Qeyri -verbal kanalların satışın idarə edilməsi prosesində rolu Müştəri ilə işləmək məkanı. Mimika həmsöhbətə təsir vasitəsi kimi

4. Qeyri -verbal kanalların satışın idarə edilməsi prosesində rolu
4.1 Müştəri ilə işləmək məkanı.
4.2 Mimika həmsöhbətə təsir vasitəsi kimi.
4.3. Həmsöhbətlərin jestləri və pozalarından asılı olaraq onların daxili vəziyyətinin dərk edilməsi.
4.4. Satıcı-məsləhətçinin işində verbal ünsiyyətin xüsusiyyətləri.
Biz çoxlu sayda informasiyani öz müştərilərimizdən onlarla ünsiyyət prosesində onlar tərəfindən bizə göndərilən davranışlar, jestlər, üz ifadələri, mimika, ara məsafəsi, bədən hərəkəti, baxışlar vasitəsi ilə əldə edirik. Verbal ünsiyyətdən- söhbət vasitəsi ilə qurulan əlaqədən fərqli olaraq, qeyri verbal əlaqə onun tamamilə əksidir, yəni qeyri verbal ünsiyyət söhbətsiz yaranan ünsiyyətdir. İnsanların həyatında informasiyanın 65%-dən çoxu qeyri-verbal ünsiyyət vasitələri ilə ötürülür. İnsan, eşitdiklərinin yalnız 10%-ni, gördüklərinin, 50%-ni, özü-özünə söylədiklərinin 70%-ni və öz əli ilə elədiklərinin isə 90%-ni mənimsəyir.
Xidmət və satış sferasinda çalışan hər bir mütəxəsis üçün çox vacibdir ki, hər zaman ünsiyyətdə olduğu hər bir kəsin şüurunda nə baş verdiyini, hansı proseslər getdiyini bilsin.Tərəfdaşın verdiyi qeyri-verbal siqnalların müşahidə edilməsi ,onlar haqqında maksimum tam informasiya toplayıb, onunla səmərəli ünsiyyət taktikası seçilməsinə imkan verir. Burada nəinki verbal ünsiyət vasitələrini dərindən mənimsəmək lazımdır, həmçinin müştərilərə təsir göstərməyin qeyri-verbal metodlarını da dərindən bilib tətbiq etmək lazımdır.
Bizim əksər bədən hərəkətlərimiz tərəfdaşın şüurunun sərhədlərinin kənarından ötərək, şüursuzluq sferasına daxil olur. Bu üstünlüklərdən biz istifadə edərək, lazım olan öz bədən hərəkətlərimizlə sözlə ünsiyyətin təsirini dəfələrlə artırmış olarıq.
Əgər bizim hərəkətlərimiz müştəriyə saxta görsənsə, onlardan istifadə olunması etibarsızlığı bir az da gücləndirmiş olacaqdır. İnsanın jestləri onların daxili həyacanının bələdçisidirlər. Onlar ancaq o halda təbii hesab olunurlar ki, onlarla birlikdə ona uyğun olan duyğular hiss olunmuş olsun. Müştəriyə və tərəfdaşa peşəkar təsir göstərmək üçün, nəinki onun hər bir jestlinin nə demək olduğunu başa düşmək, müəyyən etmək lazımdır, həmçinin özünün ehtiyat jestlərini və davranışlarını dərindən öyrənmək, yaratmaq və genişləndirmək lazımdır.