Dərslik rəHBƏRLİk azərbaycan Respublikası Təhsil Nazirliyinin 24 saylı

Müalicə
Yüngül forma
Salisilatlar, histaminəleyhinə preparatlar (tavegil, fenkarol, pipolfen, suprastin, ero-
lin, klaritin, dimedrol) təyin edilir. Həmçinin B1, B6, B12 vitaminləri, C, P vitaminləri, 
kalsium preparatları (qlükonat, panqamat) inyeksiyaları əzələ daxilinə kurs müalicə kimi 
təyin olunur.
Orta-ağır forma
Prednizolon sutkada 30-60 mq dozada 5-7 gün ərzində və sonradan azaldılmaqla 2-4 
həftə ərzində təyin olunur. Etakridin laktat 0,05 q dozada gündə 3 dəfə 10-20 gün ərzində 
işlədilir. Dekaris 2 gün 150 mq dozada, sonradan 5 gün fasilə verməklə təkrarlanaraq 2 
ay müddətində təyin olunur. Lazım gəldikdə antibiotiklərin həssaslığı nəzərə alınmaqla 
və baş verən xəstəliyin bakterial infeksiya ocaqları ilə əlaqəsi müəyyən edildikdə işlədi-
lir. Asiklovir qrupu preparatlarını herpes infeksiyası ilə bağlı olan xəstəliklərin kəskin-
ləşmələri zamanı təyin edirlər.

---

309
Stivens-Conson sindromu
Prednizolonun başlanğıc dozası 60-80 mq götürülür. Hemodez (poliqlükin) 200-400 
ml olmaqla №3-5 damcı üsulu ilə venadaxilinə, natrium tiosulfatın 30%-li məhlulu 10,0 
ml dozada №6-8 venadaxilinə hər gün, histaminəleyhinə preparatlar işlədilir. 
Layella sindromu 
Xəstələrin müalicəsi yanıq şöbəsində və ya reanimasiya şöbəsində həyata keçirilir. 
Xəstəliyin başlanğıc mərhələlərində venadaxilinə damcı üsulu ilə böyük dozada korti-
kosteroidlər təyin olunur: suyun və elektrolit pozğunluqlarının korreksiyası məqsədilə 
aktiv infuzion terapiya aparılır. Aspirasion pnevmoniyanın, sepsisin və digər infeksion 
ağırlaşmaların profilaktikası üzrə tədbirlərin aparılması vacibdir. Dərinin nekroza uğra-
mış sahələrini kənar edirlər.
Yerli müalicə
Zədələnmə yerlərinə fukorsin, 5%-li dermatol məlhəmi, kombinə olunmuş korti-
kosteroidlər (krem, aerozollar) sürtülür. Ağız boşluğu 1:8000 nisbətində kalium per-
manqanat, 2%-li bor turşusu məhlulu, soda, tanin, çaytikanı dəmləməsi, durulaşdırılmış 
kalendula, propolis cövhəri ilə yaxalanır. Eroziyalara A vitaminin yağlı məhlulu, «Sol-
ko» dental məcunu çəkilir və sonra helium-neon lazeri ilə təsir göstərirlər. Zədələnmiş 
dodaqlara antibiotik tərkibli, kombinə olunmuş kortikosteroid preparatları sürtülür.