  s.)  digər  hissəsi  isə  makromühitdə, sosial  müəssisə  və
təşkilatlar fəaliyyət göstərir.

---

Dr.Musa’s Library
Facebook/Psixologiya Kitabları
63
Sosializasiya  prosesinin  mərhələləri:  sosializasiya  prosesinin  mərhələləri
haqqında  müxtəlif  fikirlər  mövcuddur.  Məsələn,  çex  alimi  Yarovskinin  fikrinə  görə,
sosializasiyanın mərhələləri:
I mərhələsi - insan sosial münasibətlər və normalar sisteminə yiyələnir.
II mərhələsi - şəxsiyyətlərarası münasibətləri mənimsəyir.
III  mərhələdə  -  insan  mənəviyyatca  zənginləşir,  öz  qabiliyyət  və  istedadını  şəxsi
təcrübəsi əsasında inkişaf etdirir.
Rus alimi Q.M.Andreyeva da sosializasiya prosesini üç mərhələyə bölür:
1.  İlkin mərhələ - bu mərhələ uşaqlıq dövrünü əhatə edir.
2.  Marginal sosializasiya – yeniyetmənin sosializasiyası.
3.  Sabit və ya konseptual, ya da tam sosializasiya (17-18 yaşından 23-25 yaşadək)
Bu  təsnifatın  iki  nöqsanı  vardır.  Əvvəla,  mərhələlərin  hansı  əsasa  görə  seçilməsi
aydın  deyildir.  İkincisi,  Q.M.Andreyevanın  təsnifatında  sosializasiya  müəyyən  yaşla
məhdudlaşır. Müəyyən yaş dairəsinə aid edilir. Halbuki sosiallaşma prosesi ömürboyu
davam edən bir prosesdir.