5. Alternativlərin inkişafı və qarşılaşdırılması Bu mərhələdə menecerlər situasiyanın ehtiyacına cavab vermək və qeyd edilən səbəbləri aradan qaldırmaq üçün mümkün həll variantları müəyyən edir. Proqramlaşdırılmış qərarda mümkün həll variantlarının müəyyənləşdirilməsi asandır və əslində təşkilatdaxili qayda və prosedurlarda bu variantlar artıq mövcuddur. Proqramlaşdırılmamış qərarla isə yeni fəaliyyət kursunun inkişafını tələb edir. Araşdırmalar göstərir ki, bu prosesdə variantların az olması qərar qəbulunun müvəfəqiyyətsizliyinin əsas səbəbidir.
Variantlar qarşılaşdırılarkən hər bir təklif olunan variant tək-tək nəzərdən keçrilir, təhlil olunur. Hər bir variantın özəllikləri, müvəffəqiyyətli olub olmama imkanları, tətbiq edilmə zamanı çətinlikləri, xərcləri, üstünlükləri, zəif cəhətləri və s ətraflı təhlil edilir və dəyərləndirilir. Alternativlərin dəyərləndirilməsi bir sıra kriteriyalara əsasən aparılır.
