280
muhtojlar va mehnat qilishni xohlovchilar ish bilan ta‘minlanadi, bu ishchi kuchiga
talab va taklifning mutanosibligini anglatadi.
Ish bilan to„liq bo„lmagan bandlik
– bu iqtisodiy faol aholining bir
qismigina ijtimoiy foydali mehnat bilan ta‘minlanganligini ko‗rsatadi.
Ish bilan mavsumiy bandlik
– bu mehnatga qobiliyatli aholini tabiiy-
iqlim xususiyatlarini hisobga olgan holda vaqti-vaqti bilan (odatda
muayyan
mavsumlarda) ijtimoiy foydali mehnatga jalb etishdir.
Ish bilan yashirin bandlik
– bu holda pul to‗lamaydigan
uzoq muddatli
ta‘tilda bo‗lganlar norasmiy ravishda (ish bilan band sifatida rasman ro‗yxatga
olinmasdan) turli savdo-sotiq, aholiga xizmat ko‗rsatish bilan mashg‗ul
bo‗lishlarini anglatadi.
Ish bilan davriy bandlik
– bu muayyan muddatda
mehnat faoliyati bilan
mashg‗ul bo‗lish, muayyan muddatda dam olishni bildiradi. Ish bilan bandlikning
bu turi asosan neft,
gaz sanoati, baliqchilik tarmoqlarida vaxta usulida
ishlovchilarni nazarda tutadi.
Ish bilan samarali bandlik
– bu aholining ish bilan bandlikka ehtiyojining
mavjud ish o‗rinlariga muvofiq kelishining sifat xususiyati bo‗lib, iqtisodiy nuqtayi
nazardan mehnat resurslaridan eng oqilona foydalanishni, ijtimoiy jihatdan mehnat
faoliyatining inson manfaatlariga eng muvofiq kelishini bildiradi.
Ishga joylashtirishga muhtoj mehnat bilan band bo„lmagan aholi
(ishsizlar)
– qonun hujjatlariga muvofiq rasman ishsiz sifatida ro‗yxatdan
o‗tkazilgan shaxslar, shuningdek haq to‗lanadigan ishga yoki daromad keltiruvchi
mashg‗ulotga ega bo‗lmagan, mustaqil ravishda ish izlovchi va
bunday ish taklif
etilsa, ishga joylashishga tayyor bo‗lgan mehnatga layoqatli yoshdagi vaqtincha
mehnat bilan band bo‗lmagan shaxslar.
Dostları ilə paylaş: 
